Esekiele 39 - Sechuana Tlhaping Moffatt Bible 1890（TSN1890）

KHAOLO 39.

1KI gona, moroa mothu, perofeseletsa Goge, mi u re, Go bua yalo Yehova Morena; Bona, ki emalanye nau, Goga, khosana ea Rosha, le Mesheka, le Tubala:

2Mi ki tla gu bosa, ki gu goga mogañ ki tla gu bolotsañ ha ntleñ tsa Noreta, ki gu ise kua lithabeñ tsa Bayeserela:

3Mi ki tla tsapola bora yoa gago mo atleñ sa gago sa molema, mi ki osa mecui ea gago mo atleñ sa gago se se siameñ.

4U tla oela mo lithabeñ tsa Bayeserela, uena le mashomo a gago aotle, le bathu ba u nañ nabo: ki tla gu naea linunyane tsa bonoñ tsa liphuka cotle, letse ri tserileñ tsa naga go na liyo.

5U tla oela mo nageñ: gone ki buile, go bua Yehova Morena.

6Mi ki tla tsenya molelo go Magoga, le go bona ba ba nntseñ ka thagamo mo mahatsiñ a leoatle: mi ba tla itse ha ki le Yehova.

7Mi ki tla itsise leina ya me ya boitsepho mo Bayesereleñ, bathu ba me; mi ga ’nkitla ki tlola ki lesa leina ya me ya boitsepho go tsephololoa: mi bahaitene ba tla itse ha ki le Yehova, Moitsephi mo Bayesereleñ.

8Bonañ, e etla, mi e tla rihala, go bua Yehova Morena; o ki motsi o ki buileñ ga ona.

9Mi banni ba metse ea Bayeserela ba tla coa, ba tla cuba, ba hisa libolao, litheyana le lithebe, mara le mecui, melamu le marumo; mi ba tla gotsa molelo ka cona ka linyaga li seven:

10Yalo ga ba kitla ba rolela likhoñ mo nageñ, le esiñ go li rema kua likhueñ; gone ba tla gotsa molelo ka libolao: mi ba tla thopa ba ba ba thopileñ, ba gape ba ba ba gapileñ, go bua Yehova Morena.

11¶ Mi go tla rihala mo motleñ ouo, ki tla naea Goge helo ga bohitlo gona mo Bayesereleñ, mo mogorogoroñ oa bona ba ba khabaganyetsañ Iseteñ ea leoatle: mi bo tla thiba ba ba khabaganyañ: mi ba tla hitla Goge le bontsi yeotle yoa gague gona: mi ba tla go bitsa, Mogorogoro oa bontsi yoa Goge.

12Mi ba ntlu ea Yeserela ba tla ba hitla ka likhueri li seven, gore ba itsekise lehatse.

13Mi bathu botle ba lehatse ba tla ba hitla; mi go tla na tumo go bona ka motla o ki tla galalerioañ ka ona, go bua Yehova Morena.

14Mi ba tla lomololela tiho ea ka gale banona, ba ba khabaganyañ lehatse, eboñ go khabaganya, go hitla ba ba setseñ mo hatsiñ, go le itsekisa: likhueri li seven li sina heta ba tla tlotlomisa.

15Mi ha moñue oa bakhabaganyi ba ba khabaganyañ lehatse, a bona lesapo ya mothu, o tla tloma seshupo ha go yeona, e tsamaea bahitli ba le hitla mo mogorogoroñ oa bontsi yoa Goge.

16Mi leina ya motse le tla birioa Bontsi. Lehatse le tla itsekisioa yalo.

17¶ Mi uena, moroa mothu, go bua yalo Yehova Morena: Bua le linunyane tsa liphuka cotle, le tse ri tserileñ tsa naga cotle, Phuthegañ, lo tle; ikokoanyetseñ tlabelo tikologoñ, e ki e lo tlabelañ, tlabelo e kholu mo lithabeñ tsa Bayeserela, gore lo ye nama, lo noe mari.

18Lo tla ya nama ea ligañka, lo noa mari a likhosana tsa lehatse, le a lipheleu, le a likuana, le a liphoko, le a lipoana tse ri nonneñ tsa Bashana cotle.

19Mi lo tla yela mahura go khora, le go noela mari go thagoa, a tlabelo ea me e ki e lo tlabelañ.

20Mi lo tla khora ha loyeloñ loa me ka lipitse, le bapalami, le ligañka, le batlabani botle, go bua Yehova Morena.

21Mi ki tla baea khalalelo ea me mo bahaiteneñ, mi bahaitene botle ba tla bona tsekisho ea me e ki e rihileñ, le seatla sa me se ki se beileñ go bona.

22Mi ba ntlu ea Yeserela ba tla itse ha ki le Yehova Morimo oa bona, go simolola ka tsatsi ye le kua pele.

23Mi bahaitene ba tla itse ha ba ntlu ea Yeserela ba le ba ea bocuaroñ ka tsiamololo ea bona: ka ba le ba ’ntlolela, ki gona ki le ka ba shubela hatlogo sa me, ka ba tsenya mo atleñ tsa baba ba bona: mi ba oa ka caka botle.

24Ki ba rihetse kaha itsekologoñ ea bona le kaha litloloñ tsa bona, mi ka ba shubela hatlogo sa me.

25Ki gona go buañ Yehova Morena: Yana ki tla bosa bocuaro yoa Bayakoba, ki utluela ba ntlu ea Yeserela botle botluku, mi ki huhanyetsa leina ya me ya boitsepho:

26Mi ba tla belega coshobagano ea bona, le litlolo tsa bona cotle tse ba ’ntloletseñ ka cona, ka ba le ba nna mo hatsiñ ya bona ka thagamo, ka go si ope eo o ba boitsañ;

27Mogañ ki ba bosañ mo bathuñ, ki ba phutha mo mahatsiñ a baba ba bona, ki tsephisioa ka bona mo maitloñ a merahe mentsi.

28Mi ba tla itse ha ki le Yehova Morimo oa bona, ecua ki ba isitse bacuaroi kua bahaiteneñ: ki bile ki ba phuthetse mo hatsiñ ya bona, le esiñ go tlola go sarisioa ope oa bona gona.

29Le esiñ go tlola go ba shubela hatlogo sa me: mogañ ki gololañ ba ntlu ea Yeserela Moea oa me, go bua Yehova Morena.