Litiho tsa Baapostoloi 12 - Sechuana Tlhaping Moffatt Bible 1890（TSN1890）

1HERODE oa khosi a ntsetsa atla tsa gague go bañue ba ekelesia ka motla ouo, go ba cuenya.

2Mi a bolaea Yakobe mogolu oa Yohane ka caka.

3Mi a coelela pele go cuara le ena Petero, ka a bona a khatlile Bayuda; (mi e le le malatsi a señkhue se se sa berisioañ.)

4Mi ka a mo cuara a mo tsenya mo tluñ ea kholegelo; a mo nela mo tishoñ li for, ñue le ñue ea batlabani ba for, go muluka; a itloma go mo ntsetsa bathuñ morago ga Tlolaganyo.

5Mi yalo Petero a bulukoa mo tluñ ea kholegelo; mi thapelo e e mo rapelelañ, e riheloa Morimo ka go bisa go khutla ki ekelesia.

6Mi erile Herode a iketleritse go mo ntsa, Petero a bo a robetse gare ga batlabani ba tu mo sigoñ yeuo, a golegiloe ka liketen li tu; mi barisa ba le ha pele ga moyako, ba buluka ntlu ea kholegelo.

7Mi, bonañ, moengele oa Morena a ema gona, mi seri ya phatsima mo kagoñ; mi ka a tlanya Petero mo lotlakureñ, a mo cosa, a re, Tloga, u eme ka bonako. Mi liketen tsa gague tsa oa mo liatleñ tsa gague.

8Mi moengele a mo raea, U ikokoaele, mi roala litlaku tsa gago. Mi a riha yalo. Mi a mo raea, Kaba kobo ea gago, mi u ’ntsale morago.

9Mi ka a coa, a mo sala morago; mi a sa itse ha e le amarure se se rihiloeñ ki moengele; mi a itloma a bona sepontsisho.

10Ka ba sina heta tisho ea ntla le ea bo‐tu, ba ea kua khoroñ ea tsipi e e eañ mo motseñ; e e ba ipuletseñ ka eosi; mi ba coa ba ralala mila moñue; mi moengele a khaogana nae ka bonako.

11Mi ka Petero a tsitseboga, a re, Yana kiatitse rure ha Morena o romile moengele oa gague, mi o ’nkholotse mo atleñ sa ga Herode, le mo tebeleloñ cotle tsa bathu ba Bayuda.

12Mi ka a sina gakologeloa cotle, a ea kua tluñ ea ga Marie, ’ma Yohane, eo o okelericoeñ leina ya Mareko; ha bantsi ba phuthegetseñ gona, ba rapela.

13Mi ka Petero a khuanyakhuanya mo moyakoñ oa khoro, ga tla moroetsana go retsa, eo o birioañ Rode.

14Mi ka a itse koru ea ga Petero, a si ka a bula khoro ka ntla ea boitumelo; mi a tabogela teñ a bulela ha Petero a eme ha pele ga khoro.

15Mi ba mo raea, Ua tsenoa. Mi a ganela segolu, ha gontse yalo. Mi ba re, Ki moengele oa gague.

16Mi Petero antse a khuanyakhuanya; mi ka ba sina bula secualo, ba mona, mi ba gakhamala segolu.

17Mi ka a ba goetla ka seatla gore ba ririmale, a ba bulelela kaha Morena o mo ntsitseñ mo tluñ ea kholegelo ka gona. Mi a re, Tse lo li bulelele Yakobo, le bakauleñue. Mi ka a coa, a etela kua heloñ go sele.

18Mi ka bo sina sa, gabo gole khuruego e si nyenye mo batlabaniñ go itse se Petero o se rihetseñ.

19Mi ka Herode a sina matla, mi a sa mone, le barisa a sina ba botsisa, a laola go ba bolaea. Mi a coa Yuda a ea Kaisarea, mi a tlola gona.

20¶ Mi Herode a bo a ikaeletse go tlabana le ba Tsura le Tsidona; mi ba tla go ena ka boñue hela yoa pelu; mi ka ba sina itihela Belaseto tsala ea bona, eo e leñ motlameri‐ntlu oa khosi, mi ba eletsa kagisho; gone lehatse ya bona le yesicoe ki ya khosi.

21Mi mo tsatsiñ ye le laocoeñ, Herode ka a apere aparo tsa bogosi, mi a lutse mo seruloñ sa tsekisho, mi a ba rihela ka katlolo.

22Mi bathu ba bitsa, ba re, Ki koru ea Morimo, esiñ ea mothu.

23Mi ka e sa le yalo moengele oa Morena a mo tlanya, gone a sa nee Morimo khalalelo; mi a yeoa ki liboku, mi a shua.

24¶ Mi lehuku ya Morimo ya tota, mi ya ntsihala.

25Mi yana Barenaba le Saulo ba ba ba boea Yerusalema, ba sina uetsa tihelo ea bona, mi ba itsela nabo Yohane eo o okelericoeñ leina ya Mareko.