ISAIAH 33 - Efik Old Bible With Sectional Headings

Abasi Eyenɔ Edinyaŋa Ɔsɔk Nnyin

1IFƆNKE fɔn inɔ fi emi obumede, ndien mibumeke fi; emi onyuŋ owode ŋwo, ndien miwoho ŋwo ye afo! ke ini afo etrede ndibume eyebume fi; ama onyuŋ owo ŋwo ama, eyewo ŋwo ye afo.

2O Jehovah, fɔn ido ye nnyin; nnyin imebet fi: di ubɔk mmɔ ke usenubɔk, ye erinyaŋa nnyin ŋko ke ini ukut.

3Uyom ndutime esin mme idut efeŋe; ke ini afo adahade ke enyɔŋ mme obio esuana.

4Ndien eyetaŋ mbume mbufo, kpa nte idiaŋ ataŋde; ebiet nyɔrɔ emi ŋkukuŋkpɔyɔriyɔ eyɔrɔde ke esit.

5Jehovah emenere ke enyɔŋ: koro enye oduŋde ke edikoŋ ebiet: enye amada ikpe ye edinen ido ɔyɔhɔ ke Zion.

6Ndien Enye eyedi ifure eyo fo, odudu erinyaŋa, ye ɔniɔŋ, ye ifiɔk: uteŋe Jehovah eyedi inyene esie.

7Sese, mbon uko mmɔ ke eseme ke aŋwa; mme isuŋutom emem ketua eyet eti.

8Mme ɔkpɔ-usuŋ ena ikpikpu, owo isaŋ etre; enye abiat ediomi, esin mme obio ke ndek, ibatke owo ke ŋkpɔ.

9Isɔŋ ke atua, eyemere; but anam Lebanon, enye akpa; Sharon amakabare edi wilderness; Bashan ye Carmel enyuŋ ekeŋe ikɔŋ.

10Jehovah ɔdɔhɔ, ete, Mmɔŋ ndimenere; mmɔŋ ndidaha ke enyɔŋ, mmɔŋ ndimenere idem mi ke enyɔŋ.

11Mbufo eyeyomo mbio ibokpot, eyeman etak nnyanyaŋa; ibifik mbufo eyeta mbufo nte ikaŋ.

12Ndien mme idut eyebiet ufɔp ndom mbakara: eyeta ikaŋ nte akpap eke esepde.

13Mbufo ko ekop se nnamde; mbufo mi enyuŋ ediɔŋɔ odudu mi.

14Mme idiɔk owo ke Zion ke edikhe; unyek-idem omum mme oburobut owo: “Anie ke otu nnyin ekeme ndiduŋ ke ikaŋ eke atade? Anie ke otu nnyin ekeme ndiduŋ ke nsinsi erisak?”

15Owo eke eneŋerede asaŋa, onyuŋ ɔdɔhɔde edinen ikɔ; eke esinde udori utuk ke ndek, esimede ubɔk esie, ete ikumum enɔ, esiride utɔŋ esie, ete ikukop ibaŋa iyip, okubide enyin esie, man okukut idiɔk;

16edi enye oduŋ ke enyɔŋ: mkpɔsɔŋ ebiet ikpɔ itiat edi ubɔhɔ esie: enɔ enye uyo; mmɔŋ esie itreke.

17Enyin fo eyese edidem ke uyai esie; eyekut anyan idut.

18Esit fo eyekere ŋkpɔ ndik: enye andiwet ŋwed? enye andidomo? enye andiwet mme tower?

19Afo udukwe mbon nsɔŋ-iso, mbio usem emi ɔtuŋɔde akan nte ekopde; emi edeme mmɔ etiŋde usem eke owo mikemeke ndifiɔk.

20Se Zion obio ederi nnyin, enyin fo eyekut Jerusalem iduŋ ifure, tent eke midiwuhɔkede; ididibekede mme ɔkpɔhɔ esie ke nsinsi, baba uruk esie kiet idinyuŋ ikibeke.

21Koro do ke Jehovah edidi ɔkpɔsɔŋ ke edem nnyin, ebiet akpa mmɔŋ, ye eke akwa inyaŋ; ubom eke awatde udeŋ mbakara idisaŋake ke esit, ɔkpɔsɔŋ ubom ekɔŋ idinyuŋ iwatke ke esit ibe.

22Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

23Uruk fo emetara; mmɔ ikemeke ndineŋere ito mmɔ nsɔŋɔ ŋwuk: itatke ɔfɔŋ-etak-ubom: ndien owo edeme ediwak mbume eke ekebumede; idem mme mbuŋɔ ebume mbume.

24Ndien andiduŋ ididɔhɔke ite, ndɔdɔŋɔ: efen mme idiɔk ido mmɔ eke eduŋde ke esit.