1 CHRONICLES 9 - Efik Old Bible With Sectional Headings

Mme Mmɔ oro Ekenyɔŋɔde Eto ke Babylon Edi

1NTEM ke ebat ofuri Israel esin ke ŋwed emana; ndien, sese, ewet mmɔ esin ke ŋwed ndidem Israel; ndien etaŋ Judah enyɔŋ ke Babylon ebaŋa mme idiɔk ido mmɔ.

2Ndien akpa mme andiduŋ eke eduŋde ke udeme mmɔ ke mme obio mmɔ, edi nditɔ Israel, ye mme oku, ye mme Levite, ye mme Nethinim.

3Ndusuk nditɔ Judah ŋko, ye ndusuk nditɔ Bejamin, ye ndusuk nditɔ Ephraim, ye eke Manasseh, eduŋ ke Jerusalem;

4Uthai eyen Ammihud, eyen Omri, eyen Imri, eyen Bani, emi otode ke nditɔ Perez eyen Judah.

5Eke mme Shilonite ŋko; Asaiah akpan, ye nditɔ-iren esie.

6Eke nditɔ Zerah ŋko; Jeuel, ye nditɔ-ete mmɔ, owo ikie itiokiet ye anaŋ ye duop.

7Ndien ŋko eke nditɔ Benjamin: Sallu eyen Meshullam, eyen Hodaviah, eyen Hassenuah;

8ye Ibneiah eyen Jeroham, ye Elah eyen Uzzi, eyen Michri, ye Meshullam, eyen Shephatiah, eyen Reuel, eyen Ibnijah;

9ye nditɔ-ete mmɔ ke emana mmɔ, owo ikie usukkiet ye aba, ye efurekiet. Kpukpru mme mmɔ emi edi mme etubom mme ete ufɔk mme ete mmɔ.

10Ndien eke mme oku; Jedaiah, ye Jehoiarib, ye Jachin,

11ye Azariah, eyen Hilkiah, eyen Meshullam, eyen Zadok, eyen Meraioth, eyen Ahitub, etubom ufɔk Abasi;

12ye Adaiah eyen Jeroham, eyen Pashhur, eyen Malchijah, ye Maasai eyen Adiel, eyen Jahzerah, eyen Meshullam, eyen Meshillemith, eyen Immer;

13ye nditɔ-ete mmɔ, mme etubom ke ufɔk mme ete mmɔ, tɔsin owo ye ikie itiaba ye ata, mbon uko ke erisaŋa utom ufɔk Abasi.

14Ye eke mme Levite: Shemaiah eyen Hasshub, eyen Azrikam, eyen Hasshabiah emi otode ke nditɔ Merari;

15ye Bakbakkar, Heresh, ye Galal, ye Mattaniah, eyen Mica eyen Zichri, eyen Asaph; ye Obadiah,

16eyen Shemaiah, eyen Galal, eyen Jeduthun, ye Berechiah eyen Asa, eyen Elkanah, emi oduŋde ke mme obio iŋwaŋ mme Netophathite.

17Ndien mme etie-usuŋ edi Shallum, ye Akkub, ye Talmon, ye Ahiman, ye nditɔ-ete mmɔ: Shallum edi etubom;

18ndien tutu osim mfin emi mmɔ etie ke enyin-usuŋ edidem, ke edem usiaha-utin: mmɔ edi mme etie-usuŋ ke ŋka nditɔ Levi.

19Ndien Shallum eyen Kore, eyen Ebiasaph, eyen Korah, ye nditɔ-ete esie, ke ufɔk ete esie mme Korahite, edi mme etubom mme asaŋa utom, mme andikpeme enyin-usuŋ efe. Ndien mme ete mmɔ emi edide mme etubom nna Jehovah, edi mme andikpeme ebiet emi edukde.

20Ndien Phinehas eyen Eleazar ekedi etubom mmɔ ke ini oko, Jehovah okonyuŋ odu ye enye.

21Ndien Zechariah eyen Meshelemiah edi etie-usuŋ efe esop.

