Lipesalema 119 - Sechuana Tlhaping Moffatt Bible 1890（TSN1890）

PESALEM 119.ALEFA.

1GO tsegaharicoe ba ba tsamao ea tsiamo, ba ba tsamaeañ mo molaoñ oa ga Yehova.

2Go tsegaharicoe ba ba bulukañ licupo tsa gague, ba ba mmatlañ ka pelu eotle.

3Le gona ga ba rihe tsiamololo; ba tsamaea mo tseleñ tsa gague.

4U laotse gore likaelo tsa gago li bulukoe ka tloahalo.

5Au! intla tsela tsa me li ko li siamiserioa go buluka litaeo tsa gago.

6Eriha gona ki si kitlañ ki na litloñ mogañ ki elañtloko litaolo tsa gago.

7Ki tla gu baka ka tsiamo ea pelu, mogañ ki sina ithuta tsiamisho tsa tsiamo tsa gago.

8Ki tla buluka litaeo tsa gago; si ’ntlogelele rure.

BETHA.

9Lekau le tla itsekisa tsela ea yeona kañ? ha le e buluka kaha hukuñ ya gago.

10Kia gu batla ka pelu ea me eotle; si ’ntese ka timeloa ki litaolo tsa gago.

11Ki shubile huku ya gago mo peluñ ea me, gore ki si gu leohele.

12Yehova, u tsegaharioe; ’nthuta litaeo tsa gago.

13Ki buletse tsiamisho cotle tsa molomo oa gago, ka lipounama tsa me.

14Ki itumela mo tseleñ ea licupo tsa gago, bogolu mo go mahumo aotle.

15Ki tla gakologeloa mo likaeloñ tsa gago, mi ki elatloko litsela tsa gago.

16Ki tla itumela segolu mo litaeoñ tsa gago: ga ’nkitla ki lebala huku ya gago.

GIMELA.

17Rihela motlañka oa gago seiñtle, gore ki tsele, ki buluke huku ya gago.

18Bula maitlo a me, gore ki bone likhakhamaco tsa molao oa gago.

19Ki moeñ mo lehatsiñ, si ’ncubele litaolo tsa gago.

20Moea oa me o robiloe ki go tlologeleloa tsiamisho tsa gago, ka metla eotle.

21U galehela bapeluumpe ba ba rogakiloeñ, ba ba timeloañ ki litaolo tsa gago.

22Hirikolola khobo le kilo ha go ’na; gone ki bulukile licupo tsa gago.

23Le gona likhosana li rutse li mpuela: motlañka oa gago oa gakologeloa mo litaeoñ tsa gago.

24Licupo tsa gago, le cona, ki boitumelo yoa me, le bagakolori ba me.

DALETHA.

25Moea oa me o ñaparetse lorole; ’ntserisa kaha hukuñ ya gago.

26Ki buletse tsela tsa me, mi u ’nkarabile; ’nthuta litaeo tsa gago.

27’Nnaea go tlaloganya tsela ea likaelo tsa gago; gore ki bue ga likhakhamaco tsa gago.

28Moea oa me o tlapololoa ki bohutsana; ’nkemisa kaha hukuñ ya gago.

29Tlosa go ’na tsela ea go aka; mi ’nnaea ka boutluelo botluku molao oa gago.

30Ki itseñketse tsela ea boamarure; tsiamisho tsa gago ki li beile ha pele ga me.

31Ki ñaparetse licupo tsa gago; Yehova, u si ’ntlabise litloñ.

32Ki tla taboga mo tseleñ ea litaolo tsa gago, mogañ u sina tsarolola pelu ea me.

HE.

33Yehova ’nthuta tsela ea litaeo tsa gago; mi ki tla li bulukela kua sekhutloñ.

34’Nnaea tlaloganyo, mi ki tla buluka molao oa gago; E, ki tla o buluka ka pelu eotle.

35’Ntsamaisa mo tseleñ ea litaolo tsa gago; gone ki itumela mo go cona.

36Sekegela pelu ea me mo licupoñ tsa gago, mi esiñ mo timanoñ.

