2 Bakorinta 1 - Sechuana Tlhaping Moffatt Bible 1890（TSN1890）

1PAULO, moapostoloi oa ga Yesu Keresete, ka thato ea Morimo, le Timoteo mokauleñue, go ekelesia ea Morimo e e kua Korinta; le baitsephi botle ba ba mo hatsiñ ya Akaia yeotle:

2Tsegohaco e ne le lona, le kagisho e e coañ Morimoñ rra ecu, le Yesu Keresete Morena.

3Pako a e ne Morimoñ, Rra Yesu Keresete Morena oa rona, Rra maicuarelo, le Morimo oa khomoco cotle;

4O o re gomoritseñ mo lipogishoñ cotle tsa rona, gore re nonohe go gomotsa ba ba mo pogishoñ tse riñue, ka khomoco e Morimo o re gomotsañ ka eona.

5Gone yaka lipogisho tsa ga Keresete li le kholu mo go rona, khomco ea rona, le eona e kholu yalo ka Keresete.

6Mi leha re bogisioa, ki khomoco le puluko go lona, e e rihiloeñ mo go icokeleñ lipogisho tseuo, tse le rona re bogisioañ ka cona; khotsa leha re gomorioa, ki khomoco le puluko go lona.

7Mi culuhelo ea rona go lona e tlomame, ka re itse, yaka lo le baaberoi ba lipogisho, le gona, lo tla na baaberoi ba khomoco.

8Gone, bakauleñue, ga re rate gore lo si itse ga pogisho e e le ea tla go rona mo Asia, ha re le ra pitleleloa bobe bogolu go thata ea rona, ga tsamaea ra belaela ha re ka tsela;

9E, khaolo e re khaolecoeñ loshu e le le go rona, gore re si iikanye ka rosi, mi re ikanye Morimo o o cosañ bashui;

10O o re golotseñ mo loshuñ lo logolu yalo, mi o sa golola; o re shuluhelañ ha o tla ba o re golola;

11Le lona lo thusanya ka go re rapelela, gore maitumelelo a neoe ki bantsi kaga rona, ka neo e re e necoeñ ka bathu bantsi.

12Gone pelahalo ea rona ki e, eboñ cupo ea ligakolori tsa rona, ha tsamao ea rona mo hatsiñ, bogolu mo go lona, e le le mo boñueheleñ yoa pelu; le mo tsiamoñ ea Morimo, esiñ mo botlaleñ yoa nama, mi e le le mo tsegohacoñ ea Morimo.

13Gone ga re lo kualele lilo lipe li sele, ha e si tse lo ri buisitseñ, le go li ipobola; mi ki shuluhela lo tla ipobola le kua bokhutloñ;

14Yaka le lona lo re ipobotse ka ntla ñue, ha re le pelahalo ea lona, yaka le lona lo le ea rona mo motleñ oa ga Yesu Morena.

15Ki le ka itloma mo boikanyoñ yo go ea go lona pele, gore lo ne le tsegohaco ea botu;

16Le go heta ka lona, go ea Makedonia, le go ba go tla go lona go coa Makedonia, le go isioa ki lona kua Yudea.

17Mi erile ki itloma go riha yalo, a ki le ki ithamaka? khotsa lilo tse ki li itlomañ, a ki li itloma kaha nameñ, gore go ne mo go ’na, E, E, le Nya, nya?

18Mi yaka Morimo o boikanyo, lehuku ya rona ye le le go lona, le si ka ya na, E, le Nya.

19Gone Yesu Keresete Moroa Morimo, eo o la a reroa ki rona mo go lona, e boñ ki ’na le Silevano, le Timoteo, a la a si, E, le Nya, mi mo go ena o la a le E hela.

20Gone lipulelelo‐pele cotle tsa Morimo li E mo go ena, le Amena mo go ena, go khalaleloñ ea Morimo ka ntla ea rona.

21Mi ona o o re tlomamisitseñ le lona mo go Keresete, le o o re tloritseñ, ki Morimo;

22O le gona o re kaneñ, mi oa re naea sebelelo sa Moea mo peruñ tsa rona.

23Yana ki bitsa Morimo go na moshupi mo moeeñ oa me, ga ki e si ki tle Korinta, e le go lo rekegela.

24Esiñ go re re laola tumelo ea lona, mi re bathusanyi ba boitumelo yoa lona; gone loa ema ka tumelo.