2 Bakorinta 10 - Sechuana Tlhaping Moffatt Bible 1890（TSN1890）

1MI yana, ’na Paulo, ka ’nosi, kia lo rapela ka bonolo yoa pelu, le boutluelo botluku yoa ga Keresete, eo ha ki na le lona ki leñ motlana mo go lona, mi ha ki sieo ki pelukhale go lona;

2Mi kia lo rapela, gore ki si ne pelukhale ha ki na le lona ka boikanyo yo, ki itlomañ ki le pelukhale go bañue ka yona, ba ba re kaeañ yaka re ba re tsamaeañ kaha nameñ.

3Gone leha re tsamaea mo nameñ, ga re tlabane kaha nameñ;

4(Gone litlabano tsa rona tse re tlabanañ ka cona, ga si tsa nama, mi li thata ka Morimo go riga likago tse ri thata;)

5Ka re riga likhakologelo, le bogorimo yotle yo bo ikhorisetsañ kico ea Morimo, le go gogela khopolo eotle kutloñ go ea ga Keresete;

6Le go na le iketleco go ipusholosetsa go bisa go utlua gotle, mogañ go utlua ga lona go rihahalañ.

7A lo leba tse ri ka kua ntle? Ha moñue a iikanya ka esi ha e le oa ga Keresete, a a be a gopole tse mo go ena, go re, yaka a le oa ga Keresete, le rona, re ba ga Keresete.

8Gone ekare ha le ’na ’nka belahala bogolu ga taolo ea rona, e Morena o e re neileñ, go na kagelelo, mi esiñ go lo riga, yalo ga ’nkitla ki tlayoa ki litloñ;

9Gore ki si ne yaka ’nka lo boitsa ka liepisetole.

10Gone ba re, Liepisetole tsa gague li boima le bothata, mi bogaucuanyane yoa mele oa gague bo bokoa, le puo ea gague ea nyatsega.

11Eo ontseñ yalo a a gopole se, kaha rentseñ ka gona mo hukuñ ka liepisetole ha re sieo, re tla na yalo le gona mo tihoñ ha re na le lona.

12Gone ga re kake ra ikaea ka gope, khotsa ra icuantsa le bañue ba ba ipakañ; mi ba, ga ba na tlaloganyo, ka ba itekanya ka bona ka bosi, mi ba icuantsa ka bona ka bosi.

13Mi rona ga re kitla re belahala mo liloñ tse ri sa lekañoeñ, mi re tla belahala kaha selekanyoñ sa sekaelo se Morimo o se re abetseñ, se se hitlileñ le kua go lona.

14Gone ga re iñamole bogolu go cuanelo, yaka ekete ga re hitle le kua go lona; gone re hitlile le go lona mo evangelioñ ea ga Keresete;

15Esiñ go belahala mo liloñ tse ri se lekañoeñ mo tiheloñ ea ba bañue; mi ka re na le culuhelo, mogañ tumelo ea lona e totañ, ha re tla gorisioa bogolu ki lona kaha sekaeloñ sa rona,

16Go rera evangelio mo maheloñ a a kua pele ga lona, mi esiñ go belahala mo sekaeloñ sa lilo tse ri etlelericoeñ gale.

17Mi eo o belahalañ, a a belahale mo Moreneñ.

18Gone esi ena eo o ipakañ, mi go lekiloe ena eo o bakoañ ki Morena.