GENESIS 32 - Efik Old Bible With Sectional Headings

Jacob Ebeŋe Idem ndisobo ye Esau

1EKEM Jacob asaŋa aka ke usuŋ esiemɔ, ndien mme

2angel Abasi esobo ye enye. Ndien ke ini Jacob okutde mmɔ, enye ete, Nna mbon ekɔŋ Abasi edi emi; enye onyuŋ osio ebiet oro enyiŋ Mahanaim.

3Ndien Jacob ɔdɔŋ mme isuŋ utom, ebem enye iso etiene Esau eyen-ete esie, ke idut Seir, isɔŋ

4Edom. Onyuŋ eteme mmɔ, ete, Ntem ke mbufo edidɔhɔ Esau, ɔbɔŋ mi, ete, Ntem ke Jacob owo fo ɔdɔhɔ ete, Mma ndaŋ nnyuŋ mbigi ye Laban tutu osim emi:

5nnyuŋ nnyene enaŋ, ye ass, ye erɔŋ, ye ebot, ye ifin iren, ye ifin iban: nnyuŋ ndɔŋ editiŋ enɔ ɔbɔŋ mi, man afo enen iso ye ami.

6Ekem, mme isuŋ-utom oro efiak etiene Jacob, ete, Nnyin ima isim Esau eyen-uka, enye onyuŋ asaŋa edi ndisobo ye afo, owo ikie inaŋ enyuŋ esaŋa ye enye.

7Ndien Jacob efehe ndik eti, enyin onyuŋ anan enye: ndien enye abahare mmɔ emi edude ye enye, ye erɔŋ, ye ebot ye enaŋ, ye camel, esin

8udim iba; ndien ɔdɔhɔ ete, Esau ama edi edisim udim kiet, edinyuŋ asuan enye, mme udim emi esukde, eyebɔhɔ.

9Ndien Jacob ɔdɔhɔ, ete, Abasi ete mi Abraham, ye Abasi ete mi Isaac. Jehovah emi ɔdɔhɔde mi ete, Fiak ka ke isɔŋ fo ye obio emana fo, ndien ami nyefɔn ye

10afo; ŋkpekpri ŋkan kpukpru ufɔn, ye kpukpru akpanikɔ emi afo akanamde ye owo fo; ŋkɔm ŋkebe Jordan emi ye esaŋ mi ikpɔŋ; ndien ke emi mma ŋkabare

11ndi udim iba. Mbɔk, nyaŋa mi sio ke ubɔk eyen-eka mi, ke ubɔk Esau: koro mfefehe enye, mbak edidi ediwot mi, ye eka

12adian ye nditɔ. Afo okonyuŋ ɔdɔhɔ ete, Ami nyefɔfɔn ye afo, nyenyuŋ nnam ubon fo etie nte ntan inyaŋ emi mikemeke ndibat ke uwak.

13Ndien enye adaŋ do ke okoneyo oro; onyuŋ ada se idukde enye ubɔk onim ke enɔ Esau eyen-eka

14esie; uman ebot ikie iba, ye okpo ebot edip, uman erɔŋ ikie iba, ye

15okukim edip, camel eke enɔde mmɔŋ-eba ye nditɔ mmɔ edip ye duop, uman enaŋ aba, ye nyara enaŋ duop, uman ass edip, ye

16nditɔ ass duop. Ndien enye esin mmɔ ke ubɔk esie, ke udim ke udim; onyuŋ ɔdɔhɔ ikɔt esie ete, Mbufo ebe mi iso, enyuŋ esin ufaŋ ke ufɔt udim ye udim.

17Ndien enye eteme akpa owo, ete, Ke ini Esau eyen-eka mi edisobode ye afo, edinyuŋ obupde fi, ete, Anie enyene fi? afo onyuŋ aka mmɔŋ? mmɔ emi ebemde fi

18iso enyuŋ enyene anie? Ndien dɔhɔ ete, Eke owo fo Jacob; enɔ emi ke enye ɔnɔ isɔk Esau ɔbɔŋ esie: sese, enye ŋko ke edi nnyin

19ke edem. Enye onyuŋ ɔdɔhɔ udiana-akpa owo, ye owo emi ɔyɔhɔde ita ŋko, ye kpukpru owo emi esaŋade etiene udim ke edem, ete, Mbufo edɔhɔ Esau ikɔ emi,

20ke ini edikutde enye. Mbufo enyuŋ edɔhɔ ŋko ete, Sese Jacob owo fo ke edi nnyin ke edem. Koro enye ɔdɔhɔde ete, Nyenam iso eneŋere enye ke enɔ emi ebemde mi iso, ndien nyekut iso esie: mme iso esie eyenen ye ami.

21Ndien enɔ oro ebem enye iso ebe: edi enye adaŋ ke nna ke okoneyo oro.

22Ndien enye adaha ke okoneyo, ada iban esie iba, ye ifin iban esie iba, ye nditɔ-iren esie duopekiet, ekebe Jabbok ke ebiet emi ekam

23ebede. Ntem ke enye ada mmɔ ebe akpa oro, onyuŋ anam kpukpru se enye enyenede ebe ŋko.

24Ndien osuk Jacob ikpɔŋ-ikpɔŋ; owo kiet onyuŋ aŋwana mbɔk ye

25enye tutu eyo esiere. Ndien ke ini enye okutde ete ke ikanke enye, Enye atuak enye ekikoi; ndien ekikoi Jacob efebede, ke ini

26aŋwanade mbɔk ye Enye. Ndien Enye ɔdɔhɔ ete, Sana mi yak koro eyo ɔmɔŋ esiere. Ndien enye ete, Nsanake fi nyak, ke mmudiɔŋke

27mi. Ndien Enye ete, Enyiŋ fo ekere didie? Enye ete, Jacob.

28Ndien Enye ɔdɔhɔ ete, Enyiŋ fo idikereke aba Jacob, edi Israel: koro afo amaŋwana ye Abasi, omonyuŋ aŋwana ye owo, onyuŋ

29akan. Ndien Jacob obup onyuŋ ɔdɔhɔ ete, Siak enyiŋ fo, mbɔk. Enye ete, Ke nso ke afo obup enyiŋ mi? ndien enye ɔdiɔŋ

30Jacob do. Ndien Jacob osio ebiet oro enyiŋ Peniel: koro mma ŋkut Abasi iso ye iso, enye onyuŋ onim mi uwem.

31Ndien utin asiaha ɔnɔ enye nte enye ebede Penuel, enye onyuŋ ɔkɔk isaŋ ke ekikoi esie kiet.

32Mmɔdo nditɔ Israel mitaha ata osip ekikoi oro ɔkɔfurɔde, tutu osim emi: koro Enye atuakde Jacob ekikoi, ke ata osip oro ɔkɔfurɔde.