2 Batesaloni 3 - Sechuana Tlhaping Moffatt Bible 1890（TSN1890）

1YA bohelo, bakauleñue, lo re rapelele, gore huku ya Morena le siane, le galalerioe, yaka lentse mo go lona;

2Gore re gololoe mo bathuñ ba ba sa rulaganyeñ, le bathu ba ba boshula; gone ga ba na boikanyo botle.

3Mi Morena o boikanyo, eo o tla lo thatahatsañ, le go lo buluka mo go eo o boshula.

4Mi re na le boikanyo kaga lona mo Moreneñ, ha lo riha, mi lo tla riha, lilo tse re li lo laoletseñ.

5Mi Morena a a siamisetse pelu tsa lona mo loratoñ loa Morimo, le mo tebeleloñ ea bopelutelele e e lebelelañ Keresete.

6Mi yana, bakauleñue, rea lo laolela mo ineñ ya ga Yesu Keresete Morena oa rona, gore lo ithibe mo mokauleñueñ moñue le moñue eo o sa tsamaeeñ ka thulaganyo, le esiñ yaka pulelo e o la a e cula go rona.

7Gone loa itse ka losi kaha lo cuanetseñ go re latela ka gona, gone re si ka ra tsamaea ka thuloganyololo mo go lona;

8Mi le gona ga rea ka ra ya señkhue sa ope esiñ ka sepe; mi re le ra riha ka tihelo le tapisho bosigo le motsegare, gore re si imahatse ope oa lona:

9Esiñ gone re sina thata, mi e le le gore re lo itihele sekao gore lo re latele.

10Gone le gona erile ka re na le lona, ra le ra lo laolela yalo, Ha moñue a gana go riha, le gona a a si ye.

11Gone re utlua ha bañue ba tsamaea ka thulaganyololo mo go lona, ba ba sa riheñ sepe, mi ba riha lilo tsa boithamako.

12Mi yana bona ba bantseñ yalo, rea ba laola, mi rea ba kaela, ka Yesu Keresete Morena oa rona, gore ba rihe, le go ya señkhue sa bona ka tirimalo.

13Mi lona, bakauleñue, lo si lapisioe ki go riha molemo.

14Mi ha moñue a sa utlue lehuku ya rona ka episetole e, mo cuaeeñ, mi si tsalaneñ nae, gore a ne litloñ.

15Mi leha gontse yalo, lo si mo kaee yaka maba, mi mo kaeleñ yaka mokauleñue.

16Mi yana Morena oa kagisho ka esi a lo nee kagisho ka gale, ka mekhua otle. Morena a ne le lona lotle.

17Tumerisho ea me, Paulo, ka atla sa me, se se leñ cupo mo episetoleñ ñue le ñue; ki kuala yalo.

18Tsegohaco ea ga Yesu Keresete Morena oa rona e ne le lona lotle. Amena.