1 Bakorinta 11 - Sechuana Tlhaping Moffatt Bible 1890（TSN1890）

1NAÑ balateri ba me, yaka le ’na ki le oa ga Keresete.

2Mi yana, kia lo baka, bakauleñue, ka lo ’nkhopola mo liloñ cotle, mi lo buluka lipulelo yaka ki li lo neile.

3Mi ki rata gore lo itse ha Keresete e le tlogo ea monona moñue le moñue; mi monona e le tlogo ea mosari; mi Morimo e le tlogo ea ga Keresete.

4Monona moñue le moñue eo o rapelañ khotsa go ruta, a na le señue mo tlogoñ, o tlotlolola tlogo ea gague.

5Mi mosari moñue le moñue eo o rapelañ khotsa go ruta ka tlogo e e sa roesioeñ, o tlotlolola tlogo ea gague: gone go cuana hela yaka a ko a beocoe.

6Gone ha mosari a sa roesioe, le gona a a beoloe, mi ha e le mashue go mosari go kutoa, khotsa go beoloa, a a roesioe tlogo.

7Gone monona a a si roale mo tlogoñ, ka e le ena secuano le khalalelo ea Morimo; mi mosari e le khalalelo ea monona.

8Gone monona e si oa mosari; mi mosari e le oa monona.

9Gone monona a sa bopeloe mosari; mi mosari o bopecoe monona.

10Ki gona ka mouo mosari o cuanetse go na le taolo mo tlogoñ, ka ntla ea baengele.

11Leha gontse yalo, monona, ga a kake a na a sina mosari, le mosari ga a kake a na a sina monona, mo Moreneñ.

12Gone yaka mosari e le oa monona, gontse yalo monona, le ena, ki ka mosari; mi lilo cotle li coa Morimoñ.

13Atlolañ ka losi; a go goiñtle ha mosari a rapela Morimo a sa roale?

14Khotsa temalo le eona a ga e lo rute, ha monona a na le moriri o molele, e le litloñ go ena?

15Mi ha mosari a na le moriri o molele, e le khalalelo go ena; gone moriri o o neiloe, go na seroalo.

16Mi ha moñue a na yaka moganetsi, ga re na temalo e entseñ yalo, le esiñ cona liekelesia tsa Morimo.

17Mi yana se ki se lo raeañ, ga ki lo bake, gone ga lo phuthegele molemo oa lona, e le pehisho.

18Gone, ga ntla, ha lo phuthegela mo ekelesieñ, ki utlua ha likhaogano li le mo go lona; mi kia rumela ka ntla ñue.

19Gone mashomo le aona a cuanetse go na mo go lona, gore ba ba siameñ ba bonatsege mo go lona.

20Ki gona ha lo phuthega mogo mo heloñ go le goñue, ga si go ya selalelo sa Morena.

21Gone ka go ya, moñue le moñue oa cula selalelo sa gague pele; mi moñue a utlua tlala, mi eo moñue o khotse.

22A ga lo na matlu go ya le go noela gona? khotsa a lo nyatsa ekelesia ea Morimo, mi a lo tlabisa litloñ ba ba si nañ sepe? Ki tla lo raeañ? A ki tla lo baka? Ga ki lo bake mo seoñ se.

23Gone ki bonye mo Moreneñ se le shona ki se lo neileñ, Ha Yesu Morena a la a cula señkhue mo sigoñ yo o okiloeñ ka yona;

24Mi ka a sina itumelela, a se roba, mi a re, Culañ, lo ye; se ki mele oa me, o o lo robeloañ; rihañ mo, lo ’nkhopole ka gona.

25Gontse yalo a cula senoelo, morago ga go ya selalelo, mi a re, Senoelo se ki kholagano e nca mo mariñ a me; rihañ mo, ka gale, ha lo se noa, go ’nkhopola ka gona.

26Gone ka gale, ha lo ya señkhue se, le go noa senoelo se, e bo yalo lo bulela loshu loa Morena a tla a tsamaee a tle.

27Ki gona leha e le mañmañ eo o tla yañ señkhue se, le go noa senoelo sa Morena, ka go bisa go cuanela, o tla na molatu mo meleñ le mo mariñ a Morena.

28Mi a mothu a ipotsise, mi yalo a ye ga señkhue se, le go noa ga senoelo.

29Gone eo o yañ a noa ka go bisa go cuanela, oa ya oa inoela tsekisho, a sa harologanye mele oa Morena.

30Ki gona ka mouo go leñ bantsi ba bokoa, le ba ba bobolañ mo go lona, mi bantsi ba robetse.

31Gone ha re itsekisa, yalo ga re kitla re sekisioa.

32Mi ha re sekisioa, yalo re berioa ki Morena, gore re si sekisioe le lehatse.

33Ki gona, bakauleñue ba me, ere ha lo phuthegela go ya, letanañ.

34Mi ha moñue a le tlala, a a ye kua gae, gore lo si be lo phuthegela tsekisho. Mi tse ri setseñ, ki tla li rulaganya ki sina tla.