1 CHRONICLES 7 - Efik Old Bible With Sectional Headings

Nditɔ Issachar

1NDIEN nditɔ Issachar edi Tola, ye Puah, ye Jashub, ye shimron, inaŋ.

2Ndien nditɔ Tola; Uzzi, ye Rephaiah, ye Jeriel, ye Jahmai, ye Ibsam, ye Shemuel, mme etubom ufɔk mme ete mmɔ, kpa eke Tola, mbon uko ke emana mmɔ; ibat mmɔ edi tɔsin edip ye iba, ye ikie itiokiet, ke eyo David.

3Ndien nditɔ Uzzi; Izrahiah; ndien nditɔ-iren Izrahiah; Michael, ye Obadiah, ye Joel, ye Isshiah, ition: kpukpru mmɔ edi akpan owo.

4Ndien udim mbon-ekɔŋ tɔsin owo edip ye efurekiet edu ye mmɔ ke emana mmɔ, ke mme ufɔk ete mmɔ: koro mmɔ ekenyenede ediwak iban ye nditɔ-ɔwɔŋ.

5Ndien nditɔ-ete mmɔ ke otu ofuri ubon Issachar edi mbon-uko, ebat mmɔ kpukpru ke emana mmɔ, tɔsin owo itie anaŋ ye itiaba.

6Nditɔ Benjamin; Bela ye Becher, ye Jediael, ita.

7Ndien nditɔ Bela; Ezbon, ye Uzzi, ye Uzziel, ye Jerimoth, ye Iri, ition; mme etubom ke ufɔk mme ete, mbon-uko; ndien ebat mmɔ ke emana mmɔ tɔsin owo edip ye iba, ye edip ye duopenaŋ.

8Nditɔ Becher ŋko; Zemirah, ye Joash, ye Eliezer, ye Elioenai, ye Omri, ye Jeremoth, ye Abijah, ye Anathoth, ye Alemeth.

9Kpukpru mme mmɔ emi edi nditɔ Becher. Ndien ebat mmɔ esin ke ŋwed emana, mme etubom ke ufɔk mme ete mmɔ, mbon-uko, tɔsin edip ye ikie iba.

10Nditɔ Jediael ŋko; Bilhan: ye nditɔ Bilhan; Jeush, ye Benjamin, ye Ehud, ye Chenaanah, ye Zethan, ye Tarshish, ye Ahishahar.

11Kpukpru mmɔ emi edi nditɔ Jediael, nte mme etubom mme ete mmɔ etiede, mbon-uko, tɔsin owo efureba, ye ikie iba eke ewɔŋɔde eka ekɔŋ ndiŋwana.

12Shuppim ŋko, ye Huppim, nditɔ Ir, ye Hushim, nditɔ Aher.

13Nditɔ Naphtali; Jahziel, ye Guni, ye Jezer, ye Shallum, nditɔ Bilhah.

14Nditɔ Manasseh; Ashriel emi ŋwan esie amande: (ŋwan-esa esie, kpa ŋwan a Aramite aman Machir ete Gilead;

15ndien Machir ɔdɔ eyen ete Huppim ye Shuppim aŋwan, ndien eyen ete esie aŋwan ekere Maacah;) ndien udɔ ekere Zelophehad.

16Zelophehad onyuŋ obon nditɔ-iban. Ekem Maacah ŋwan Machir aman eyen-eren, onyuŋ ada Peresh osio enye enyiŋ: enyiŋ eyen-eka esie eren onyuŋ ekere Sheresh; nditɔ-iren esie ŋko edi Ulam ye Rakem.

17Ndien nditɔ Ulam; Bedan. Mme mmɔ emi edi nditɔ Gilead eyen Machir, eyen Manasseh.

18Ndien Hammolecheth eyen-eka esie aŋwan aman Ishhod, ye Abiezer, ye Mahlah.

19Ndien nditɔ-iren Shemida edi Ahian, ye Shechem, ye Likhi, ye Aniam.

20Ndien nditɔ Ephraim; Shuthelah, ye Bered eyen esie, ye Tahath eyen esie, ye Eleadah eyen esie, ye Tahath eyen esie,

21ye Zabad eyen esie, ye Shuthelah eyen esie, ye Ezer, ye Elead. Ndien nditɔ Gath emi ekemanade ke edem oro, ewot mmɔ, koro mmɔ esuhɔrede eka ndida ufene mmɔ.

22Ndien Ephraim ete mmɔ atua ediwak usen, nditɔ-ete esie enyuŋ eka ndidɔŋ enye esit.

23Ekem enye okot ŋwan esie, ndien enye oyomo, onyuŋ aman eyen-eren, ndien enye ada Beriah osio enye enyiŋ, koro enye ɔdiɔkde ye ufɔk esie.

24(Ndien eyen esie aŋwan edi Sheerah, emi ɔkɔbɔpde Beth-horon ke idak, ye Bethhoron ke enyɔŋ, ye Uzzen-sheerah.)

25Rephah onyuŋ edi eyen-eren esie, ye Resheph, ye Telah, eyen esie, ye Tahan eyen esie,

26Laadan eyen esie, ye Ammihud eyen esie, ye Elisham eyen esie,

27ye Nun eyen esie, ye Joshua eyen esie.

28Ndien isɔŋ emi mmɔ edade enyene, ye ebiet iduŋ mmɔ, edi Beth-el ye mme obio iŋwaŋ esie, ye Naaran ke edem usiaha-utin, ye Gezer ye mme obio-iŋwaŋ esie, ke edem usop-utin; ye Shechem ŋko ye mme obio-iŋwaŋ esie, tutu osim ke Gaza ye mme obio-iŋwaŋ esie,

29ye ke mben nditɔ Manasseh, Beth-shean ye mme obio-iŋwaŋ esie, ye Taanach ye mme obio-iŋwaŋ esie, ye Megiddo ye mme obio-iŋwaŋ esie, ye Dor ye mme obio-iŋwaŋ esie. Nditɔ Joseph eyen Israel eduŋ mme mmɔ emi.

30Nditɔ Asher: Imnah, ye Ishvah, ye Ishvi, ye Beriah, ye Serah, eyen-ete mmɔ aŋwan.

31Nditɔ Beriah ŋko; Heber, ye Malchiel, emi edide ete Birzaith.

32Ndien Heber obon Japhlet, ye Shomer, ye Hotham, ye Shua eyen-ete mmɔ aŋwan.

33Nditɔ Japhlet ŋko; Pasach, ye Bimhal, ye Ashvath; mme mmɔ emi edi nditɔ Japhlet.

34Nditɔ Shemer ŋko; Ahi, ye Rohgah, ye Jehubbah, ye Aram.

35Nditɔ Helem eyen-ete esie ŋko; Zophah, ye Imna, ye Shelesh, ye Amal.

36Nditɔ-iren Zophah; Suah, ye Harnepher, ye Shual, ye Beri, ye Imrah, ye Bezer,

37ye Hod, ye Shamma, ye Shilshah, ye Ithran, ye Beera.

38Ndien nditɔ-iren Jether; Jephunneh, ye Pispah, ye Ara.

39Nditɔ Ulla ŋko; Arah, ye Hanniel, ye Rizia.

40Kpukpru mme mmɔ emi edi nditɔ Asher, mme etubom ke ufɔk mme ete, ndimek owo, mbon-uko, ikpɔ owo ke otu mbɔŋ. Ndien ibat mmɔ emi ekewetde esin ke ŋwed emana mmɔ ke otu udim ekɔŋ, edi tɔsin owo edip ye itiokiet.