37Shukulola maitlo a me, gore a si bone boithamako; ’ntserisa mo tseleñ ea gago.

38Tlomamisetsa huku ya gago go motlañkeñ oa gago, eo nelecoeñ mo poihoñ ea gago.

39Thibosa khobo ea me e ki e boihañ; gone tsiamisho tsa gago li molemo.

40Bona, ki eletsa likaelo tsa gago; ’ntserisa ka tsiamo ea gago.

VAU.

41A maicuarelo a gago a tle go ’na, Yehova, eboñ puluko ea gago, kaha hukuñ ya gago.

42Gore ki arabe ba ba ’nkhobañ; gone ki ikanya huku ya gago.

43U si tlose huku ya boamarure mo molomoñ oa me; gone ki shuluhela mo tsiamishoñ tsa gago;

44Gore ki buluke molao oa gago ka gale, ka bosina bokhutlo.

45Mi ki tla tsamaea mo tlomamoñ; gone ki batla likaelo tsa gago.

46Le gona ki tla bua ga licupo tsa gago ha pele ga likhosi; mi ga ’nkitla ki na litloñ.

47Ki tla itumela mo litaoloñ tsa gago, tse ki li ratañ.

48Ki tla tlatlosetsa atla tsa me go taoloñ tsa gago, tse ki li ratañ; ki tla gakologeloa litaeo tsa gago.

SAIN.

49Gakologeloa lehuku ye u le buileñ le motlañka oa gago; ye u ’nculuheritseñ mo go yeona.

50Ye ki yeona khomoco ea me mo khumanegoñ; gone huku ya gago le ’ntserisa.

51Bapeluumpe ba ’ncotla segolu; leha gontse yalo ga ki hapoge molao oa gago.

52Yehova, ki ga kologeloa litsekisho tsa gago tsa motla o o hetileñ; mi ki gomoricoe.

53Therego e ’ncuere, ka eintla ea baikepi ba ba tlogelañ molao oa gago.

54Litaeo tsa gago ki lihela tsa me mo tluñ ea boeñ yoa me.

55Ki gakologeloa leina ya gago, Yehova, mo sigoñ; mi ki buluka molao oa gago.

56Ki na le se, gone ki buluka likaelo tsa gago.

CETHA.

57Yehova ki kabelo ea me; ki rile, Ki tla buluka mahuku a gago.

58Ki rapelela tsegahaco ea gago ka pelu ea me eotle; u ne boicuarelo go ’na, kaha hukuñ ya gago.

59Ki gopola tsela tsa me; mi ki bosetsa nao tsa me licupoñ tsa gago.

60Ki akoha, mi ga ki riege, go buluka litaolo tsa gago.

61Linokuane tsa baikepi li ’ntla-setse; mi ga ki lebale molao oa gago.

62Ki coga gare ga bosigo go gu itumelela, ka eintla ea tsekisho tsa gago tsa tsiamo.

63Ki tsala ea botle ba ba gu boihañ, le ea bona ba ba bulukañ likaelo tsa gago.

64Yehova, lehatsi le tletse boicuarelo yoa gago; ’nthuta litaeo tsa gago.

TETHA.

65Yehova, u rihetse seiñtle motlañka oa gago, kaha hukuñ ya gago.

66’Nthuta pharologanyo ea molemo le kico; gone ki rumela litaolo tsa gago.

67Erile ki e si ki bogisioe ka timela, mi yana ki bulukile huku ya gago.

68U molemo, mi u riha molemo, ’nthuta litaeo tsa gago.

69Bapeluumpe ba ntogetse kako; ki buluka likaelo tsa gago ka pelu ea me eotle.

70Pelu tsa bona li nonne yaka mahura; ki itumela mo molaoñ oa gago.

71Ki molemo go ’na ka ki le ka tlukuharioa; gone ki ithutile litaeo tsa gago.

72Molao oa molomo oa gago o molemo go ’na, bogolu go gouda le liselevera li thousanda.

YODA.

