1NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.
2Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.
3Ndien mbufo eyekot mmɔŋ ke idaresit ke mme obube mmɔŋ erinyaŋa.
4Ndien mbufo eyedɔhɔ ke usen oro, ete, Mbufo ekɔm Jehovah, eseme ekot enyiŋ esie, emen se enye anamde etaŋa enɔ mme idut, eti owo ete ke enyiŋ esie okoŋ.
5Ebre enɔ Jehovah, koro enye anamde ikpɔ ŋkpɔ: emefiɔk emi ke ofuri ererimbot.
6Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.
Who We AreWhat We EelieveWhat We Do
2025 by iamachristian.org,Inc All rights reserved.