Esekiele 22 - Sechuana Tlhaping Moffatt Bible 1890（TSN1890）

KHAOLO 22.

1MI lehuku ya ga Yehova ya ’ntihahalela, ya re,

2Mi uena moroa mothu, a u tla atlolela motse oa mari, a u tla o atlolela? E, u o itsise maila a ona aotle.

3Mi u re, Go bua yalo Yehova Morena: Motse o o culola mari go ona, gore motla oa ona o tle, mi o riha licuanco tsa merimo go ona go o iitsekolola.

4U latuhetse ka mari a u a culotseñ: mi u iitsekolotse ka licuanco tsa merimo tsa gago tse u li rihileñ; mi u atameritse malatsi a gago, mi u hitlile linyageñ tsa gago: ki gona ki gu rihetseñ bahaitene khobo, le cotlo mo mahatsiñ aotle.

5 A a leñ gauhe, le a a gu khakahaletseñ, a tla gu shotla, uena oa leina ya itsekologo, le oa tlapisego e kholu.

6Bona, likhosana tsa Bayeserela tsa bo li le go uena, ñue le ñue go culola mari kaha nonohoñ ea eona.

7Ba le ba sa re bo‐rra le bo‐mma sepe mogo uena: ba rihetse moeñ ka patiko mogo uena: ba goberitse khutsana le motlolagari mogo uena.

8U nyaritse lilo tsa me tse ri itsephileñ, mi u tsepholotse lisabata tsa me.

9Basebi ba ba culolañ mari ba mogo uena: le ba ba yañ mo lithabeñ ba mogo uena: ba rihile mathamo mogo uena.

10Ba bipolotse bosaikatega yoa bo‐rra mogo uena: ba katisitse mosari eo o haposicoeñ ka itsekologo mogo uena.

11Moñue o khaphahetse le mosari oa moñ ka ena; mi eo moñue o rihile mathamo le ñuetsi oa gague; mi eo moñue o katisitse khantsarie, moroaria rague, mogo uena.

12Ba cutse litheleseco mogo uena go culola mari; u tseile intsihaco le totahalo, mi u gotlile moñ ka uena ka patiko, mi u ’ntebetse, go bua Yehova Morena.

13Ki gona bona, ki opanyeritse timano ea gago e u e rihileñ, le mari a gago a a la a le mogo uena, liatla tsa me.

14A pelu ea gago e ka icoka, le liatla tsa gago li thatahala, mo metleñ e ki rihañ le uena ka eona? ’na, Yehova, ki buile, mi ki tla riha.

15Mi ki tla gu halatsa mo bahaiteneñ, ki gu gasa mo mahatsiñ, mi ki tla nyeletsa itsekologo ea gago mogo uena.

16Mi u tla tsephololoa ha pele ga maitlo a bahaitene, mi u tla itse ha ki le Yehova.

17¶ Mi lehuku ya ga Yehova ya ’ntihahalela, ya re,

18Moroa mothu, ba ntlu ea Yeserela ba rihegile yaka manyelo go ’na: botle ba cuana le khotlo, le mororu, le tsipi, le loda, mo bokepishoñ; ba cuana le manyelo a selevera.

19Ki gona go buañ yalo Yehova Morena: Ki gona ka lo rihegile manyelo lotle, bonañ, ki tla lo phuthela mo Yerusalema.

20Ki tla lo phutha ka bogale yoa me le khaleho ea me, ki tla lo ubela ki lo tlapolosa yaka selevera, le khotlo, le tsipi, le loda, le mororu li phutheloa mo bokepishoñ, go li ubelela molelo, go li tlapolosa.

21E, ki tla lo phutha, ki lo ubela ka molelo oa yayarego ea me, mi lo tla tlapolosioa mo go ona.

22Yaka selevera se tlapolosioa mo bokepishoñ, le lona lo tla tlapolosioa yalo mo go ona; mi lo tla itse ha ’na, Yehova, ki thetse khaleho ea me go lona.

23Mi lehuku ya ga Yehova ya ’ntihahalela, ya re,

24Moroa mothu, raea lehatse, U lehatse ye le sa itsekoañ, le esiñ go nisioa ka tsatsi ya khaleho.

25 Go kholaganyeco ea baperofeti ba yeona mogo yeona, yaka tau e e rumañ e e gagolañ thopo: ba nyeleritse meoea; ba tseile lohumo le lilo tse ri rategañ; ba intsiharitse batlolagari mogo yeona.

26Baperiseti ba yeona ba le ba rihela molao oa me tsenyo, mi ba tsepholola lilo tsa me tse ri itsephileñ; ga ba cuanolole gare ga se se itsephañ le se se sa itsepheñ, le esiñ go itsise gare ga se se sa itsekeñ le se se itsekañ, mi ba shubela lisabata tsa me maitlo a bona, mi ki tsephololoa mo go bona.

27Likhosana tsa yeona tse ri mogo yeona li cuana le liphiri tse ri gagolañ thopo, go culola mari, le go herisa meoea, go riha timano.

28Mi baperofeti ba yeona ba ba batega ka sebatego se se sa ruyoañ, ka go bona boithamako, le go ba rihela boitseyoanape yoa kako, ba re, Go bua yalo Yehova Morena, ka Yehova a si ka a bua.

29Bathu ba lehatse ba patika ka patiko, ba tukutha ka tukutho, mi ba gobetsa mohumanegi le motloki: mi ba patika moeñ ka tsiamololo.

30Mi ka batla monona mo go bona, eo o ko a mamatlelela lorako, le go emela lehatse mo khagogoñ ha pele ga me, gore ki si le senye: mi ga kia ka ka bona ope.

31Ki gona ki ba theletseñ khaleho ea me; ki ba nyeleritse ka molelo oa yayarego ea me: tsela ea bona ki e khopololetse mo tlogoñ tsa bona, go bua Yehova Morena.