73Liatla tsa gago li tsa ’ntiha, tsa ’mpopa; ’nnaea tlaloganyo, gore ki ithute litaolo tsa gago.

74Ba ba gu boihañ ba tla ’mpona, mi ba itumela; gone ki shuluhetse mo hukuñ ya gago.

75Yehova, kia itse ha tsiamisho tsa gago li siame; mi u ’ntlukuhatsa ka boikanyo.

76A boicuarelo yoa gago, bo ne khomoco ea me, kaha hukuñ ya gago go motlañka oa gago.

77A yana maicuarelo a gago a magolu a tle go ’na, gore ki tsele; gone molao oa gago ki natehelo ea me.

78A bapeluumpe ba ne litloñ, gone ba ’ncokamisa, ki sina molatu; mi ’na ki gakologeloa mo likaeloñ tsa gago.

79Ba ba gu boihañ a ba boele go ’na; le ba ba itseñ licupo tsa gago.

80A pelu ea me e itekanele mo litaeoñ tsa gago; gore ki si ne litloñ.

KAFA.

81Moea oa me o iribalela puluko ea gago; mi ki shuluhela mo hukuñ ya gago.

82Maitlo a me a nyelelela huku ya gago, ka re, U tla ’nkhomotsa leñ?

83Gone ki cuana le lekuka mo mosiñ; ga ki lebale litaeo tsa gago.

84Malatsi a motlañka oa gago a kai? u tla sekisa leñ babogisi ba me?

85Bapeluumpe ba ba siñ kaha molaoñ oa gago, ba ’nkepetse mamena.

86Litaolo tsa gago cotle li boikanyo; ba ’mpogisa ka go sa siamañ; u ’nthuse.

87Ba batlile go ’nnyeletsa mo hatsiñ; mi ga ki lebale likaelo tsa gago.

88’Nthurisa kaha tsalanoñ ea gago ea lorato; eriha gona ki tla bulukañ licupo tsa molomo oa gago.

LAMEDA.

89Lehuku ya gago, Yehova, le tlomame ka bosina bokhutlo mo legorimoñ.

90Boikanyo yoa gago mo tsikatsikeñ; u tlomamisitse lehatsi, mi le tlomamo.

91A sa leeo go gompionu kaha litaoleloñ tsa gago; gone cotle ki batlañka ba gago.

92Ha molao oa gago e le e si boitumelo yoa me, ’nkabo ki sibolo nyelela mo tlukuhacoñ ea me.

93Ga ’nkitla ki lebala likaelo tsa gago ka bosina bokhutlo, gone u ’ntserisitse ka eintla ea cona.

94Ki oa gago; ’mpuluka; gone ki batla likaelo tsa gago.

95Baikepi ba ’ntetile go ’ntsenya; ki gakologeloa licupo tsa gago.

96Ki bonye bokhutlo yoa botlalo yotle; taolo ea gago e atlame segolu.

MEM.

97Ana, ki rata yañ molao oa gago! ki khakologelo ea me ka tsatsi yeotle.

98U ’ntlaletsitse bogolu go baba ba me, ka eintla ea litaolo tsa gago; gone li na le ’na ka bosina bokhutlo.

99Ki na le tlaloganyo bogulu go baruti ba me botle; gone licupo tsa gago ki khakologelo ea me.

100Ki tlaloganya bogolu go ba bogolugolu; gone ki buluka likaelo tsa gago.

101Ki thiba linao tsa me mo go cotle tsa boshula, gore ki buluke huku ya gago.

102Ga ki tlogele litsiamisho tsa gago; gone u ’nthutile.

103Mahuku a gago a botse yañ mo magalapeñ a me! bogolu go linotse mo ganuñ ya me.

104Ki bona tlaloganyo ka eintla ea likaelo tsa gago; ki gona ki ilañ litsela cotle tsa kakeco.

NUN.

105Huku ya gago ki lobone naoñ tsa me, le leseri tseleñ ea me.

106Ki ikane, mi ki tla e rihahatsa, ki tla buluka tsiamisho tsa gago tse ri siameñ.

107Ki tlukuharicoe segolu; Yehova, ’ntserisa kaha hukuñ ya gago.

