Rute 1 - Sechuana Tlhaping Moffatt Bible 1890（TSN1890）

KHAOLO 1.

1MI ga rihala ga na loshekeri mo hatsiñ ka basiamisi ba siamisa. Mi monona moñue oa Beta‐lehema‐yuda a ea go tlolatlola mo hatsiñ ya Moaba, ena, le mosari oa gague, le bomoroaue ba tu.

2Mi leina ya monona e le le Elimeleke, mi leina ya mogatse e le le Naome, mi maina a bomoroaue e le le Mahelone, le Kilione, Baeferata ba Beta‐lehema‐yuda. Mi ba hitla kua hatsiñ ya Moaba, mi bo ba le gona.

3Mi Elimeleke monona oa Naome a shua: mi a sala, le bomoroaue ba tu.

4Mi ba itsela basari ba Semoaba; leina ya moñue e le le Orepe, mi leina ya eo moñue e le le Rute: mi ba nna gona ekane e le nyaga li ten.

5Mi Mahelone le Kilione le bona ba shua; mi mosari eo, a hela a sala morago ga bomoroaue ba tu le monona ca gague.

6¶ Ereha gona o nanogañ le betsi ba gague, a boea mo hatsiñ ya Moaba: gone a la a utlua a le mo hatsiñ ya Moaba, ha Yehova a lekotse bathu ba gague, a ba naea liyo.

7Mi a coa mo heloñ ha o la le gona, le betsi ba gague ba tu ba na nae; mi ba ea mo tseleñ go boela kua hatsiñ ya Yuda.

8Mi Naome a raea betsi ba gague ba tu, Eañ, lo boele, moñue le moñue kua tluñ ea mague: a Yehova a lo rihele ka pelunomi, yaka lo rihetse bashui, le ’na.

9A Yehova a lo nee, gore lo bone ikhuco, moñue le moñue mo tluñ ea monona oa gague. Mi a ba atla; mi ba culetsa koru tsa bona ba lela.

10Mi ba mo raea, Rure, re tla ea kua bathuñ ba gago nau.

11Mi Naome a re, Boeañ, bomoroariaka: lo elañ le ’na? a go sa le tsimane mo meleñ oa me, gore ba ne banona ba lona?

12Bomoroariaka, boeañ, lo ee; gone ki cohetse go na le monona. Ha ’nka re, Go sa le culuhelo, leha ’nka na le monona mo sigoñ yonu; le go bona basimane;

13A lo ka ba leta ba tsamaea ba gola? a lo ka rioa ki mouo go cula banona? Nyaea, bomoroariaka; gone ki utlua bogalaka bogolu go lona ka atla sa ga Yehova se ’ncogetse.

14Mi ba culetsa koru tsa bona, mi ba ba ba lela: mi Orepe a atla matsalague; mi Rute a mo ñaparela.

15Mi a re, Bona, moguakau o boetse kua bathuñ ba gague le kua merimoñ ea gague: le uena, u sale moguakau morago.

16Mi Rute a re, Si ’nthibele, gore ki gu tlogele, go gu boela morago: gone kua u eañ gona, ki tla ea gona, le kua u tlolañ sigo gona, ki tla tlola sigo gona: bathu ba gago ki bathu ba me, le Morimo oa gago Morimo oa me.

17Kua u shuelañ gona, ki tla shuela gona, mi ki tla hitloa gona: a Yehova a ’ntihele yalo le yalo, ha re ka khaogana ha e si ka loshu.

18Mi ka a bona a itlomamisa go ea nae, a khutla go bua nae.

19¶ Mi ba tu ba, ba ea ba hitla Beta‐lehema. Mi ga rihala ka ba hitla Beta‐lehema, motse otle o lo o ba huruegela, mi ba re, A eo ki Naome?

20Mi a ba raea, Si ’mpitseñ Naome, ’mpitsañ Mare: gone Mothatietle o ’ntihetse bogalaka yo bogolu.

21Ki le ka bolola ki tletse, mi Yehova o ’ntlisitse ki lolea: lo ’mpiletsañ Naome, ecua Yehova o shupa ga me, mi Mothatietle o ’nculaharitse?

22Naome a boea yalo, le Rute oa Semoaba, ñuetsi oa gague nae, eo o la a boea mo hatsiñ ya Moaba: mi ba tla Beta‐lehema mo tsimologoñ ea thobo ea barele.