Lipalo 6 - Sechuana Tlhaping Moffatt Bible 1890（TSN1890）

KHAOLO 6.

1MI Yehova a bua le Moshe, a re,

2Bua le bana ba Yeserele, mi u ba ree, Ha monona khotsa mosari a itomolola, go ikana ka ikano ea Monasara, go itomololela Yehova;

3A a itomolole mo boyaloeñ yoa movina, le boyaloa yo bo thata; mi a a si noe boyaloa yo bo berileñ yoa boyaloa yoa movina, le esiñ boyaloa yo bo berileñ yoa boyaloa yo bo thata, le gona a a si noe metse a louñuo loa movina, le esiñ go ya louñuo loa movina loa magou, khotsa loa cuabi.

4A a si ye sepe se se rihiloeñ ka movina, go simolola ka lithapo go ea kua makapeñ, metleñ eotle ea itomololo ea gague.

5A logare lo si ne mo tlogoñ ea gague metleñ eotle ea ikano ea itomololo ea gague, a a tsecoe, a lese makauri a moriri oa gague go lelehala e tsamaee malatsi a heta a o la a itomololela Yehova ka aona.

6A a si ee serepeñ mo malatsiñ aotle a o la a itomololela Yehova ka aona.

7A a si itsekololele rague, khotsa mague, khotsa ñoana oa ga rague khotsa khantsarie, motleñ ba shuañ; gone itomololelo Morimo oa gague e mo tlogoñ ea gague.

8O tsephetse Yehova metleñ eotle ea itomololo ea gague.

9Mi ha moñue a tsakuga ha go ena, mi a itsekolola tlogo ea gague ea itomololo; erehe gona o ipeolañ tlogo mo tsatsiñ ya itsekisho ea gague, a a e beole ka tsatsi ya bo‐seven.

10Mi a a tlise maphui a le tu, khotsa matsebana a le tu moperisetiñ ha khoroñ ea tenta ea kokoanelo ka tsatsi ya bo‐eit:

11Mi a moperiseti a bakanyetse cupelo ea boleo leñue, mi ye leñue cupelo ea phisho, a mo ruantse, ka a leohile ka serepa, mi a a tsephe tlogo ea gague mo tsatsiñ yeuo.

12Mi a a itomololele Yehova malatsi a itomololo ea gague, mi a a tlisetse cupelo ea molatu kuana ea ñuaga o le moñue: mi malatsi a eintla ga e kitla e baloa, gone itomololo ea gague e le ea itsekololoa.

13¶ O ki molao oa Monasara, ha malatsi a itomololo ea gague a hetile: a a isioe ha moyakoñ oa tenta ea kokoanelo:

14Mi a a ise cupelo ea gague go Yehova, kuana e tona e le eñue ea ñuaga o le moñue e e itekanetseñ, go na cupelo ea phisho, le kuana e namagari e le eñue ea ñuaga o le moñue e e itekanetseñ, go na cupelo ea boleo, le pheleu e le eñue e e itekanetseñ, go na cupelo ea tebogo;

15Le serotu sa tse ri sa berisioañ, le liñkhuana tse ri papetla tsa setou se se tlakancoeñ le loukuane, liñkhuana tse ri tsesane tse ri sa berisioañ, tse ri tloricoeñ loukuane, le cupelo ea cona ea liyo le cupelo tsa cona tsa noo.

16Mi a moperiseti a li ise ha pele ga Yehova, mi a a bakanye cupelo ea gague ea boleo, le cupelo ea gague ea phisho.

17Mi a a bakanyetse Yehova pheleu ea cupelo ea tebogo, le serotu sa tse ri sa berisioañ: mi a moperiseti a bakanye cupelo ea gague ea liyo, le cupelo ea gague ea noo.

18Erehe gona Monasara o ipeolañ tlogo ea itomololo ea gague, ha moyakoñ oa tenta ea kokoanelo, mi a a tsee moriri oa tlogo ea itomololo ea gague, a o tsenye mo moleloñ o o ha tlatse ga cupelo ea tebogo.

19Mi a moperiseti a tsee lecogo ya pheleu ye le apeiloeñ, le señkhue se se papetla se se sa berisioañ se le señue mo serotuñ, le se se sesane se se sa berisioañ se le señue, a li bee mo atleñ tsa Monasara, moriri oa itomololo ea gague o sina beoloa:

20Mi a moperiseti a li kelelere cupelo ea kelero ha pele ga Yehova: ki se se itsephetseñ moperiseti, le sehuba sa kelero le lecogo ya culeco, mi Monasara o ka noa boyaloa yoa movina morago ga mouo.

21Ouo ki molao oa Monasara le cupelo ea itomololo ea gague eo o e ikanetseñ Yehova, bogolu go se o nonohileñ go se naea: a a rihe yaka ikano ea gague e o e ikaneñ kaha molaoñ oa itomololo ea gague.

22¶ Mi Yehova a bua le Moshe, a re,

23Bua le Arone le bomoroaue, u re, Lo tsegahatse bana ba Yeserele yalo, lo ba ree,

24A Yehova a lo tsegahatse a lo buluke:

25A Yehova a lo phatsimisetse hatlogo sa gague, a lo icuarele:

26A Yehova a lo culeletse hatlogo sa gague, a lo nee kagisho.

27Mi a ba bee leina ya me mo baneñ ba Yeserele; mi ki tla ba tsegahatsa.