1KI gona yana, Bayeserela, retsañ litaeo, le tsiamisho tse ki li lo rutañ go li riha, gore lo tsele, le go ea go rua lehatsi ye Yehova Morimo oa bo‐rra enu o le lo naeañ.
2Lo si oketse huku ye ki le lo laolelañ, le esiñ go le okocolola, gore lo tsegetse taolo tsa ga Yehova Morimo oa lona tse ki li lo laoletseñ.
3Maitlo a lona a bonye se Morimo o lo oa se riha ka eintla ea ga Baala‐peore: gone banona botle ba ba le ba sala Baala‐peore morago, Yehova Morimo oa lona o ba sentse mo go lona.
4Mi lona, ba lo ñaparelañ Yehova Morimo oa lona, lo tserile ka yenu lotle.
5Bonañ, ki lo rutile litaeo le litsiamisho, yaka Yehova Morimo oa me a li ’ntaoletse, gore lo rihe yalo mo hatsiñ ye lo eañ go le rua.
6Lo li tsegetse, lo li rihe; gone mouo e le botlale yoa lona le tlaloganyo ea lona ha pele ga maitlo a merahe, e e tla utluañ taeo tse cotle, e re, Rure, morahe o, o mogolu o, ki bathu ba ba tlalehileñ, le ba ba tlaloganyañ.
7Gone go morahe o mogolu ohe, o o nañ le Morimo bogauheñ yoa ona, yaka Yehova Morimo oa rona mo cotleñ tse re li miletsañ!
8Mi go morahe o mogolu ohe, o o nañ le litaeo le litsiamisho tsa tsiamo, yaka molao otle o, o ki o baeañ pele ga lona ka yenu?
9Itiseñ, mi lo buluke meoea ea lona thata, gore lo si lebale lilo tse maitlo a lona a li bonyeñ, mi gore li si tloge mo peluñ tsa lona metleñ eotle ea botselo yoa lona: mi lo li itsise bana ba lona, le bana ba bana ba lona, ki gona gosi;
10Motleñ o lo loa ema ha pele ga Yehova Morimo oa lona kua Horeba ka ona; ka Yehova a ’nthaea, ’Nkokoanyetsa bathu ba, mi ki tla ba utlusa mahuku a me, gore ba ithute go ’mpoiha metleñ eotle e ba tla tselañ mo hatsiñ ka eona, mi a ba rute bana ba bona.
11Mi lo loa atamela loa ema tlatse ga thaba; mi thaba e le ea sha gareñ ga legorimo ka molelo; gole gole lehihi, le maru, le boncu yoa lehihi.
12Mi Yehova a bua le lona yalo a le gare ga molelo: lo loa utlua koru ea mahuku, mi lo si ka loa bona secuanco sepe; e le le koru eosi.
13Mi a lo utlusa kholagano ea gague, e o la a e lo laolela go e riha eboñ mahuku a ten; mi a a kuala mo matlapeñ a tu.
14¶ Mi Yehova a ’ntaola ka motla ouo, go lo ruta litaeo le litsiamisho, gore lo li tsegetse mo hatsiñ ye lo le khabaganyetsañ go le rua.
15Ki gona itiseñ thata; gone lo si ka loa bona secuanco sepe motleñ o Yehova o la a bua le lona kua Horeba a le gare ga molelo:
16Gore lo si iporise, go itihela secuanco se se setiloeñ señue, se se cuanañ le popego ea monona khotsa ea mosari,
17Popego ea khomu eñue e e mo hatsiñ, le popego ea nunyane eñue e e liphuka e e hohañ kua gorimoñ,
18Popego ea señue se se gagabañ mo ombuñ, le popego ea tlapi eñue e e mo metseñ a a kua tlatse ga lehatsi:
19Le gona gore lo si culeletse maitlo a lona kua legorimoñ, le go leba letsatsi, le khueri, le linaleri, eboñ entua eotle ea legorimo, lo khueetsega go li obamela, le go li rihela, tse Yehova Morimo oa lona o li abetseñ merahe eotle e e kua tlatse ga legorimo yeotle.
20Mi lona, Yehova o lo cutse a lo entsa mo bokephishoñ yoa tsipi, mo Egepeto, gore lo ne bathu ba boshua go ena, yaka ka yenu.
21Le gona Yehova o la a ’nkhalehalela mahuku a lona, mi a ikana ha ki si kitla ki khabaganya Yoredane, le esiñ go ea hatsiñ ya molemo, ye Yehova Morimo oa lona o le lo naeañ boshua:
22Gone ki tla shuela mo hatsiñ ye, ga ’nkitla ki khabaganya Yoredane: mi lona lo tla khabaganya, lo rua hatsi yele ya molemo.
23Itiseñ, gore lo si lebale kholagano ea ga Yehova Morimo oa lona, e o la a e riha le lona, ha lo ka itihela secuanco se se setiloeñ, se se cuanañ le señue se Yehova Morimo oa lona o se iritseñ.
24Gone Yehova Morimo oa lona e le molelo o o nyeletsañ, o Morimo oa lehuha.
25¶ Ere mogañ lo tsalañ bana, le bana ba bana, lo nntse selele mo hatsiñ, lo iporisa, lo riha secuanco se se setiloeñ, khotsa secuanco sa señue, le go shulatsa ha pele ga maitlo a ga Yehova Morimo oa lona, go mo gakatsa:
26Ki bitsa legorimo le lehatsi ka yenu go shupa kaga lona, ha lo tla akoha lo helela rure mo hatsiñ, ye lo le khabaganyetsañ Yoredane, go le rua; ga lo kitla lo leletsa malatsi go yeona, mi lo tla señoa lotle.
