1BANYANA ba me, ki lo kualela lilo tse, gore lo si leohe. Mi ha moñue a leohile, leha e le mañmañ, re na le Mueleri kua go Rra, eboñ Yesu Keresete oa mosiami;
2Mi ki ena thuanyeco ea libe tsa rona, mi esiñ tsa rona cosi, mi le gona ea libe tsa lehatse yeotle.
3Mi rea itse ha re mo itsile ka mouo, ha re tsegetsa litaolo tsa gague.
4Eo o reñ, Kia mo itse, mi a sa tsegetse litaolo tsa gague, eo ki moaki, mi boamarure ga boeo mo go ena.
5Mi leha e le mañmañ eo o tsegetsañ lehuku ya gague, lorato loa Morimo lo rihaharicoe rure mo go ena; rea itse ha re le mo go ena ka mouo.
6Eo o reñ o agile mo go ena, le ena o cuanetse go tsamaea yaka a la a tsamaea.
7Bakauleñue, ga ki lo kualele taolo e nca, mi ki lo kualela taolo e khologolu, e lo lo na naeo le mo tsimologoñ. Taolo e khologolu ki lehuku ye lo le utluileñ le mo tsimologoñ.
8Ki bile kia lo kualela taolo e nca e e amarure mo go ena, le eona a e ne amarure mo go lona; gone lehihi lea heta, mi yana leseri ya amarure lea phatsima.
9Eo o reñ, o mo seriñ, mi a ila mokauleñue oa gague, eo, o mo hihiñ le go yana.
10Eo o ratañ mokauleñue oa gague, o agile mo seriñ, mi ga go khopisho mo go ena.
11Mi eo o ilañ mokauleñue oa gague, o mo hihiñ, mi o tsamaea mo hihiñ, mi ga a itse kua o eañ gona, gone lehihi le mo hohuharitse maitlo.
12Kia lo kualela, banyana, gone libe lo li icuarecoe ka ntla ea leina ya gague.
13Kia lo kualela, bo‐rra, gone lo mo itsile eo o mo tsimologoñ. Kia lo kualela, makau, gone lo hentse oa boleo. Kia lo kualela, banyana, gone lo itsile Rra.
14Ki lo kualetse, bo‐rra, gone lo mo itsile eo o mo tsimologoñ. Ki lo kualetse, makau, gone lo thata, mi huku ya Morimo le agile mo go lona; mi lo hentse oa boleo.
15Si rateñ lehatse, leha e le lilo tse ri mo lehatsiñ. Ha moñue a rata lehatse, lorato loa Rra ga loeo mo go ena.
16Gone cotle tse ri mo lehatsiñ, eboñ keleco ea nama, le keleco ea maitlo, le mabela a botselo, ga si tsa Rra, mi ki tsa lehatse.
17Lehatse lea heta, le keleco ea yeona, mi eo o rihañ thato ea Morimo o sala ka bosina bokhutlo.
18Banyana, ki motla oa bohelo, mi yaka lo utluile ha moganetsi oa ga Keresete a tla tla, le yana baganetsi ba ga Keresete ba bantsi; mi rea itse ha motla oa bohelo o tlile ka ntla ea bona.
19Ba le ba coa mo go rona, mi e le e si ba rona; gone ha e le le ba rona, ba kabo ba sa agile le rona; mi tse ri rihetse, gore go bonatsege ha e le e si ba rona botle.
20Mi lo na le tloco ea Moitsephi, mi lo itse lilo cotle.
21Ga kia lo kualela gone lo sa itse boamarure, mi gone loa bo itse, gone go si na maka mo boamarureñ.
22Moaki emañ ha e se ena eo o latolañ ha Yesu e le Keresete? Moganetsi oa ga Keresete ki ena eo o latolañ Rara le Moroa.
23Moñue le moñue eo o latolañ Moroa, eouo ga a na Rara; mi eo o ipobolañ Moroa, o na le ena Rara.
24Se lo se utluileñ ka tsimologo, a se ne mo go lona. Etlare ha se lo se utluileñ ka tsimologo se nna mo go lona, le lona lo tla nna mo go Moroa le mo go Rara.
25Mi e ki eona pulelelo‐pele e o e re buleletseñ pele, eboñ botselo yo bo sa khutleñ.
26Lilo tse ki li lo kualetse kaga bona ba ba lo tsietsañ.
27Mi kaga lona, tloco e lo e bonyeñ mo go ena, e nna mo go lona, mi ga lo tloke go rutoa ki ope; mi yaka tloco ea gague e lo ruta ga lilo cotle, mi e le amarure, mi esiñ maka, mi yaka e lo rutile, nnañ mo go ena.
28Mi yana, banyana, nnañ mo go ena; gore ere mogañ o bonatsegañ, re ne le boikanyo, mi re si tlayoe ki litloñ ha pele ga gague mo go tleñ ga gague.
29Ha lo itse ha e le ena eo o siameñ, loa itse ha moñue le moñue eo o rihañ tsiamo, a tsecoe mo go ena.
Who We AreWhat We EelieveWhat We Do
2025 by iamachristian.org,Inc All rights reserved.