108Kia gu rapela, cula licupelo, tse ri neiloeñ ka pelu, tsa molomo @a me; mi ’nthuta tsiamishot sa gago, Yehova.

109Moea oa me ontse ka gale mo atleñ sa me; leha gontse yalo ga ki lebale molao oa gago.

110Baikepi ba mpeetse seru, leha gontse yalo ga kia timeloa ki likaelo tsa gago.

111Licupo tsa gago, ki li cutse go na boshua, ka bosina bokhutlo; gone li boitumelo yoa pelu ea me.

112Ki sekegetse pelu ea me go rihahatsa litaeo tsa gago ka gale, le kua bokhutloñ.

SAMEKA.

113Ki ila megopolo e e kabakan-yañ; mi ’na, ki rata molao oa gago.

114U botsabelo yoa me le thebe ea me; ki shuluhela mo hukuñ ya gago.

115’Ntlogelañ, lona ba lo rihañ tsiamololo; gone ki tla buluka litaolo tsa Morimo oa me.

116’Nkokotletsa, kaha hukuñ ya gago, gore ki tsele; mi a ki si tlabeloe litloñ ki culuhelo ea me.

117’Nkokotletsa mi ki tla bulukega; mi ki tla elatloko litaeo tsa gago ka gale.

118U gatelela botle ba ba timeloañ ki litaeo tsa gago; gone tsieco ea bona ki kako.

119U nyeletsa baikepi botle ba lehatsi yaka leshulo; ki gona ki ratañ licupo tsa gago.

120Nama ea me e roromisioa ki go gu boiha; mi ki boiha tsekisho tsa gago.

AIN.

121Ki riha tsiamisho le tsiamo; u si ’nnelele bapatiki ba me.

122Na moemeri mo boemoñ yoa motlañka oa gago go na molemo oa gague; a bapeluumpe ba si ’mpatike.

123Maitlo a me a nyelerioa ki go tlologeleloa puluko ea gago, le lehuku ya tsiamo ea gago.

124Rihela motlañka oa gago kaha boicuareloñ yoa gago; mi u ’nthute litaeo tsa gago.

125Ki motlañka oa gago; ’nnaea tlaloganyo, gore ki itse licupo tsa gago.

126 Yana ki motla go Yehova go riha; gone ba thatoholotse molao oa gago.

127Ki gona ki ratañ litaolo tsa gago bogolu go gouda, E, bogolu go gouda e boiñtle.

128Ki gona ki kaeañ likaelo cotle tsa gago, kaga cotle, ha li le tsiamo; ki ila tsela cotle tsa tsieco.

PE.

129Licupo tsa gago li khakhamaco; ki gona moea oa me o li bulukañ.

130Botseno yoa mahuku a gago boa bonesa; bo tlalogantsa basisimogi.

131Ki bula molomo oa me, mi pelu ea me ea opaopa; gone ki tlologelecoe litaolo tsa gago.

132’Nteba, mi u ’nkutluele botluku; yaka u tloaetse go rihela ba ba ratañ leina ya gago.

133Tlomamisa likhato tsa me mo hukuñ ya gago; mi a go si ne tsiamololo epe e nañ le taolo mo go ’na.

134’Nkholola mo patikoñ ea mothu, mi ki tla buluka likaelo tsa gago.

135Phatsimisetsa hatlogo sa gago motlañkeñ oa gago; mi u ’nthute litaeo tsa gago.

136Likelelo tsa metse li elela li coa mo maitloñ a me, gone ga ba buluke molao oa gago.

TSADI.

137Yehova, u siame, mi litsiamisho tsa gago li tsiamo.

138Licupo tsa gago tse u li laotseñ, li siame, le boikanyo segolu.

139Ki nyelericoe ki tloahalo ea me; gone baba ba me ba lebetse mahuku a gago.

140Lehuku ya gago le itsekile segolu; ki gona motlañka oa gago o le ratañ.

141Ki motlanyana, mi ki nyaricoe; ga ki lebale litaeo tsa gago.

