Episetole go Baroma 6 - Sechuana Tlhaping Moffatt Bible 1890（TSN1890）

1MI yalo re tla reñ? A re tla coelela mo boleoñ, gore tsegohaco e totahale?

2A go si ne yalo. Rona ba re setlashu mo boleoñ, re tla na re tselelañ mo go yona?

3A ga lo itse ha bokai yoa rona ba ba bapetisericoeñ Yesu Keresete, re bapetisericoe loshu loa gague?

4Ki gona re hitliloeñ nae mo loshuñ ka papetisho; gore, yaka Keresete a cosicoe mo bashuiñ ka khalalelo ea Rra, yalo le rona re cuanetse go tsamaea mo botseloñ yo bosha.

5Gone, ha re le re tlomiloe le ena mo cuanoñ ea loshu loa gague, le gona re tla na mo cuanoñ ea cogo ea gague;

6Ka re itse se, mothu oa bogolugolu oa rona a bapocoe le ena, gore mele oa boleo o nyelerioe, gore re si tlole re rihela boleo.

7Gone eo o shuleñ, o golocoe mo boleoñ.

8Mi yana ha re shule le Keresete, rea rumela ha le gona re tla tsela nae;

9Ka re itse Keresete, ka a cosicoe mo loshuñ, a sa tlole a shua; loshu ga lo tlole lo laola mo go ena.

10Gone ka a la a shua, o la a shua ka ntla ea boleo gañue hela; mi ka a tserile, oa tselela Morimoñ.

11Gontse yalo, le lona lo ikaee ha lo le setlashu rure boleoñ, mi lo tserile Morimoñ ka Yesu Keresete Morena oa rona.

12Ki gona a boleo bo si laoleñ mo mebeleñ ea lona e e shuañ, go bo utlua mo khatlegoñ tsa eona.

13Le gona lo si nele boleo litokololo tse lona, go na lilo tsa tsiamololo; mi lo inele Morimoñ, yaka ba ba tserileñ, ba ba ruleñ mo bashuiñ, le go nela Morimoñ litokololo tsa lona go na lilo tsa tsiamo.

14Gone boleo ga bo kitla bo lo laola; gone ga lo mo tuoloñ ea molao, lo mo taoloñ ea tsegohaco.

15Mi eñ? A re tla leoha, gone re si mo taoloñ ea tsegohaco? A go si ne yalo.

16A ga lo itse ha eo lo mo inelañ go na batlañka go mo utlua, lo batlañka ba gague eo lo mo utluañ; leha e le boleo go ea loshuñ, khotsa kutluo go ea tsiamoñ?

17Mi a Morimo o itumeleloe, gone leha lo lo le batlañka ba boleo, yana lo utluile ka lipelu sekao sa thuto e lo e necoeñ;

18Mi yalo ka lo golocoe mo boleoñ, lo rihegile batlañka ba tsiamo.

19Ki bua yaka mokhua oa bathu ka ntla ea thetelelo ea nama ea lona: gone yaka lo netse litokololo tsa lona go na batlañka ba mashue, le tsiamololo go tsiamololo; yanoñ lo nee litokololo tsa lona go na batlañka ba tsiamo go boitsephishoñ.

20Gone erile lo batlañka ba boleo lo lo sa laoloe ki tsiamo.

21Mi yalo, lo le lo na le louñuo loa eñ mo liloñ tse lo tlayoa ki litloñ kaga cone yana? Gone bokhutlo yoa cona e le loshu.

22Mi yana ka lo golocoe mo boleoñ, mi lontse batlañka ba Morimo, lo na le louñuo loa lona go boitsephishoñ, le botselo yo bo sa khutleñ mo boheloñ.

23Gone lituelo tsa boleo ki loshu; mi neo ea tsegohaco ea Morimo, ki botselo yo bo sa khutleñ, ka Yesu Keresete Morena oa rona.