1PEROFESHO kaga Moaba. Ar-Moaba o sencoe rure, mo sigoñ yoa tlaselo; Kir‐Moaba o sencoe rure, mo sigoñ yoa tlaselo.
2Ba tlatlogela Baita, le Dibona, go maheloñ a gorimo go lela: Bamoaba ba goela Nebo, le Medeba: mahatla a mo litlogoñ cotle tsa bona, literu cotle li tlobiloe.
3Ba itlama ka letsela ya khetse mo mebileñ ea bona: ba goa botle mo tlomeshoñ tsa bona, le mo libaeñ tsa bona, ba hologa ka selelo.
4Heshebona o biletsa gorimo, le Eleala: koru ea bona e utluoa kua Yahasa: ki gona batlabani ba Moaba ba khayayegañ, moea oa moñue le moñue oa roroma mo go ena.
5Pelu ea me e khayayegela Moaba; balelekoi ba yeona ba ea go Tsoara, le go Egela‐shelishiya: gone ba tlatloga mokoñ oa Luhita, ka go lela; ba ntsa mokhosi oa tsenyego mo tseleñ e eañ Horonaima.
6Gone metse a Nimerima a cele: gone boyañ bo shuabile, loreme loa mayañ lo nyeletse, mi ga go na tse ri talana.
7Ki gona ka mouo, letlotlo ye ba le phuthileñ, le tse ba li bulukileñ, ba tla li isa kua molacoaneñ oa merubonoka.
8Gone khayayego e rikologa meleloane ea Moaba; le telelo ea yeona kua Egelaima, le khutsahalelo ea ona kua Beer‐Elima.
9Leha linoka tsa Dimona li tletse mari, ki tla hela ki okeletsa Dimona tse ri boshula, le litau go bapheri ba Moaba, le mo masaleleñ a lehatse.
Who We AreWhat We EelieveWhat We Do
2025 by iamachristian.org,Inc All rights reserved.
