Lipalo 5 - Sechuana Tlhaping Moffatt Bible 1890（TSN1890）

KHAOLO 5.

1MI Yehova a bua le Moshe, a re,

2Laola bana ba Yeserele, ba entse baleperoi botle, le botle ba ba nañ le keleketlo, le botle ba ba itsekologileñ ka moshui mo botlaoleloñ:

3Monona le mosari, lo ba entsetse eintle, lo ba entsetse eintle ga botlaolelo; gore ba si itsekolole botlaolelo yo ki nntseñ go yona.

4Mi bana ba Yeserele ba riha yalo, mi ba ba entsetsa eintle ga botlaolelo: bana ba Yeserele ba riha yaka Yehova a la a bua le Moshe.

5¶ Mi Yehova a bua le Moshe, a re,

6Bua le bana ba Yeserele, Ha monona leha e le mosari a leoha ka boleo yo bathu ba bo leohañ, ka go leohela Yehova, mothu eo, o molatu;

7Erehe gona o ipobolañ boleo yoa gague yo o bo leohileñ: mi a a bose molatu oa gague kaha paloñ ea ona, mi a e okeletse bo‐faeve yoa eona, a bo nele ena eo o leñ molatu go ena.

8Mi ha monona eo a sina morekolori, gore molatu o boserioe go ena, a molatu o boserioe go Yehova eboñ go moperiseti; le eona pheleu ea thuanyo e o ka ruantsioañ ka eona.

9Le cupelo ea culeco cotle tsa lilo tse ri itsephileñ cotle tsa bana ba Yeserele, tse ba li isañ moperisetiñ, a li ne tsa gague.

10Mi tse ri itsephileñ tsa moñue, a li ne tsa gague: señue se moñue o se naeañ moperiseti a se ne sa gague.

11¶ Mi Yehova a bua le Moshe, a re,

12Bua le bana ba Yeserele, mi u ba ree, Ha moñue mosari oa gague a mo releletse, a mo leohela,

13Mi ha monona eo moñue a lala nae, mi a itsekolocoe, mi go shubegile mo maitloñ a monona oa gague, go bipiloe, go sina moshupi go shupa ga gague, mi ga a ka a cuaroa;

14Mi ha moea oa lehuha o tsena go ena, mi a huhana le mosari oa gague, mi a itsekologile: khotsa ha moea oa lehuha o tsena go ena, mi a huhana le mosari oa gague, mi a sa itsekologa:

15Erehe gona monona o tlisañ mosari oa gague moperisetiñ, mi a a mo tlisetse cupelo ea gague nae, kabo ea bo‐ten ea efa ea bupi yoa barele; a a si thele loukuane go yona, le esiñ go baea libano go yona; gone ki cupelo ea lehuha, le cupelo ea segopoco, e e goporisañ tsiamologo.

16Mi a moperiseti a mo ise, a mo emise ha pele ga Yehova:

17Mi a moperiseti a tsee metse a a itsephileñ ka seyana sa lecopa, mi a moperiseti a tsee ga lorole lo lo ha bophaphatoñ yoa taberenakela, a lo tsenye mo metseñ:

18Mi a moperiseti a emise mosari ha pele ga Yehova, a role tlogo ea mosari, a bee cupelo ea segopoco mo atleñ tsa gague, e e leñ cupelo ea lehuha: mi a metse a a galakañ a a rogisañ a ne mo atleñ sa moperiseti:

19Mi a moperiseti a mo ikanise, a ree mosari, Ha u sa relelele monona oa gago, le go itsekololoa ka go lala le monona eo moñue, u gololoe mo metseñ a a galakañ ua, a a rogisañ:

20Mi ha u releletse monona oa gago, mi u itsekolocoe ka go lala le monona eo moñue, eo esiñ monona oa gago:

21Erehe gona moperiseti o ikani-sañ mosari eo ka ikano ea thogo, mi a moperiseti a ree mosari, A Yehova a gu bele thogo le ikano mo bathuñ ba gago, mogañ Yehova o tlorisañ rope sa gago le go rurusa empa ea gago:

22Mi metse ua a a rogisañ a tla tsena mo maleñ a gago, go rurusa empa ea gago, le go tlorisa rope sa gago: Mi a mosari a re, Amena, amena.

23Mi a moperiseti a kuale lithogo tse mo bukeñ, mi a li phimole ka metse a a galakañ.

24Mi a a nose mosari ka metse a a galakañ a a rogisañ: mi metse a a rogisañ a tla tsena go ena, a galakahala.

25Erehe gona moperiseti o tsaeañ cupelo ea lehuha mo atleñ sa mosari, a kelere cupelo e ha pele ga Yehova, a e ise mo aletareñ:

26Mi a moperiseti a tabole ka atla se tletse ga cupelo, eboñ segopoco sa eona, a e hisetse ha aletareñ, mi a nose mosari ka metse ua morago ga mouo.

27Mi go tla rihala a sina mo nosa ka metse ua, ha a itsekologile, a leohetse monona oa gague, metse ua a a rogisañ a tla tsena go ena, a galakahala, mi empa ea gague e tla ruruga, mi rope sa gague se tla tlorega, mi mosari eo, o tla na thogo mo bathuñ ba gague.

28Mi ha mosari a sa itsekologa, a itsekile; o tla gololoa, mi o tla ithuala.

29Ouo ki molao oa lehuha, ha mosari a releletse monona oa gague, go ea go eo moñue, a itsekologa;

30Khotsa ha moea oa lehuha o tsena go mononeñ, mi a huhana le mosari oa gague, mi a emisa mosari ha pele ga Yehova, mi moperiseti a mo rihaletse molao otle o.

31Mi monona o tla gololoa kaga tsiamologo, mi mosari eo, o tla belega tsiamologo ea gague.