NEHEMIAH 11 - Efik Old Bible With Sectional Headings

Mme Mmɔ Emi Ekade Ekeduŋ ke Jerusalem

1NDIEN mbɔŋ obio eduŋ ke Jerusalem: mbio-obio eken enyuŋ esin afia, ete ida owo kiet ke itie duop idinim eduŋ ke Jerusalem edisana obio, ye mbak usukkiet ke mme obio eŋwen.

2Ndien mbio-obio ekɔm kpukpru owo eke enyimede ndiduŋ ke Jerusalem.

3Mme mmɔ emi ŋko enyuŋ edi mme etubom province, emi eduŋde ke Jerusalem: edi ke obio Judah kpukpru owo eduŋ ke udeme mmɔ ke obio mmɔ, Israel, ye mme oku, ye mme Levite, ye mme Nethinim, ye nditɔ ikɔt Solomon.

4Usuk nditɔ Judah ŋko, ye usuk nditɔ Benjamin, enyuŋ eduŋ ke Jerusalem.

Nditɔ Judah; Athaiah, eyen Uzziah, eyen Zechariah, eyen Amariah, eyen Shephatiah, eyen Mahalalel, emi otode ke nditɔ Perez:

5ye Maaseiah eyen Baruch, eyen Col-hozeh, eyen Hazaiah, eyen Adaiah, eyen Joiarib, eyen Zechariah, eyen Shilonite.

6Kpukpru nditɔ Perez eke eduŋde ke Jerusalem, edi mbon uko ikie inaŋ ye ata ye itiaita.

7Ndien mme mmɔ emi edi nditɔ Benjamin: sallu eyen Meshullam, eyen Joed, eyen Pedaiah, eyen Kolaiah, eyen Maaseiah eyen Ithiel, eyen Jeshaiah.

8Ndien Gabbai, ye Sallai ediana enye, owo ikie usukkiet ye edip ye itiaita.

9Ndien Joel eyen Zichri edi etubom mmɔ: ndien Judah eyen Hassenuah edi etubom obio ke udiana itie.

10Eke mme oku: Jedaiah eyen Joiarib,

11Jachin, Seraiah eyen Hilkiah, eyen Meshullam, eyen Zadok, eyen Meraioth, eyen Ahi-tub, edi etubom ufɔk Abasi.

12Ndien nditɔ-ete mmɔ emi enamde utom ufɔk, edi owo ikie itiaita ye edip ye iba: ye Adaiah eyen Jeroham, eyen Pelaliah, eyen Amzi, eyen Zechariah, eyen Pashhur, eyen Malchijah,

13ye nditɔ-ete esie, mme etubom mme ete, ikie iba ye aba ye iba: ye Amashsai eyen Azarel, eyen Ahzai, eyen Meshillemoth,

14eyen Immer, ye nditɔ-ete mmɔ, mbon uko ikie ye edip ye itiaita: ndien Zabdiel eyen akamba owo kiet edi etubom mmɔ.

15Mme Levite ŋko: Shemaiah eyen Hasshub, eyen Azrikam, eyen Hashabiah, eyen Bunni;

16ye Shabbethai, ye Jozabad, emi etode ke mme etubom mme Levite, edi mme andise utom ufɔk Abasi eke enamde aŋwa-aŋwa.

17Ndien Mattaniah eyen Mica, eyen Zabdi, eyen Asaph, edi etubom eke ɔtɔŋɔde ekɔm ke akam; ndien Bahbukiah edi udiana-akpa owo ke otu nditɔ-ete esie, ye Abda eyen Shammua, eyen Galal, eyen Jeduthun.

18Kpukpru mme Levite ke edisana obio edi owo ikie iba ye anaŋ ye inaŋ.

19Ndien mme etie-usuŋ, Akkub, ye Talmon, ye nditɔ-ete mmɔ emi ekpemede inua-otop, edi ikie ye ata ye duopeba.

20Ndien Israel efen, ye mme oku, ye mme Levite edu ke kpukpru mme obio Judah, kpukpru owo ke udeme mmɔ.

21Ndien mme Nethinim eduŋ ke Ophel: Ziha, ye Gishpa enyuŋ edi mme etubom mme Nethinim.

22Etubom mme Levite ke Jerusalem edi Uzzi, eyen Bani, eyen Hasha-biah, eyen Mattaniah, eyen Mica. Usuk nditɔ Asaph mme ɔkwɔ-ikwɔ, esaŋa utom ufɔk Abasi.

23Koro edidem okowukde ewuhɔ abaŋa mmɔ; ekenyuŋ eteme mme ɔkwɔ-ikwɔ se ekpenamde kpukpru usen.

24Ndien Pethahiah eyen Meshezabel, emi otode ke nditɔ Zerah eyen Judah, odu ke ubɔk edidem ke kpukpru ikɔ mbio-obio.

25Ndien ama edi mme obio iŋwaŋ ye inwaŋ mmɔ, usuk nditɔ Judah eduŋ ke Kiriath-arba, ye ke obio iŋwaŋ mmɔ, ye ke Dibon, ye ke obio iŋwaŋ mmɔ, ye ke Jakabzel ye ke obio iŋwaŋ mmɔ,

26ye ke Jeshua, ye ke Moladah, ye ke Beth-pelet,

27ye ke Hazar-shual, ye ke Beer-sheba, ye ke obio inwaŋ mmɔ,

28ye ke Ziklag, ye ke Meconah, ye ke mme obio iŋwaŋ mmɔ,

29ye ke En-rimmon, ye ke Zorah, ye ke Jarmuth,

30Zanoah, Adullam, ye ke mme obio iŋwaŋ mmɔ, Lachish, ye iŋwaŋ mmɔ, Azekah, ye mme obio iŋwaŋ mmɔ. Ntre ke mmɔ eduŋ ɔtɔŋɔde ke Beer-sheba tutu osim ke itihere Hinnom.

31Ndien nditɔ Benjamin eduŋ ke Geba, ye Michmash, ye Aija, ye Bethel, ye mme obio iŋwaŋ mmɔ;

32ke Anathoth, ye ke Nob,

33Ananiah, Hazor, Ramah, Gittaim,

34Hadid, Zeboim, Neballat,

35Lod, ye Ono, itihere mbon-usɔ.

36Ndien ndusuk mme Levite, mme ŋka Judah, enyene Benjamin.