1OPELELAÑ Yehova, lona basiami; pako e cuanetse basiami.
2Bakañ Yehova ka harepe; mo opeleleñ ka saletare, le mo selecoñ sa litsika li ten.
3Mo opeleleñ sehela se sesha; lotsañ ka botlale, ka tumo ea boitumelo,
4Gone lehuku ya ga Yehova le siame, mi tiho cotle tsa gague li boikanyo.
5O rata tsiamo le tsiamisho; lehatsi le tletse molemo oa ga Yehova.
6Magorimo a rihiloe ki huku ya ga Yehova; le entua eotle ea aona, ki moea oa molomo oa gague.
7O phutha metse a noka yaka mokoa; o baea mateñ mo matluñ a pulukelo.
8A lehatsi yeotle le boihe ha pele ga Yehova; a baagi botle ba lehatsi ba tlakasele ha pele ga gague.
9Gone o buile, mi ga rihega; o laotse, mi ga ema ka tlomamo.
10Yehova o nyeletsa khakololo ea baeteni; o senya khopolo tsa bathu.
11Khakololo ea ga Yehova e ema ka bosina bokhutlo; khopolo tsa pelu ea gague, mo tsikatsikeñ.
12Go tsegaharicoe morahe o Yehova e leñ Morimo oa ona; bathu ba o ba itseñketseñ go na boshua yoa ona.
13Yehova o lebela tlatse a le mo legorimoñ, o bona bana ba bathu botle.
14O leba baagi ba lehatsi botle, a le mo heloñ ga boago yoa gague.
15O bopa pelu tsa bona li cuana; o elatloko litiho tsa bona cotle.
16Ga go khosi epe e e bulukoañ ki bontsi yoa entua; mothu eo senatla ga a gololoe ki thata e kholu.
17Pitse ki seo sa lehela go buluka; le gona ga e kake ea golola ka thata e kholu ea eona.
18Bonañ, leitlo ya ga Yehova le mo go bona ba ba moihañ; mo go bona ba ba shuluhelañ mo boicuareloñ yoa gague;
19Go golola meoea ea bona mo loshuñ, le go ba tserisa mo tlaleñ.
20Meoea ea rona e lebelela Yehova; ki ena thusho ea rona, le thebe ea rona.
21Amarure pelu tsa rona li tla itumela mo go ena, gone re ikanya mo ineñ ya gague ya boitsepho.
22Yehova, a boicuarelo yoa gago bo ne go rona, yaka re shuluhela mo go uena.
Who We AreWhat We EelieveWhat We Do
2025 by iamachristian.org,Inc All rights reserved.
