Deuteronome 18 - Sechuana Tlhaping Moffatt Bible 1890（TSN1890）

1BAPERISETI, eboñ Baleva, ki go re loco lotle loa ga Leve, ga ba kitla ba na le kabelo, le boshua mo Bayesereleñ: ba tla ya cupelo tsa ga Yehova tsa molelo, le boshua yoa gague.

2Ki gona ba si kitlañ ba na le boshua mo baneñ ba ga rabo: Yehova ki boshua yoa bona, yaka a ba reile.

3¶ Mi se se tla na cuanelo ea baperiseti se se coañ mo bathuñ, le sa bona ba ba tlabañ cupelo ea tlabo, leha e ka na khomu, khotsa sehutsane; a ba nee moperiseti lecogo, le litlaea co tu, le mogoru.

4Lo ba nee louñuo loa eintla loa mabele a lona, le loa boyaloa yoa lona, le loa loukuane loa lona, le yoa eintla ea botlobo yoa liñku tsa lona.

5Gone Yehova Morimo oa lona o ba itseñketse mo licoñ tsa lona cotle go ema, le go rihela mo ineñ ya ga Yehova, bona, le bomoroa bona ka bosakhutleñ.

6¶ Mi ere ha Moleva a coa ka eñue ea khoro tsa lona, leha e le mo Bayesereleñ botle, kua o la a tlola gona, mi a ea ka keleco ea moea oa gague eotle mo heloñ ha Yehova o tla go itseñkelañ;

7Mi a rihela mo ineñ ya ga Yehova Morimo oa gague, yaka Baleva bana ba ga rague botle, ba ba emeñ gona ha pele ga Yehova.

8A ba ne le kabelo e e cuanañ go e ya, bogolu go lipapaco tsa gague tsa bagolu.

9¶ Ere mogañ lo hitlañ mo hatsiñ ye Yehova Morimo oa lona o tla le lo naeañ; lo si ithute go riha kaha maileñ a merahe euo.

10A go si bonoe mo go lona, eo o ralatsañ moroaue khotsa moroarie moleloñ, khotsa moitseanape, khotsa moshuabi oa maru, khotsa morai, khotsa moloi,

11Le mophekuri, le eo o botsañ meoea, le ñaka, le eo o botsañ bashui;

12Gone botle ba ba rihañ lilo tse ba maila go Yehova: mi Yehova Morimo oa lona oa ba rulola ha pele ga lona ka eintla ea maila ua.

13Lo itekanelele Yehova Morimo oa lona.

14Gone merahe e lo tla e rulolañ, e utlua bashuabi ba maru, le baitseanape: mi kaga lona, Yehova Morimo oa lona, ga a ka a lo leseleletsa yalo.

15¶ Mi Yehova Morimo oa lona o tla lo cosetsa Moperofeti mo go lona, yaka ’na, oa bana ba ga rra enu; lo mo utlue;

16Mi kaha cotleñ tse lo loa li lopa Yehova Morimo oa lona kua Horeba, mo tsatsiñ ya phuthego, loa re, A re si be re utlue koru ea ga Yehova Morimo oa rona, le esiñ go tlola re bona molelo o, o mogolu, gore re si shue.

17Mi Yehova o la a ’nthaea, a re, Se ba se buileñ se molemo.

18Ki tla ba cosetsa Moperofeti mo baneñ ba ga rabo eo o cuanañ nau, mi ki tla tsenya mahuku a me mo molomoñ oa gague; mi o tla bua le bona cotle tse ki tla li mo laolelañ.

19Mi go tla rihala, leha e le mañmañ eo o tla ganañ go utlua mahuku a me, ua o tla a buañ ka leina ya me, ki tla se lopa go ena.

20Mi moperofeti eo, eo o tla ipaeañ go bua lehuku ka leina ya me, ye ki si ka ka le mo laolela go le bua, khotsa eo o tla buañ ka leina ya merimo e sele, a moperofeti eo a shue.

21Mi ha lo re mo peluñ tsa lona, Re tla itse yañ lehuku ye, Yehova o la a sa ka a le bua?

22Etlare mogañ moperofeti o buañ mo ineñ ya ga Yehova, mi ha lehuku ye, le sa rihale, le esiñ go tla, ye ki yeona lehuku ye Yehova o la a sa ka a le bua, mi moperofeti eo, o le buile ka bokaka: lo si moihe.