1MI Abiye a robala le bo‐rague, mi ba mo hitla mo motseñ oa Davide: mi Ase moroaue a busa mo boemoñ yoa gague. Mi lehatsi ya iketla ka nyaga li ten mo malatsiñ a gague.
2Mi Ase a lemohatsa, a siamisa mo maitloñ a ga Yehova Morimo oa gague:
3Gone a tlosa lialetara tsa merimo e sele, le mahelo a a gorimo, a thuba licuanco tse ri thokhameñ, a rema likhuana:
4Mi a raea Bayuda go batla Yehova Morimo oa bo‐rabo le go tsegetsa molao le taolo.
5Le gona a tlosa mahelo a a gorimo le licuanco tsa letsatsi mo metseñ eotle ea Yuda: mi bogosi yoa iketla ha pele ga gague.
6Mi a aga metse ea phemelo mo Yuda: gone lehatsi ya na le iketlo, mi ya bo le sina tlabano mo nyageñ tseuo, gone Yehova a mo ikhutsisa.
7Gone a raea Bayuda, A re ageñ metse euo, re e rikolosetsa lithako, le liturio, le licualo, le mephakalego ka lehatsi le sa le ha pele ga rona; gone re batlile Yehova Morimo oa rona, re matlile, mi o re ikhutsisitse tikologoñ. Mi ba aga ba tsegahala.
8¶ Mi Ase a bo a na le entua ea banona ba ba kabañ lithebe le marumo, ba ga Yuda, ba teri hundereda thousanda; le ba ga Benyamina, ba ba kabañ litheyana, le ba ba laelañ bora, ba tu hundereda le eite thousanda: bauo e le le ligañka tsa bonatla botle.
9¶ Mi Sere oa Moetiopia a ba bololela ka entua ea ba uan thousanda thousanda, le licariota li teri hundereda; mi a tla go Maresha.
10Mi Ase a ba bololela, mi ba rulaganya tlabano mo mogorogoroñ oa Tsefata oa Maresha.
11Mi Ase a biletsa go Yehova Morimo oa gague, mi a re, Yehova, ga si sepe go uena go thusa ka bontsi, khotsa ka bona ba ba sa nonohañ: Yehova Morimo oa rona, u re thuse; gone re gu ikaegile, mi re bololela bontsi yo ka leina ya gago. Yehova, u Morimo oa rona; a mothu eo o shuañ a si gu nonohele.
12Mi Yehova a lotla Baetiopia ha pele ga Ase, le ha pele ga Bayuda; mi Baetiopia ba tsaba.
13Mi Ase le bathu ba o nañ nabo ba ba konatelela kua Gerara: mi Baetiopia ba oa, mi ba si ka ba inonotsa; gone ba le ba thubegile ha pele ga Yehova, le ha pele ga entua ea gague; mi ba isa thopo e kholu bogolu.
14Mi ba khemetha metse eotle tikologoñ ea Gerara; gone poiho ea Yehova e le le go bona: mi ba thopa metse eotle; gone gole gole thopo e kholu bogolu go eona.
15Mi le litenta tsa likhomu ba li khemetha, ba gapa liñku le likamela ka bogolu, mi ba boela Yerusalema.
Who We AreWhat We EelieveWhat We Do
2025 by iamachristian.org,Inc All rights reserved.
