Lipesalema 20 - Sechuana Tlhaping Moffatt Bible 1890（TSN1890）

PESALEM 20.¶ Pesalem ea ga Davide, go Mooperi eo mogolu.

1YEHOVA a gu utlue mo tsatsiñ ya tlalelo; leina ya Morimo oa Yakoba le gu hemele;

2O gu romele thusho e coa mo heloñ ga boitsepho, le go gu kokotletsa go coa Tsiona;

3O gopole licupelo tsa gago cotle tsa liyo, mi o cule cupelo ea gago ea phisho; Sela.

4O gu nee kaha peluñ ea gago, mi o rihahatse khakololo ea gago eotle.

5Re tla itumela mo pulukoñ ea gago, re tla tlomela libanera tsa rona mo ineñ ya Morimo oa rona; Yehova a rihahatse likeleco tsa gago cotle.

6Yana kia itse, Yehova o buluka motlori oa gague; o tla mo utlua mo legorimoñ ya gague ya boitsepho, ka thata ea puluko ea atla se se siameñ sa gague.

7Bañue ba belahala kaga licariota, mi bañue kaga lipitse; mi rona re tla belahala kaga leina ya ga Yehova Morimo oa rona.

8Ba ikobile, mi ba ole, mi rona re cogile, ra ema, ra tlomama.

9Yehova, buluka khosi, mi u re utlue mogañ re biletsañ go uena.