1KPEME mi, O Abasi, koro mmɔbuɔt idem ye afo.
2Ukpɔŋ mi, afo ɔmɔdɔhɔ Jehovah, ete, Afo edi Ɔbɔŋ mi;
3se ifɔnde ye ami ibehe fi. Kpa ntre ye ndisana owo emi edude ke isɔŋ, ye ata nti owo emi ofuri idaresit mi otode mmɔ.
4Ukut mmɔ awak: mmɔ etiene (Abasi) eŋwen: ndiŋwaŋke ediŋwɔŋ uwa iyip mmɔ, ndinyuŋ mmenke enyiŋ mmɔ nsin ke inua mi.
5Jehovah edi udeme mi, ye cup mi: afo omum afia mi akama.
6Mme uruk emeduɔ enɔ mi ke edifɔn ebiet, udeme mi emeye ŋko-ŋko.
7Nyekɔm Jehovah emi ɔnɔde mi item: esit mi ŋko eteme mi ke ini okoneyo.
8Mmonim Jehovah ke iso mi kpukpru ini: koro enye odude mi ke ubɔk nnasia, ndisehekede.
9Mmɔdo esit adatde mi, ubɔŋ mi onyuŋ ebre; obukidem mi eyenyuŋ etie ke ifure.
10Koro afo mudukpɔŋke ukpɔŋ mi ke obio ekpo; uduyakke owo ima fo okut mbiara.
11Afo eyewut mi usuŋ uwem: uyuhɔ idaresit ke iso fo; ŋkpɔ inemesit ke ubɔk nnasia fo ke nsinsi.
Who We AreWhat We EelieveWhat We Do
2025 by iamachristian.org,Inc All rights reserved.