1YALO banona ba teri ba, ba khutla go araba Yobe, ecua a le tsiamo mo maitloñ a gague.
2Ereha gona bogale yoa ga Elihue moroa Barakele oa Mobusa, oa losika loa Rame bo tukañ: bogale yoa gague yoa tukela Yobe, gone a itsiamisa bogolu go Morimo.
3Bogale yoa gague yoa tukela le cona litsala tsa gague li teri, gone ba paleloa go araba, leha gontse yalo ba latuhatsa Yobe.
4Mi Elihue o la a lebelela ea tsamaea Yobe a bua, gone ba le bagolu go ena.
5Erile Elihue a bona ha karabo e sieo mo melomoñ ea banona ba teri ba, bogale yoa gague yoa tuka.
6Mi Elihue moroa Barakele oa Mobusa a araba, a re, Ki oa malatsi manye, mi lona lo cohetse; ki gona ki ikhehañ, mi ka boiha go lo bontsa khopolo ea me.
7Ka re, A malatsi a bue, le bontsi yoa linyaga bo itsise kico.
8Rure, moea o mo mothuñ: le purulo ea Mothatietle ea mo tlalogantsa.
9Bagoluane ga ba tlalehe ka gale, le gona bagolu ga ba tlaloganye tsiamisho.
10Ki gona ki reñ, ’Nthetsañ; le na ki tla lo bontsa khopolo ea me.
11Bonañ, ki lebeletse mahuku a lona; ka sekegela litlaloganyo tsa lona tsebe, ka lo loa tlotlomisa se lo tla se buañ.
12E, ka lo tlokomela, mi bonañ, go si ope oa lona eo o lemotsañ Yobe, khotsa go araba mahuku a gague:
13Gore e si re khotsa lo tla re, Re bonye botlale: Morimo o ka mo henya, esiñ mothu.
14Mi ga a ka a ’nthulaganyetsa mahuku a gague: le gona ga ’nkitla ki mo araba ka mahuku a lona.
15Ba reregile mi ba sa tlole ba araba: ba katositse mahuku go bona.
16Mi ka lebelela, mi ga ba bue, ba ema, ga ba tlole ba araba;
17Ki gona ’na ki tla arabela kabo ea me, le ’na ki tla bontsa khopolo ea me.
18Gone ki tletse mahuku, moea o o mo go ’na oa ’nkhola.
19Bonañ, empa ea me e cuana le boyaloa yo bo sa tsibololoeñ; ekete e tla phanyega yaka makuka a masha.
20Ki tla bua gore ki sehumole: ki tla tumolola pounama tse me, ki araba.
21Au, a ki si gobele ope, mi a ki si nee bathu maina a borethe.
22Gone ga ki itse go umaka maina a borethe; Mopi oa me o tla ’ntlosa ka bokhutsanyane.
Who We AreWhat We EelieveWhat We Do
2025 by iamachristian.org,Inc All rights reserved.
