1YEHOVA, si ’mpuele mo bogaleñ yoa gago; mi u si ’nkoatlaee ka bogale yo bo tukañ yoa gago.
2Gone mecui ea gago e ’ntsepame: mi atla sa gago se ’nkhateletse.
3Ga go boitekanelo bope mo nameñ ea me, ka eintla ea bogale yoa gago; le gona ga go pholo mo meleñ oa me, ka eintla ea boleo yoa me.
4Gone litsiamololo tsa me li ’nkhurumeritse; lintse bokete bogolu go ’na, yaka pelesho e e bokete.
5Likuenesho tsa me lia eñkha, mi li borile, ka eintla ea bosilo yoa me.
6Ki koname, ki obegile segolu; ka tsamaea ka tsatsi yeotle mo khutsahaloñ.
7Gone lotheka loa me lo tletse mogote o o botluku mi ga go boitekanelo bope mo nameñ ea me.
8Ki kooahetse, mi ki thubaganye segolu, ki rumisioa ki go bisa go ikhutsa ga pelu ea me.
9Yehova, keleco ea me e ha pele ga gago eotle; le liphegelo tsa me ga lia shubega ha pele ga gago.
10Pelu ea me ea opaopa, thata ea me e ’ntlogetse; mi leseri ya maitlo a me le yeona ga leeo go ’na.
11Ba ba nthatañ le litsala tsa me li emela peco ea me khakala; mi bañ ka ’na ba emela khakala.
12Le bona ba ba batlañ botselo yoa me ba ’mpeela liru: ba ba batlañ tsenyego ea me ba bua litsenyo, mi ba gakologeloa maherehere ka tsatsi yeotle.
13Mi ’na, yaka eo o sa utlueñ, ga ki utlue; yaka eo o sa bueñ, eo o sa buleñ molomo oa gague.
14E, kintse yaka monona eo o sa utlueñ, le eo molomo oa gague go si nañ lipuelo mo go ona.
15Gone ki shuluhela mo go uena, Yehova; u tla araba, Morena, Morimo oa me.
16Gone ki bua, gore e si re khotsa ba itumela kaga me; mogañ nao loa me lo relelañ, ba belahala kaga me.
17Gone ki ikitleleritse go tlotsa, mi bohutsana yoa me bo ka gale ha pele ga me.
18Gone kia gu itsise tsiamololo ea me; ki hutsaharicoe ki boleo yoa me.
19Mi baba ba me ba matsetseneko; ba thata; ba ba ’nkilañ ka tsiamololo ba ntsihetse.
20Ba ba ruelañ molemo ka boshula, ki baganetsi ba me, gone ki le mo-lateri oa se se molemo.
21U si ’ntlogele, Yehova! Morimo oa me, u si ne khakala go ’na.
22Akohela go ’nthusa, Morena, puluko ea me.
Who We AreWhat We EelieveWhat We Do
2025 by iamachristian.org,Inc All rights reserved.