27Mi Yehova o tla lo halaletsa mo meraheñ, mi lo tla saleloa ki banye mo paloñ mo baeteneñ, kua Yehova o tla lo gogelañ gona.
28Mi koñ, lo tla rihela merimo e e leñ tiho ea atla tsa bathu, ea logoñ le ea leincue, e e sa boneñ, le e e sa utlueñ, le e e sa yeñ, le e e sa eñkheñ.
29Mi ere mogañ lo batlañ Yehova Morimo oa lona gona, lo tla mona, ha lo matla ka pelu tsa lona cotle, le ka meoea ea lona eotle.
30Ere mogañ lo mo tlaleloñ, mi lilo cotle tse li tlile go lona metleñ ea bohelo, ha lo boela go Yehova Morimo oa lona, lo utlua koru ea gague;
31(Gone Yehova Morimo oa lona ki Morimo oa boutluelo botluku;) ga a kitla a lo tlogela, le esiñ go lo senya, mi ga a kitla a lebala kholagano ea bo‐rra enu e o la a e ba ikanela.
32¶ Gone a ko lo botse ga metla ea eintla e, e le le pele ga lona, go simolola ka motla o Morimo o lo oa bopa mothu mo hatsiñ, le go coa khutloñ sa legorimo le go ea go se señue sa yeona, ha gole gole señue se se segolu yalo, khotsa ha se le sa utluala yaka shona?
33A morahe moñue o lo oa utlua koru ea Morimo e bua e coa gare ga molelo, yaka lo e utluile, oa tsela?
34Khotsa, a Morimo o lekile go itsela morahe mo gareñ ga morahe o moñue, ka liteko, le ka licupo, le ka likhakhamaco, le ka tlabano, le ka atla se se thata, le ka cogo ye le otlologileñ, le ka poiho tse ri kholu, kaha cotleñ tse Yehova Morimo oa lona o la a li riha ha pele ga maitlo a lona mo Egepeto?
35Gole go bonarioa go lona, gore lo itse ha Yehova e le ena Morimo; go sina ope ha e si ena.
36O la a lo utlusa koru ea gague a le mo legorimoñ, gore a lo kaele: mi a lo bontsa molelo o mogolu oa gague mo lehatsiñ; mo lo loa utlua mahuku a gague a coa gare ga molelo.
37Mi e le era gone o la a rata bo‐rra enu, ki gona o la a itseñkela losika loa bona hularoñ sa bona, mi a lo entsa mo Egepeto ha pele ga gague, ka nonoho e kholu ea gague;
38Go rulola merahe ha pele ga lona, e e le le e meima le e e nonohileñ bogolu go lona, go lo isa gona, gore a lo nee hatsi ya eona boshua, yaka gontse ka yenu.
39Ki gona itseñ ka yenu, mi lo gakologeloe mo peluñ tsa lona, ha Yehova e le ena Morimo mo legorimoñ kua gorimo, le mo hatsiñ, kua tlatse: go si ope o sele.
40Mi lo tsegetse taeo tsa gague, le litaolo tsa gague, tse ki li lo laolelañ ka yeñu, gore go lo lemohalele, le bana ba lona hularoñ sa lona; le gona gore lo leletse malatsi mo hatsiñ ye Yehova Morimo oa lona o tla le lo naeañ ka bosakhutleñ.
41¶ Hoñ Moshe o la a lomolola metse e le teri, boseya yoa Yoredane, kua botlabatsatsi;
42Gore molaei a tsabele gona, eo o ka bolaeañ moñ ka ena ka go bisa go itse, a sa mo ile ka metla e e hetileñ; gore a tsabele kua go moñue oa metse e, a tsele:
43 Eboñ, Betsera, mo bogareñganaga, kua hatsiñ ya loboa oa Barubena; le Ramota mo Gileada, oa Bagada; le Golana mo Bashana, oa Bamanasa.
44¶ Molao o ko ona o Moshe o la a o baea ha pele ga bana ba Yeserele:
45Tse ki cona licupo, le litaeo, le litsiamisho, tse Moshe o la a li bua le bana ba Yeserele ba sina coa Egepeto;
46Boseyeñ yoa Yoredane, kua mogorogoroñ o o lebaganyeñ le Beta‐peora, kua hatsiñ ya Sihone, khosi ea Baamora, eo o la a nna kua Heshebona, eo Moshe le bana ba Yeserele ba le ba mo khemetha, ba sina coa Egepeto:
47Mi ba le ba rua lehatsi ya gague, le lehatsi ya ga Oge khosi ea Bashana, likhosi li tu tsa Baamora, tse li li boseyeñ yoa Yoredane kua botlabatsatsi;
48Go simologa ka Aroera o o kua boseyeñ yoa molacoana oa Arenona le kua thabeñ ea Siona e e leñ Heremona.
49Le sekaka shotle boseyeñ yoa Yoredane eintleñ ea Iseta, le kua go leoatleñ ya sekaka, tlatse ga Ashedota‐pisega.
Who We AreWhat We EelieveWhat We Do
2025 by iamachristian.org,Inc All rights reserved.
