Bakolosa 4 - Sechuana Tlhaping Moffatt Bible 1890（TSN1890）

KHAOLO 4.

1LONA beñ, naeañ batlañka ba lona se se siameñ, le se se cuanañ; ka lo itse ha lo na le Morena mo magorimoñ.

2Coelelañ pele mo thapeloñ, mi lo rise mo go eona ka boitumelelo;

3Le rona, lo re rapelele, gore Morimo o re bulele moyako oa lehuku, gore re bue bosaitsioeñ yoa ga Keresete, yo le yona ki bo golegecoeñ;

4Gore ki bo bonatse yaka ki cuanetse go bua.

5Tsamaeañ ka botlale mo go bona ba ba kua ntle, go rekolola motla.

6A huku ya lona le ne ka tsegohaco ka gale, le lokoe ka lecoai, gore lo itse kaha lo ka arabañ moñue le moñue ka gona.

7Popego eotle ea me, lo tla e itsisioe ki Tukiko, eo e leñ mokauleñue oa lorato le moriheri oa boikanyo, le motlañka le ’na mo Moreneñ;

8Eo, ki mo lo rometseñ ka ntla ea mouo, gore a itse popego ea lona, le pelu tsa lona go li gomotsa;

9Le Onesimo, mokauleñue oa boikanyo le lorato, eo e leñ moñue oa lona. Ba tla lo itsise lilo cotle tse ri monu.

10Arisetareko mogolegoi le ’na, oa lo rumerisa, le Mareko moroa khantsaria Barenaba, (eo lo bonyeñ litaolo kaga gague; ha a ea go lona, mo culeñ;)

11Le Yesu, eo o biroañ Yuseto, eo e leñ oa ba boguera. Ba bosi, ki barihi le ’na mo bogosiñ yoa Morimo, ba e le le khomoco ea me.

12Epafere, moñue oa lona, motlañka oa ga Keresete, oa lo rumerisa, o lo ganelela ka gale mo merapeloñ, gore lo eme ka botlalo, le go si nañ ape mo thatoñ eotle ea Morimo.

13Gone kia shupa ga gague, ha a lo tloahaletse segolu, le bona ba ba mo Laodikea, le bona ba ba mo Heriapoli.

14Luke, ñaka e e rategañ, le Deme, ba lo rumerisa.

15Rumerisañ bakauleñue ba ba mo Laodikea, le Numpe, le ekelesia e e mo tluñ ea gague.

16Mi etlare ha episetole e, e buisioa mo go lona, lo rihe gore le gona e buiserioe ekelesia ea Balaodikea; le lona gore lo buise e e coañ Laodikea.

17Mi lo ree Arekipo, Ela tloko tihelo e u e bonyeñ mo Moreneñ, gore u e rihatse.

18Tumerisho ea me, ’na Paulo, ka atla sa me. Gopolañ likholego tsa me. Tsegohaco e ne le lona. Amena.