EZRA 10 - Efik Old Bible With Sectional Headings

Ebin Mme Iban Esen-idut ye Nditɔ Mmɔ

1EKEM adaŋemi Ezra akanamde mkpeubɔk, okonyuŋ ayararede, atua eyet, onyuŋ ɔduɔ ke isɔŋ ke iso ufɔk Abasi, ata akwa otu iren-owo, ye iban, ye nditɔwɔŋ emi etode ke Israel, esop idem ke ɔtɔ esie: koro kpukpru owo etuade eyet eti-eti.

2Ndien Shecaniah eyen Jehiel, eyen Elam kiet, ɔbɔrɔ Ezra, ete, Nnyin ima idue Abasi nnyin, ima inyuŋ idɔ isen iban emi etode ke mbio mme idut: edi ke emi Israel enyene idorenyin ke ŋkpɔ emi.

3Ke emi, ndien, yak nnyin idiomi ediomi ye Abasi nnyin, ite ke nnyin iyesioŋo kpukpru iban, ye nditɔ emi mmɔ emande, nte ekemde ke item ɔbɔŋ mi, ye ke eke mme mmɔ emi enyekde idem ebaŋa mbet Abasi nnyin; ndien yak enam ke ewuhɔ.

4Daha ke enyɔŋ; koro ŋkpɔ emi enyenede fi; nnyin ŋko iyeda ye afo: sɔŋ esit, nyuŋ nam.

5Ndien Ezra adaha ke enyɔŋ, onyuŋ anam mbɔŋ oku, ye mme Levite, ye ofuri Israel, eŋwɔŋɔ ete ke iyenam ke uyo emi. Ndien mmɔ eŋwɔŋɔ.

6Ekem Ezra adaha ke enyɔŋ ke iso ufɔk Abasi, aka okoduk ke ubet Jehohanan eyen Eliashib: ndien enye aka do, idiaha ŋkpɔ, inyuŋ iŋwɔŋke mmɔŋ: koro enye atuade mme idiɔk ido mbon ntaŋ-mfep.

7Ndien mmɔ etaŋa ewuhɔ ke Judah ye Jerusalem enɔ kpukpru nditɔ ntaŋ-mfep, ete edibono ke Jerusalem;

8ndien iyedia kpukpru inyene owo ekededi eke mididige ke usen ita, ke item mbɔŋ ye eke mbiowo, inyuŋ idianare enye ifep ke esop mbon ntaŋmfep.

9Ekem kpukpru owo Judah ye eke Benjamin esop idem ke Jerusalem ke usen ita. Enye edi ɔyɔhɔ ɔfiɔŋ usukkiet, ye ɔyɔhɔ usen ɔfiɔŋ edip; ndien kpukpru owo etie do ke aŋwa ufɔk Abasi, enyuŋ enyek idem ebaŋa ikɔ emi ye akwa edim.

10Ekem Ezra oku adaha ada, onyuŋ ɔdɔhɔ mmɔ ete, Mbufo emedue, emenyuŋ edɔ isen iban, enyuŋ enam isop Israel okpon aka iso.

11Mbufo enyime ndien enɔ Jehovah Abasi mme ete mbufo, enyuŋ enam se enye amade: enyuŋ edianare idem mbufo ke mbio idut, ye ke isen iban oro efep.

12Ndien ofuri esop ebɔrɔ enyuŋ emenere uyo edɔhɔ, ete, Nnyin inyene ndinam kpa uyo fo.

13Edi owo ewewak, emi onyuŋ edi ini ukwɔ, owo inyuŋ ikwe nte adade ke esien, emi inyuŋ idige utom usen kiet mme iba: koro nnyin emi iduede ke ŋkpɔ emi iwakde.

14Mbɔk, yak mbɔŋ nnyin eda ke ibuot ofuri esop, ndien yak kpukpru owo emi edɔde isen iban ke mme obio nnyin, etiene mbiowo kpukpru obio, ye mme ebierikpe mmɔ, edi ke ini eke edidoride, tutu ikaŋ iyaresit Abasi nnyin akabare ɔkpɔŋ nnyin, tutu enam ŋkpɔ emi ema.

15Jonathan eyen Asahel, ye Jahzeiah eyen Tikvah, ikpɔŋ-ikpɔŋ etiŋ enyin ke ŋkpɔ emi: ndien Meshullam, ye Shabbethai, Levite eŋwam mmɔ.

