NEHEMIAH 10 - Efik Old Bible With Sectional Headings

Nditɔ Israel Efik Ufik Ŋwed ke ke Ediomi Mmɔ Abasi

1NDIEN Nehemiah, Tirshatha, eyen Hacaliah, asaŋa ye mmɔ emi efikde ke ufik-ŋwed,

2ye Zedekiah, ye Seraiah, Azariah,

3Jeremiah, Pashhur, Ama-riah,

4Malchijah, Hattush, Shebaniah,

5Malluch, Harim, Meremoth,

6Obadiah, Daniel, Ginnerthon, Baruch,

7Mesuhullam, Abijah, Mijamin,

8Maaziah, Bilgai, Shemaiah: mme mmɔ emi edi mme oku.

9Ndien mme Levite: Jeshua eyen Azaniah, Binnui emi otode ke otu nditɔ Henadad, Kadmiel;

10ye nditɔ-ete mmɔ, Shebaniah, Hodiah, Kelita,

11Pelaiah, Hanan, Mica,

12Rehob, Hashabiah, Zaccur,

13Sherebiah, Shebaniah, Ho-diah, Bani, Beninu.

14Mme etubom mbio-obio: Parosh, Pahath-moab, Elam,

15Zattu, Bani. Bunni, Azgad,

16Bebai, Adonijah, Bigvai, Adin,

17Ater, Hezekiah, Azzur, Hodiah,

18Hashum, Bezai, Hariph,

19Anathoth, Nobai, Magpiash,

20Meshullam, Hezir, Meshezabel,

21Zadok, Jaddua,

22Pelatiah, Hanan,

23Anaiah, Hoshea, Hananiah,

24Hasshub, Hallohesh,

25Pilha, Shobek,

26Rehum, Hashabnah, Maaseiah,

27ye Ahiah, Hanan, Anan, Malluc, Harim, Baanah.

28Ndien kpukpru owo eŋwen, mme oku, ye mme Levite, ye mme etie-usuŋ, ye mme ɔkwɔ-ikwɔ, ye mme Nethinim, ye kpukpru owo eke ekedianarede idem mmɔ ye mbio mme idut efep, enim mbet Abasi, iban mmɔ, ye nditɔ-iren mmɔ, ye nditɔ-iban mmɔ, kpukpru enyene-ibuot ye ɔfiɔkŋkpɔ owo;

29ediana ye nditɔ-ete mmɔ, ye mbɔŋ mmɔ, enyuŋ eduk ke isuŋi, ye ke uŋwɔŋɔ, ete, ke mmimɔ iyesaŋa ke mbet Abasi, emi ekenɔde ke ubɔk Moses owo Abasi, inyuŋ ikpeme, inyuŋ inam kpukpru mbet Jehovah Ɔbɔŋ nnyin, ye mme item esie, ye mme ewuhɔ esie;

30ete ke nnyin idem-nnyin idaha nditɔ-iban nnyin inɔ mbio-idut, idinyuŋ idaha nditɔ-iban mmɔ inɔ nditɔ-iren nnyin:

31ndien mbio mme idut ema eda ŋkpɔ-urua ye ibokpot ekededi ke usen sabbath edi ndinyam, nnyin idibɔhɔ mmɔ ke sabbath, idinyuŋ ibɔhɔ ke edisana usen: idinyuŋ iyak ɔyɔhɔ isua itiaba ye kpukpru isɔŋ.

32Nnyin inyuŋ iwuk idem nnyin, ite iyenɔ ɔyɔhɔ ubak shekel ita ke idem nnyin, kpukpru isua, ke utom ufɔk Abasi nnyin;

33ke uyo eke ediɔŋde enim, ye ke nsinsi inuak-udia, ye ke nsinsi edifɔp uwa, ke mme sabbath, ye ke mbufa ɔfiɔŋ, ye edidori ini, ye ke edisana ŋkpɔ, ye ke uwa idiɔk ido, man esio isop Israel, ye ke ofuri utom ufɔk Abasi nnyin.

34Ndien nnyin, mme oku, ye mme Levite, ye kpukpru owo, isin afia ibaŋa enɔ ifia, man eda enye esɔk ufɔk Abasi nnyin, nte mme ufɔk mme ete nnyin esaŋade, ke ini eke edoride kpukpru isua, man eda ebara ikaŋ ke enyɔŋ itie-uwa Jehovah Abasi nnyin, kpa nte ekewetde ke ŋwed mbet:

35man inyuŋ ida akpa mfri iŋwaŋ nnyin, ye akpa mfri kpukpru mfri kpukpru oruk eto, kpukpru isua, isɔk ufɔk Jehovah:

36inyuŋ ida akpan nditɔ-iren nnyin, ye akpa nditɔ ufene nnyin, kpa nte ewetde ke ŋwed ewuhɔ, ye akpa nditɔ enaŋ nnyin, ye eke ŋkpri ufene nnyin, idi ke ufɔk Abasi nnyin, isɔk mme oku emi esaŋade utom ke ufɔk Abasi nnyin:

37ke nnyin inyuŋ ida akpa edikɔk ibokpot nnyin, ye edimenere uwa nnyin, ye mfri kpukpru oruk eto, ye wine, ye aran, isɔk mme oku ke ubet-unim-ŋkpɔ ufɔk Abasi nnyin; inyuŋ inɔ mme Levite ɔyɔhɔ mbak iŋwaŋ nnyin duop, man mme Levite oro enyuŋ eda ɔyɔhɔ mbak duop ke kpukpru obio eke nnyin inamde utom iŋwaŋ.

38Ndien oku eyen Aaron eyedu ye mme Levite ke ini mme Levite edade ɔyɔhɔ mbak duop: ndien mme Levite edisio ɔyɔhɔ ubak duop ke ɔyɔhɔ mbak duop oro eda edi ke ufɔk Abasi nnyin, esin ke ubet ke ufɔk-unim-ŋkpɔ.

39Koro nditɔ Israel ye nditɔ Levi edidade edimenere uwa ibokpot, ye wine, ye aran, edi edisin ke ubet emi mkpoduoho edisana ebiet, ye eke mme oku, eke esaŋade utom, ye mme etie-usuŋ, ye mme ɔkwɔ ikwɔ, edude do. Ndien nnyin idikpɔŋke ufɔk Abasi nnyin.