1 Bakorinta 13 - Sechuana Tlhaping Moffatt Bible 1890（TSN1890）

1LEHA ’nko ki bua ka lipuo tsa bathu, le tsa baengele, mi ha ki si na lorato, ki rihegile yaka khotlo e e rumañ, khotsa semebala se se tserimañ.

2Mi leha ’nko ki na le neo ea pulelo ea tihahalo, le go tlaloganya tse ri sa itsioeñ cotle, le kico eotle; mi leha ’nko ki na le tumelo eotle, gore ’nko ki shutisa lithaba, mi ha ki sina lorato, ga ki sepe.

3Mi leha ’nko ki aba lilo cotle tsa me go otla bahumanegi, mi leha ’nko ki naea mele oa me go hisioa; mi ha ki sina lorato, ga li na molemo ope go ’na.

4Lorato lo iphapanya ka bolele, mi lo tsalano; lorato ga lo pelutsetla; lorato ga lo belahale, ga lo buruloge;

5Ga lo rihe ka go bisa go cuanela, ga lo ipatlele, ga lo galehe, ga lo gopole boshula;

6Ga lo itumele mo tsiamololoñ; mi loa itumela mo boamarureñ;

7 Lo iphapanya lilo cotle, lo rumela lilo cotle, lo shuluhela lilo cotle, lo icokela le lilo cotle.

8Lorato ga lo nyelele ka bosina bokhutlo; mi leha go le lipulelo tsa tihahalo, li tla nyelela; mi leha go le lipuo, li tla khutla; leha go le kico, e tla nyelela.

9Gone re itse ka ntla ñue, mi re ruta ka ntla eñue.

10Mi etlare botlalo bo sina tla, se se sa ntla ñue se tla tlosioa.

11Ki rile ki le ñuana ka bua yaka ñuana, ka tlaloganya yaka ñuana, ka gopola yaka ñuana; mi ki rile ki si na na monona, ki le ka lesa lilo tsa bonyana.

12Gone yana rea bona mo seiponiñ ka lehicuana; mi mogañ o re tla bona ka sehatlogo le sehatlogo; yana kia itse ka ntla ñue; mi mogañ o ki tla itse yaka le ’na ki itsioe.

13Mi yana go sala tumelo, le culuhelo, le lorato, li teri tse, mi se segolu mo go tse ki lorato.