1SESE, Jehovah aŋwaŋa ŋkpɔ ke isɔŋ efep, anam enye edi ukpɔk, onyuŋ okubi iso esie, onyuŋ asuan mme andiduŋ enye.
2Ndien nte etiede ye mbio-obio, kpa ntre ke editie ye oku; nte etiede ye ofin, kpa ntre ye ete esie; nte ye ofin aŋwan, kpa ntre ye eka esie; nte ye andidep, kpa ntre ye andinyam; nte ye owo eke ɔnɔde ŋkpɔ ke ebuɔt, kpa ntre ye owo eke ɔbuɔtde; nte ye owo isɔn, kpa ntre ye owo eke enye akamade enye isɔn.
3Eyekɔrɔde ofuri isɔŋ, enyuŋ ebume enye kpukpru: koro edi Jehovah ɔdɔhɔ ikɔ emi.
4Ererimbot atua, akpa ekondo eyemere, akpa, ata ikpɔ mbon ererimbot eyemere.
5Isɔŋ onyuŋ edehe ke idak mmɔ emi eduŋde ke esit: koro mmɔ eduede mbet, ebiatde ewuhɔ, enim nsinsi ediomi ke ikpikpu.
6Oro esin isuŋi adiade isɔŋ, enyuŋ enɔ mme andiduŋ ke esit ufen: oro esin mme andiduŋ isɔŋ efɔbɔde, mbio emi esuhɔde enyuŋ edi esisit.
7Obufa wine ke atua, vine ke eyemere, kpukpru mbon idaresit emum.
8Idara ekɔmɔ etre, mkpo mme ebre mbre odop, idara harp etre.
9Mmɔ idiŋwɔŋke wine ke ikwɔ; mmin eyedoro mmɔ eke eŋwɔŋde enye.
10Ikpikpu obio amanuaha mbak-mbak: emekɔbi kpukpru ufɔk, owo idukke duk.
11Eseme wine ke aŋwa; ofuri idaresit omokure, idara ererimbot amatak.
12Se isukde ke obio edi ŋwure, itim onyuŋ abiara fap.
13Koro ntem ke editie ke ufɔt ererimbot ke otu mme idut, nte etuakde olive, ye nte mfiɔhɔ grape ke emade utet.
14Mmɔ eyemenere uyo mmɔ ke enyɔŋ, ekwɔ, ubom Jehovah eyesin mmɔ eke edude ke inyaŋ efiori.
15Mbufo ke edem uŋwana ekpono ndien Jehovah, mbufo ke isuo inyaŋ ekpono enyiŋ Jehovah Abasi Israel.
16Nnyin itie ke utit ererimbot ikop ikwɔ, ete “Nɔ eti owo ubɔŋ.”
Edi ami ndɔhɔ nte, Ɔdiɔk mi, ɔdiɔk mi, ifɔnke fɔn inɔ mi! mbon ŋwo ke ewoŋwo: mbon ŋwo ke ewo ŋwo.
17Ndik, ye ukpe, ye mfine, ke ena enɔ fi, O andiduŋ isɔŋ.
18Ndien ama ekem, owo eke efehede abak uyom ndik eyeduɔ ke ukpe; ndien owo eke otode ke ufɔt ukpe ɔdɔk eyemum ke mfine: koro eberede window ke enyɔŋ, idak isɔŋ onyuŋ enyek.
19Ererimbot obomo fap, ererimbot asiaha mbai-mbai, ererimbot enyek ɔkpɔsɔŋ.
20Ererimbot eteteŋ nte owo mmin, onyuŋ ofofum nte hammock; isop esie onyuŋ odobi enye ke edem; ndien enye ɔduɔ, idinyuŋ idahake aba ke enyɔŋ.
21Ndien ama ekem ke usen oro, Jehovah eyeda ufen etiene udim enyɔŋ, etiene ndidem isɔŋ ke isɔŋ.
22Eyenyuŋ etaŋ mmɔ ebon ɔtɔ kiet, nte mbon ŋkpɔkɔbi ke obube, enyuŋ ekɔbi mmɔ ebaha ke ufɔk ukwak, ndien ke ediwak usen ema ebe, eyenɔ mmɔ ufen.
23Ndien but eyenam ɔfiɔŋ, utin eyenyuŋ ofuk but iso, koro Jehovah mme udim adade ubɔŋ ke obot Zion, ye ke Jerusalem, ubɔŋ onyuŋ odu ke iso mbiowo esie.
Who We AreWhat We EelieveWhat We Do
2025 by iamachristian.org,Inc All rights reserved.