1 Timoteo 6 - Sechuana Tlhaping Moffatt Bible 1890（TSN1890）

1BATLANKA botle ba ba mo kholegoñ, a ba kaele beñ ba bona go cuanela tlotlo eotle, gore leina ya Morimo, le thuto ea ona, le si khaloe.

2Mi bona ba ba nañ le beñ ba ba rumelañ, a ba si ba nyatse, gone e le bona bakauleñue, mi bogolu a ba ba rihele, ka ba ikañoa, ba ratega, yaka baaberoi ba tuelo ea molemo e. U rute u kaele ka lilo tseuo.

3Mi ha moñue a ruta ka thuto e sele, esiñ go itumela le mahuku a a horileñ a ga Yesu Keresete Morena oa rona, le thuto e e leñ kaha poihoñmorimo;

4Eo, o burulogile, mi ga a itse sepe, mi o matseba kaga lipoco, le likhañ tsa mahuku, tse bopelutsetla, le khañ, le komano, le likhakologelo tsa ri boshula li coañ go cona,

5Le khañ tsa cokamo tsa bathu ba tlaloganyo tse ri borileñ, tse ri sinañ boamarure, ba ba itlomañ go phutha lohumo, e le poihomorimo; u ithibose mo go ba bantseñ yalo.

6Mi poihomorimo le boitumelo ki phenyo e kholu.

7Gone ga rea ka ra lere sepe mo lehatsiñ, mi goa bonatsega ha re sa kake ra ntsa sepe mo go yeona.

8Mi ha re na le liyo le liaparo, a re itumeleñ le cona.

9Mi bona ba ba ratañ go huma, ba oela mo thaeloñ, le mo seruñ, le mo kelecoñ li lintsi tsa bosilo le tlukuhaco, tse ri osetsañ bathu mo tsenyoñ le mo tsenyegoñ.

10Gone lorato loa lireko e le mocue oa boshula yotle, tse bañue ba ba li eletsañ thata ba tenegile mo tumeloñ, ba itlaba ka mahutsana a le mantsi.

11Mi uena, monona oa Morimo, tsaba lilo tse; mi tabogela tsiamo, le poihomorimo, le tumelo, le lorato, le bopelutelele, le bopelunomi.

12Ganela khañ e e molemo ea tumelo, phamola botselo yo bo sa khutleñ, yo u bo bilericoeñ, mi u ipobotse boipobolo yo bo molemo ha pele ga bashupi ba le bantsi.

13Kia gu laolela ha pele ga Morimo, o o tserisañ lilo cotle, le ha pele ga Keresete Yesu, eo o la a shupa boipobolo yo bo molemo ha pele ga Ponto Pilato;

14Gore u buluke molao o, esiñ ka sebata, le go sina puelo, go tlo go tsamaee Yesu Keresete Morena oa rona a bonatsege;

15Eo o tla mo shupañ mo motleñ oa gague, ena eo e leñ motsegoharioi le mothatietle eo esi, khosi ea likhosi, le morena oa barena;

16Eo o nañ le bosashueñ esi, eo o agañ mo leseriñ ye le sa atameloeñ ki ope; eo o esiñ a ke a bonoe ki mothu, khotsa go bonoa; eo tlotlego le thata e e sa khutleñ e ne go ena. Amena.

17Laolela bahumi ba ba mo hatsiñ yenu, gore ba si ne bopeluumpe, khotsa go ikanya mahumo a a sinañ tlomamo, mi ba ikanye Morimo o o tserileñ, o o re naeañ segolu ga lilo cotle, gore re ne naco;

18Gore ba rihe molemo; gore ba hume mo tihoñ tse ri molemo, go tloahala go abela, le go abalana;

19Bantse ba ipakanyetsa motheo o o molemo, go iketleletsa motla o o tlañ, gore ba tsegetse botselo yo bo sa khutleñ.

20Uena Timoteo, buluka se u se ikanyericoeñ, go thibogela puo tsa boleo le tsa boithamako, le likhoreleco tsa kico tse ri birioañ yalo ka cokamo;

21Tse bañue ba li ineletseñ, ba tenega mo tumeloñ. Tsegohaco e ne nau. Amena.