Lipesalema 90 - Sechuana Tlhaping Moffatt Bible 1890（TSN1890）

PESALEM 90.¶ Morapelo oa ga Moshe, monona oa Morimo.

1YEHOVA, u lu le botsabelo yoa rona mo tsikatsikeñ.

2Pele ga lithaba li e si li tsaloe, pele u e si u rihe ombu le lehatsi, E, u Morimo o o leñ ga bosakhutleñ le go bosakhutleñ.

3U bosetsa bathu tsenyegoñ; mi ua re, Ba lo boee, lona bana ba bathu.

4Gone nyaga li thousanda, mo maitloñ a gago, li cuana yaka mabane ha a sina heta, le yaka tisho ea bosigo.

5Ua ba tlosa yaka ka moroalela; ba cuana yaka ba robetse; ba cuana yaka boyañ yo bo hetogañ mo moshoñ.

6Bo thunya mo moshoñ, mi bo hetoga; mi bo segoa ka mabanyane, mi bo omelela.

7Gone re nyelerioa ki bogale yoa gago, mi re reroa ki bogale yo bogolu yoa gago.

8U baea tsiamololo tsa rona ha pele ga gago; libe tsa bosaitsioeñ tsa rona mo seriñ ya hatlogo sa gago.

9Gone malatsi aotle a rona a nyelerioa ki bogale yoa gago; re uetsa nyaga tsa rona yaka khopolo e le eñue.

10Kaga malatsi a nyaga tsa rona, go linyaga li sevente mo go aona; mi ha li na nyaga li eite ka eintla ea thata, leha gontse yalo, pelahalo ea cona ki tapisho le bohutsana; gone li khaoloa ka bonako, mi re hohela koñ.

11Mañ eo o itseñ thata ea bogale yoa gago, go gu boiha kaha poitsegoñ ea gago?

12Re rute yalo go bala malatsi a rona, gore re bosetse pelu tsa rona botlaleñ.

13Ba u boee, Yehova; go lele go le kai? mi u utluele batlañka ba gago botluku.

14Re khorise mo moshoñ ka boicuarelo yoa gago; gore re itumele re ipele mo malatsiñ aotle a rona.

15Re itumerise kaha malatsi a u re bogisitseñ ka aona; kaha nyaga tse, re bonyeñ boshula mo go cona.

16A tiho ea gago e bonale mo batlañkeñ ba gago, le khalalelo ea gago mo baneñ ba bona.

17Mi a boiñtle yoa ga Yehova, Morimo oa rona, bo ne go rona; mi tiho ea atla tsa rona, u e tlomamise go rona; E, tiho ea atla tsa rona, u e tlomamise.