Rute 3 - Sechuana Tlhaping Moffatt Bible 1890（TSN1890）

KHAOLO 3.

1MI Naome matsalague a mo raea, Moroariaka, a ga ’nkitla ki gu batlela ikhuco, gore go gu lemohalele?

2Mi yana Boase eo baroetsana ba gague u lu u na nabo, a ga si tsala ea rona ea mari? Bona oa olosa barele mo sebupiñ sigoñ yonu.

3Ki gona itlapise, u tlole, u apare aparo tsa gago, u ee sebupiñ: u si ikitsise go mononeñ e tsamaee a uetse go ya le go noa.

4Mi go tla rihala mogañ o itelegañ, u tlokomele helo ha o tla itelegañ gona, mi u ee, u henole nao tsa gague, u itelege; mi o tla gu bulelela se u tla se rihañ.

5Mi a mo raea, Cotle tse u li buañ ki tla li riha.

6¶ Mi a ea kua sebupiñ, a riha kaka cotleñ tse matsalague a li mo laoletseñ.

7Boase a sina go ya le go noa, mi pelu ea gague e natehala, a ea go itelega ha tlatse ga mokoa oa mabele: mi a ea ka nyanyaelo, a henola nao tsa gague, mi a itelega.

8Mi ga rihala gare ga bosigo, monona eo, a coga ka a ipitikolola: gone bonañ, mosari a letse ha naoñ tsa gague.

9Mi a re, U mañ? Mi a araba, Ki Rute lelata ya gago: ki gona phuthololela lelata ya gago lohuka loa gago; gone u morekolori.

10Mi Boase a mo raea, Moroariaka, u tsegaharioe ki Yehova: u rihile pelunomi e ea bohelo ea gago go sita ea eintla, ka u si ka ua latela makau a a humanegileñ khotsa a a humileñ.

11Mi yana, moroariaka, u si boihe; ki tla gu rihela cotle tse u li buileñ: gone motse otle oa bathu ba me oa itse, u mosari oa matlametlo.

12Mi yana, rure ki morekolori oa gago: leha gontse yalo morekolori o gona eo o gauhe bogolu go ’na.

13Tlola sigo yonu, mi go tla rihala ka mosho, ha a gu rekolola, go siame, a a rekolole: mi ha a sa khatlioe go gu rekolola, ki gona ki tla gu rekololañ, yaka Yehova a tserile: itelegela go moshoñ.

14Mi a itelega ha naoñ tsa gague go ea moshoñ: mi a coga pele ga moñue a e si a ñoke eo moñue, gone monona a la a re, A go si itsege ha mosari a la a tla mo sebupiñ.

15Le gona a re, Kuaea kobo e e go uena, u e tsegetse. Mi a e tsegetsa, mi a lekanya lilekanyo li sekes tsa barele, a li melesa; mi a ea kua motseñ.

16Mi erile a hitla go matsalague, a mo raea, U mañ, moroariaka? Mi a mulelela cotle tse monona o li mo rihetseñ.

17Mi a re, Lilekanyo li sekes tse tsa barele o li ’nneile; gone o ’ntheile, Si ee u iphotlere go matsalago.

18Ereha gona o reñ, Moroariaka, lula e tle e tsamaee u itse kaha seo se se tla nañ ka gona; gone monona eo a si kitla a ikhutsa a tla a tsamaea a uetsa seo se ka yenu.