Basiamisi 14 - Sechuana Tlhaping Moffatt Bible 1890（TSN1890）

1MI Samesone a ea go Timenata, mi a bona mosari kua Timenata oa bomoroaria Bafiliseta.

2Mi a tla a bulelela rague le mague, mi a re, Ki bonye mosari kua Timenata oa bomoroaria Bafiliseta; mi yana, lo mo ’ntsele mosari.

3Mi rague le mague ba mo raea, A ga go na mosari go bomoroaria bana ba rago, le mo bathuñ ba me botle, ka u ea go tsaea mosari oa Bafiliseta ba ba sa guerisioañ? Mi Samesone a raea rague, Mo ’ntsele, gone ki khatliloe ki ena.

4Mi rague le mague ba bo ba sa itse ha e le le ga Yehova, go batla lobaka kaga Bafiliseta: gone Bafiliseta ba bo ba busa Bayeserela ka motla ouo.

5¶ Mi Samesone a ea, le rague le mague, kua Timenata, mi ba hitla kua masimoñ a mevina a Timenata: mi bonañ, lerumeri ya mo khatlanetsa le ruma.

6Mi Moea oa Yehova oa oela go ena, mi a le kakabolosa, yaka a ka kakabolosa potsane, mi a sina sepe mo atleñ sa gague; mi a si ka a bulelela rague le mague se o la a se riha.

7Mi a ea a bua le mosari; mi a khatlile Samesone.

8¶ Mi malatsi mañue a sina heta a boea go mo tsaea, mi a hapoga go bona sekoloa sa tau: mi bonañ, kokoano ea lintsi tsa linotse le linotse li li mo sekoloeñ sa tau.

9Mi a tsaea ga cona ka atla tsa gague, mi a eta a ya; mi a ea go rague le mague, a ba naea ga cona, mi ba li ya: mi a si ka a ba bulelela ha a la a entsa linotse mo sekoloeñ sa tau.

10¶ Mi rague a ea yalo go mosariñ: mi Samesone a riha moletlo gona; gone makau a tloaetse go riha yalo.

11Mi ga rihala ka ba mona, ba tsaea balekane ba terete go na nae.

12¶ Mi Samesone a ba raea, Yana ki tla lo naea nyoaba go e shoaba; mi ha lo ka e ’mphuthololela rure mo malatsiñ a seven a moletlo o, go e itse, ereha gona ki tla lo naeañ licualo tsa lene li terete le liaparo tsa kananyo li terete.

13Mi ha lo sa kake lo e ’mphuthololela, lo tla ’nnaea licualo tsa lene li terete, le liaparo tsa kananyo li terete. Mi ba mo raea, U re nee nyoaba ea gago go e shoaba, mi u e re utluse.

14Mi a ba raea, Ga coa liyo mo seyiñ mi ga coa botse mo sethatiñ. Mi ba si ka ba phutholola nyoaba e ka malatsi a teri.

15Mi ga rihala ka tsatsi ya boseven, ba raea mosari oa Samesone, Olobela monona oa gago, gore a re phuthololele nyoaba, gore e si re khotsa re gu hise le eintlu ea rago ka molelo: a ga loa re bitsa go tsaea tse re nañ naco? a ga si?

16Mi mosari oa Samesone a lela ha pele ga gague, mi a re, Ua ’nkila hela, mi gu ’nthate: u neile bana ba bathu ba me nyoaba go e shoaba, mi ga ua ka ua e ’mphuthololela. Mi a mo raea, Bona, ga kia ka ka e phuthololela rre le ’me, mi a ki tla e gu phuthololela?

17Mi a lela ha pele ga gague ka oa bo‐seven oa malatsi ka moletlo o sa leeo: mi ga rihala a e mo phuthololela ka tsatsi ya bo‐seven, gone a mo emelela: mi mosari a phuthololela bana ba bathu ba gague nyoaba.

18Mi banona ba motse ba mo raea ka tsatsi ya bo‐seven letsatsi le e si le phirime, ba re, Eñ se, se se botse bogolu go linotse? mi eñ se, se se thata bogolu go tau? Mi a ba raea, Lo kabo lo si ka loa lema ka moroba oa me, lo ko lo si ka loa itse nyoaba ea me.

19Mi Moea oa Yehova oa oela go ena, mi a ea go Ashekelona, a khemetha banona ba bona ba terete, a tsaea aparo tsa bona, a naea bona ba ba le ba phutholola nyoaba liaparo tsa kananyo. Mi bogale yoa gague yoa tuka, mi a ea kua tluñ ea rague.

20Mi mosari oa Samesone a na oa molekane oa gague, eo o la a na tsala ea gague.