16Ndien nditɔ ntaŋ-mfep enam ntre.

Ekem Ezra oku, ye owo eke edide mme etubom mme ete, nte ufɔk mme ete mmɔ edide, ye kpukpru mmɔ ke enyiŋ, ke enyiŋ, edianare idem mmɔ, enyuŋ esuhɔre ebono ke akpa usen ɔyɔhɔ ɔfiɔŋ duop, man etim ese ikɔ emi.

17Ndien mmɔ ema ye kpukpru owo eke ekedɔde isen iban, ke mika-ikemke ke akpa usen akpa ɔfiɔŋ.

18Ndien mmɔ ekut ete ke ndusuk nditɔ mme oku ema edɔ isen iban: ke otu nditɔ Jeshua eyen Jozadak, ye nditɔ-ete esie; Maa-seiah, ye Eliezer, ye Jarib, ye Gedaliah.

19Ndien mmɔ enɔ ubɔk mmɔ, ete ke mmimɔ iyesioŋo iban mmimɔ; ndien koro mmɔ eduede isop, mmɔ ewa okukim erɔŋ ebaŋa isop mmɔ.

20Ndien ke otu nditɔ Immer; Hanani, ye Zebadiah.

21Ndien ke otu nditɔ Harim; Maaseiah, ye Elijah, ye Shemaiah, Ye Jehiel, ye Uzziah.

22Ye ke otu nditɔ Pashhur; Elioenai, ye Maaseiah, ye Ishmael, ye Nethaneel, ye Jozabad, ye Elasah.

23Ye ke otu mme levite; Josabad, Ye Shimei, ye Kelaiah (enye edi Kelita), Pethahiah, ye Judah, ye Eliezer.

24Ke otu mme ɔkwɔ-ikwɔ ŋko; Eliashib: ye ke otu mme etie-usuŋ; Shallum, ye Telem, ye Uri.

25Ndien ke otu Israel ŋko; ke nditɔ Parosh; Ramiah, ye Izziah, ye Malchijah, ye Mijamin, ye Eleazar, ye Malchijah, ye Benaiah.

26Ndien ke otu nditɔ Elam; Mattaniah, ye Zechariah, ye Jehiel, ye Abdi, ye Jeremoth, ye Elijah.

27Ye ke otu nditɔ Zattu; Elioenai, ye Eliashib, ye Mattaniah, ye Jeremoth, ye Zabad, ye Aziza.

28Ke otu nditɔ Bebai ŋko; Jehohanan, Hananiah, zabbai, ye Athlai.

29Ke otu nditɔ Bani ŋko: Meshullam, Malluch, ye Adaiah, ye Jashub, ye Sheal, ye Jeremoth.

30Ndien ke otu nditɔ Pahath-moab; Adna, ye Chelal, ye Benaiah, ye Maaseiah, ye Mattaniah, ye Bezalel, ye Binnui, ye Manasseh.

31Ke otu nditɔ Harim nde; Eliezer, Isshijah, ye Malchijah, ye She-maiah, ye Shimeon,

32ye Benjamin, ye Malluch, ye Shemariah.

33Ke otu nditɔ Hashum; Mattenai, ye Mattattah, ye Zabad, ye Eliphelet, ye Jeremai, ye Manasseh, ye Shimei.

34Ke otu nditɔ Bani; Maadai, ye Amram, ye Uel,

35ye Benaiah, ye Bedeiah, ye Cheluhi, ye Vaniah, ye Meremoth,

36ye Eliashib, Mattaniah,

37ye Mattenai, ye Jaasu, ye Bani,

38ye Binnui, ye Shimei.

39Ye Shelemiah, ye Nathan, ye Adaiah,

40ye Machnadebai, ye Shashai, ye Sharai,

41ye Azarel, ye Shelemiah, ye Shemariah, ye Shallum,

42ye Amariah, ye Joseph.

43Ke otu nditɔ Nebo; Jeiel, Ye Mattithiah, ye Zabad, ye Zebina, ye Iddo, ye Joel, ye Benaiah.

44Kpukpru mme mmɔ emi ekedɔ isen iban: ndien ndusuk mmɔ enyene iban eke emande nditɔ enɔ mmɔ.