22Kpukpru mmɔ emi emekde enim ke mme etie-usuŋ ke mme inua-otop, edi ikie iba ye duopeba. Ekebat mme mmɔ emi esin ke ŋwed ye nditɔ mmɔ ke mme obio iŋwaŋ mmɔ; David, ye Samuel, okut-ŋkukut enim mmɔ, koro edide mbon akpanikɔ.

23Ntem ke mmɔ ye nditɔ mmɔ edi mme etubom inua-otop ufɔk Abasi, kpa ufɔk efe, ke mme ŋka ukpeme.

24Mme etie usuŋ edu ke edem mbinaŋ, ke ufien, ke nasia, ke edere, ye ke usuk.

25Ndien nditɔ ete mmɔ ke obio iŋwaŋ mmɔ, ekenyene nditiene mme mmɔ emi ndi ke usen itiaba ke ini, ke ini.

26Koro mme mmɔ oro, kpa mme etubom mme etie-usuŋ, edide mbon akpanikɔ, mmɔ edi Levite, mmɔ enyuŋ edi mme etubom ubet ye eke ŋkpɔ uto ufɔk Abasi.

27Ndien mmɔ ena ke okoneyo ekan ufɔk Abasi ekuk, koro ukpeme enyenede mmɔ, ndien mmɔ ekenyene ndise eriberere usuŋ kpukpru usenubɔk.

28Ndusuk mmɔ enyuŋ ekama ŋkpɔ unam-utom, koro edade mmɔ ke ibat eduk, enyuŋ edade mmo ke ibat ewɔrɔ.

29Ndien ŋko edori ndusuk mmɔ, ete ese mkpo-duoho, ye kpukpru edisana ŋkpɔ unam-utom, ye edifɔn ndom uyo, ye wine, ye aran ye frankin-cense, ye edifuɔŋ ŋkpɔ.

30Ndusuk nditɔ mme oku ŋko enyuŋ edi mme abuak edifuɔŋ aran.

31Ndien Mattithiah Levite kiet, (enye edi akpan Shallum Korahite) koro edide owo akpanikɔ, akama ŋkpɔ eke ekaŋde.

32Ndien ndusuk nditɔ ete mmɔ, emi etode ke nditɔ Kohathite, edi mme akama uyo eke enimde ke iso Abasi, ete mmɔ enim enye kpukpru sabbath.

33Ndien mme mmɔ emi edi mme ɔkwɔ ikwɔ, mme etubom mme ete mme Levite, emi minyeneke utom ke ubet; koro mmɔ enyenede ndinam utom ke uwemeyo ye ke okoneyo.

34Mme etubom mme ete mme Levite emi edi mme etubom ke ofuri emana mmɔ, mme mmɔ emi eduŋ ke Jerusalem.

35Ndien Jeiel, ete Gibeon, oduŋ ke Gibeon, enyiŋ ŋwan esie onyuŋ ekere Maacah;

36akpan esie ŋko Abdon; ye Zur, ye Kish, ye Baal, ye Ner, ye Nadab, ye Gedor,

37ye Ahio, ye Zechariah, ye Mikloth.

38Ndien Mikloth obon Shimeam. Ndien mmɔ ŋko, kpa nte nditɔ-ete mmɔ, enyuŋ eduŋ ke Jerusalem ye nditɔ-ete mmɔ.

39Ndien Ner obon Kish; ndien Kish obon Saul; ndien Saul obon Jonathan, ye Malchi-shua, ye Abinadab, ye Eshbal.

40Ndien eyen Jonathan edi Merib-baal; ndien Merib-baal obon Micah.

41Ndien nditɔ-iren Micah edi Pithon, ye Melech, ye Tahrea.

42Ndien Ahaz obon Jarah; ndien Jarah obon Alemeth, ye Azmaveth, ye Zimri; ndien Zimri obon Moza;

43ndien Moza obon Binea; ye Rephaiah eyen esie, ye Eleasah eyen esie, ye Azel eyen esie.

44Ndien Azel obon nditɔ itiokiet emi enyiŋ mmɔ ekerede ntem, Azrikam, Bocheru, ye Ishmael, ye Sheariah, ye Obadiah, ye Hanan; mme mmɔ emi edi nditɔ Azel.