Litiho tsa Baapostoloi 25 - Sechuana Tlhaping Moffatt Bible 1890（TSN1890）

1MI yana ka Fesito a sina go ea kua ntleñ e, a coa Kaisarea morago ga malatsi a teri, a ea kua Yerusalema.

2Mi moperiseti eo mogolu, le bagoluane ba Bayuda ba iponatsa ha pele ga gague kaga Paulo, mi ba mo rapela,

3Mi ba eletsa tsalano kaga gague gore a mo ise kua Yerusalema, ba mo laletse gore ba molaee mo tseleñ.

4Mi Fesito a araba gore Paulo a bulukoe mo Kaisarea, mi le ena o tla etela gona ka bonako.

5Mi a re, Ki gona ba ba nonohileñ mo go lona a ba tle le ’na, mi ha go na le señue sa cokamo mo mononeñ eo, a ba mo latuhatse.

6Mi o rile a sina tlola mo go bona, esiñ bogolu go malatsi a ten, a ea kua Kaisarea; mi erile ka tsatsi ye leñue, a lula mo seruloñ sa tsekisho, a laola gore Paulo a lerioe.

7Mi ka a sina tla, Bayuda ba ba coañ Yerusalema ba ema mo ntleñ cotle, mi ba tlisetsa Paulo melatu e mentsi e megolu e ba sa kakeñ ba e rurehatsa.

8Mi ka a ikarabela, a re, Ga kia leohela molao oa Bayuda, le esiñ tempela, le esiñ Kaisare.

9Mi ka Fesito a rata go khatla Bayuda, a araba Paulo, a re, A u tla ea kua Yerusalema, go sekisioa gona ga lilo tse ha pele ga me?

10Mi Paulo a re, Ki eme ha pele ga serulo sa tsekisho sa ga Kaisare, ha ki cuanetseñ go sekiserioa gona; Bayuda ga kia ba rihela sepe sa tsiamololo, yaka u itse ka boamarure.

11Gone ha ki siamolola, khotsa ki rihile señue se se cuanetseñ loshu, ga ki rekegele go shua; mi ha go si sepe sa lilo tse ba li ’ntatuhatsañ, mi yalo ga go ope eo o ka ba ’nnelañ go ba khatla. Ki ipiletsa go Kaisare.

12Eriha gona Fesito o arabañ ka a sina gakololana le baseki. A u ipileritse Kaisare? U tla ea go Kaisare.

13Mi ka malatsi mañue a sina heta Ageripe oa khosi, le Berenise, ba ea kua Kaisarea go rumerisa Fesito.

14Mi ka ba sina hetisa malatsi mantsi gona, Fesito a bulelela khosi lilo tsa ga Paulo, a re, Go monona moñue eo o tlogecoeñ mo kholegoñ ki Feli;

15Ga eo, erileñ ka ki le mo Yerusalema, baperiseti ba bagolu, le bagolu ba Bayuda ba mo iponaletsa, ba eletsa tsekisho kaga gague.

16Ba, ki ba arabileñ, Ga si mokhua oa Baroma go nela mothu ope loshuñ, eo o latuharicoeñ, a e si a bone balatuhatsi thaka tsa maitlo, le go bona lobaka go ikarabela kaga molatu oa gague.

17Ki gona, erile ba sina tla mogo, ki le ka lula mo seruloñ sa tsekisho ka mosho, ki si ka ka riega, mi ka laola monona eo go lerioa.

18Eo, erileñ balatuhatsi ba ema ha go ena, ba si ka ba lere tatuhaco ea tse ki li itlomileñ;

19Mi ba le ba na le lipoco liñue kaga gague, tsa tihelo ea Morimo ea bona, le ga Yesu, moñue eo shuleñ, eo Paulo o reñ o tserile.

20Mi ka ki le ka belaela mo potsishoñ ea lilo tse, ka motsa, ha a rata go ea kua Yerusalema go sekisioa gona ga lilo tse.

21Mi ka Paulo a ipiletsa go bulukeloa kicoñ ea Auguseto, ka laola gore a bulukeloe motla o ki tla mo romelañ go Kaisare ka ona.

22Mi Ageripe a raea Fesito, Le ’na mothu eo ki rata go mo utlua ka ’nosi. Mi a re, u tla mo utlua ka mosho.

23Mi eare ka mosho Ageripe a sina tla, le Berenise, ka khabo e kholu, mi ka ba sina tsena mo tluñ ea kutluelo, le balaori ba ba thousanda, le bagoluane ba motse; ga laoloa ki Fesito gore Paulo a lerioe.

24Mi Fesito, a re, Ageripa khosi, le lona banona ba lo nañ le rona, loa bona eo bontsi yotle yoa Bayuda bo buileñ le ’na ga gague, kua Yerusalema, le monu, ba bitsa ha a sa tlole a cuanetse go tsela.

25Mi ka ki bona a sa rihe sepe se se cuanetseñ loshu, mi ka le ena a ipiletsa go Auguseto, ka ikaelela go mo isa.

26Mi ki si na sepe sa tlomamo go se kualela morena oa me kaga gague. Ki gona ki mo ntseritseñ ha pele ga lona, mi bogolu ha pele ga gago khosi Ageripa, gore, ere potsisho e sina khutlisioa, ki ne le señue go se kuala.

27Gone ga goa siama mo go ’na go roma mogolegoi, go sa buleloe le eona melatu ea gague.