Basiamisi 15 - Sechuana Tlhaping Moffatt Bible 1890（TSN1890）

1MI ga rihala morago ga malatsi mañue, ka motla oa thobo ea mabele, Samesone a lekola mosari oa gague ka potsane; mi a re, A ki ee go mosariñ oa me mo tluñ ea kua teñ. Mi ra mosari a si ka a mo lesa go tsena.

2Mi rague a re, Ki le ka gopolela rure, ha u mo ilela rure; ki gona ki mo neileñ molekane oa gago; a monnaue ga a moiñtle bogolu go ena? a a ko a ne oa gago mo bonnoñ yoa gague.

3¶ Mi Samesone a bua kaga bona, a re, Yana ki tla na ki sina molatu mo Bafiliseteñ, leha ki ba shulatsa.

4Mi Samesone a ea a cuara liphukuye li teri hundereda, mi a tsaea litimi, mi a gokaganya mogatla le mogatla, mi a tsenya setimi se le señue mo gareñ, ha gare ga mogatla le mogatla.

5Mi a timega litimi ka molelo, a lesa liphukuye go ea mo mabeleñ a a emeñ a Bafiliseta, mi a cuba mekoa, le aona mabele a a emeñ, le masimo a mevina le metluare.

6¶ Ereha gona go buañ Bafiliseta, E mañ eo o rihileñ seo se? Mi bañue ba re, Samesone, mogue oa Motimena, gone a tseile mosari oa gague, a mo naea molekane oa gague. Mi Bafiliseta ba ea, mi ba hisa mosari le rague ka molelo.

7¶ Mi Samesone a ba raea, Ka lo rihile yalo, ki tla ipushulosetsa go lona, ereha gona ki tla khutlañ morago ga mouo.

8Mi a ba khemetha memo le lirope ka khemetho e kholu: mi a ea, mi a nna mo loharoñ loa lehika ya Etama.

9¶ Ereha gona Bafiliseta ba ea ba tlaolela kua Yudeñ, mi ba ikanamisa kua Lehi.

10Mi banona ba Yuda, ba re, Lo re bololetseñ? Mi ba araba, Re bololetse go golega Samesone, go mo rihela yaka a re rihetse.

11Ereha gona banona ba Yuda ba teri thousanda ba eañ kua loharoñ loa lehika ya Etama, mi ba raea Samesone, A gu itse ha Bafiliseta ba re busa? Eñ se u se re rihetseñ? Mi a ba raea, Ki ba rihetse yaka ba ’ntihetse.

12Mi ba mo raea, Re tlile go gu golega, gore re gu tsenye mo atleñ tsa Bafiliseta. Mi Samesone a ba raea, Inkaneleñ ha lo si kitla lo ’nkoela.

13Mi ba mo raea, ba re, Nya; re tla gu golegela rure, re gu tsenya mo atleñ tsa bona: mi ga re kitla re gu bolaela rure. Mi ba mo golega ka linti li tu tse linca, mi ba mo entsa mo lehikeñ.

14¶ Erile a hitla go Lehi, Bafiliseta ba mo khatlanetsa ka thurueco: mi Moea oa Yehova oa oela go ena, mi linti tse li li mo mabogoñ a gague tsa na yaka tlale tsa lene tse ri hisicoeñ ki molelo, mi kholego tsa hunologa mo atleñ tsa gague.

15Mi a bona lotlaea loa esela lo lo sha, mi a entsa atla sa gague a lo tsaea, mi a khemetha banona ba uan thousanda ka lona.

16Mi Samesone a re, Ki ba gailetse rure ka lotlaea loa esela; ki khemethile banona ba uan thousanda ka lotlaea loa esela.

17Mi ga rihala a sina uetsa go bua, a latla lotlaea mo atleñ sa gague, mi a bitsa helo hoñ Ramata‐lehi.

18¶ Mi a bo a nyoriloe segolu, a biletsa go Yehova, a re, U neile khololo e kholu e ka atla sa motlañka oa gago: mi yana a ki tla bolaoa ki lenyora, ki oela mo atleñ tsa ba ba sa guerisioañ ba?

19Ereha gona Morimo o arolañ helo ga khuti e e le le mo Lehi, mi ga coa metse go eona; mi a noa, mi moea oa gague @a ruloa, mi a tserisioa; mi a bitsa leina ya eona Ena‐hakora, mi e mo Lehi le ka yenu.

20Mi a siamisa Bayeserela mo malatsiñ a Bafiliseta ka nyaga li tuente.