142Tsiamo ea gago ki tsiamo e e sa khutleñ; mi molao oa gago ki boamarure.

143Tlukuhaco le tlalelo li tlile go ’na; litaolo tsa gago ki maitumelo a me.

144Tsiamo ea licupo tsa gago li ka bosina bokhutlo; ’nnaea tlaloganyo, mi ki tla tsela.

KOFA.

145Ki bitsa ka pelu ea me eotle; ’nkutlua, Yehova. Ki tla buluka litaeo tsa gago.

146Ki biletsa go uena; ’mpuluka; mi ki tla buluka litaolo tsa gago.

147Ki coga pele ga phepahalo ea mosho, mi ki bitse; ki shuluhela mo hukuñ ya gago.

148Maitlo a me a coelela pele ga tisho tsa bosigo, gore ki gakologeloe mo hukuñ ya gago.

149Utlua koru ea me, kaha tsalanoñ ea gago ea lorato; Yehova, ’nthurisa kaha tsiamishoñ ea gago.

150Ba ba latelañ boshula, ba atamela; ba khakala le molao oa gago.

151Yehova, u gauhe; mi litaolo cotle tsa gago li amarure.

152Ga ki bolo itse ka licupo tsa gago, ha u li tlomamisitse ka bosina bokhutlo.

RESHA.

153Tsatsia tlukuhaco ea me, mi u ’nkholole; gone ga ki lebale molao oa gago.

154Ganela se se ganeloañ sa me, mi u ’nkholole; ’ntserisa kaha hukuñ ya gago.

155Pulukego e khakala le baikepi; gone ba sa batle litaeo tsa gago.

156Yehova, maicuarelo a gago a mantsi; ’ntserisa kaha tsiamishoñ tsa gago.

157Babogisi ba me, le baba ba me ba bantsi; ga ki hapoge mo licupoñ tsa gago.

158Ki le ka leba batlori, mi ka hutsaharioa; gone ba si ka ba buluka lehuku ya gago.

159Tsatsia kaha ki ratañ likaelo tsa gago ka gona; ’ntserisa kaha tsalanoñ ea gago ea lorato, Yehova.

160Lehuku ya gago le boamarure le mo tsimologoñ; mi tsiamisho eotle ea tsiamo ea gago e na ka bosina bokhutlo.

SHIN.

161Likhosana li ’mpogisitse ki sina molatu; mi ’na, pelu ea me e boiha huku ya gago.

162Ki itumela kaga huku ya gago, yaka moñue eo o bonañ thopo e kholu.

163Kia ila, mi ki tloile go aka; ki rata molao oa gago.

164Ki gu baka ga seven ka tsatsi le leñue; ka eintla ea tsiamisho tsa gago tsa tsiamo.

165Ba na le kagisho e kholu ba ba ratañ molao oa gago; mi ga ba na khoco epe.

166Yehova, kia shuluhela puluko ea gago; mi ki riha litaolo tsa gago.

167Moea oa me o buluka licupo tsa gago; mi ki li rata segolu.

168Ki buluka likaelo tsa gago, le licupo tsa gago; gone tsela cotle tsa me li ha pele ga gago.

TAU.

169A pico ea me e atamele ha pele ga gago, Yehova; ’nnaea tlaloganyo kaha hukuñ ya gago.

170A thapelo ea me e e thata e hitle ha pele ga gago; ’nkholola kaha hukuñ ya gago.

171Lipounama tsa me li tla bua pako; mogañ u sina ’nthuta litaeo tsa gago.

172Loleme loa me lo tla bua ga huku ya gago: gone taolo cotle tsa gago li siame.

173A atla sa gago se ’nthuse; gone ki itseñketse likaelo tsa gago.

174Ki tlologelecoe puluko ea gago, Yehova; mi molao oa gago ki boitumelo yoa me.

175A moea oa me o tsele, mi o tla gu baka; mi a tsiamisho tsa gago li ’nthuse.

176Ki timetse yaka eñku e e timetseñ; batla motlañka oa gago, gone ga ki lebale litlaolo tsa gago.