Bakolosa 1 - Sechuana Tlhaping Moffatt Bible 1890（TSN1890）

KHAOLO 1.

1PAULO moapostoloi oa ga Yesu Keresete, le Timoteo mokauleñue,

2Go baitsephi le bakauleñue ba ba rumelañ, ba ba mo go Keresete, kua Kolosa: Tsegohaco e ne le lona, le kagisho, e e coañ Morimoñ Rra ecu, le Yesu Keresete Morena.

3Rea itumelela Morimo, le Rra Yesu Keresete Morena, ka go lo rapelela ka gale,

4Re sina utlua ga tumelo ea lona mo go Keresete Yesu, le ga lorato lo, lo ratañ baitsephi botle ka lona,

5Ka ntla ea culuhelo e lo e beecoeñ mo magorimoñ, e lo e utluileñ pele mo hukuñ ya boamarure ya evangelio;

6Ye le tlileñ go lona, yaka mo hatsiñ yeotle; ye le uñuañ louñuo, yaka mo go lona, ga motla o lo loa utlua loa itse tsegohaco ea Morimo ea boamarure ka ona;

7Yaka lo ithutile mo go Epafera, eo re leñ batlanka nae, eo o rategañ, le moriheri oa boikanyo oa ga Keresete mo go lona;

8Eo le ena o re itsisitseñ lorato loa lona mo Moeeñ.

9Ki gona le rona ka mouo, e sa le ka motla o, re le ra utlua ka ona, ga re khutle go lo rapelela, le go eletsa gore lo tlarioe ka kico ea thato ea gague, mo botlaleñ yotle le tlaloganyo ea moea;

10Gore lo tsamaee go cuanela Morena, go khatla mo liloñ cotle, le go uñuisioa mo tihoñ cotle tse ri molemo, le go totela mo kicoñ ea Morimo;

11Go thataharioa ka thata eotle, kaha thateñ ea khalalelo ea ona, mo bopeluñnolo le mo bopeluñtelele, le boitumelo;

12Go itumelela Morimo Rra, o o re nonotsitseñ go na baaberoi ba boshua yoa baitsephi mo leseriñ;

13O o re golotseñ mo thateñ ea lehihi, mi o re isitse mo gosiñ yoa Moroa lorato loa ona;

14Eo re nañ le khololo mo go ena ka ntla ea mari a gague, eboñ boicuarelo yoa libe;

15Eo e leñ cuano ea Morimo o o sa bonoeñ, le motsaloi oa ntla oa lilo tse ri bopiloeñ cotle;

16Gone lilo cotle li bopiloe ki ena, le tse ri kua legorimoñ, le tse ri mo lehatsiñ, tse ri bonoañ, le tse ri sa bonoeñ, leha e le lirulo tsa bogosi, khotsa litaolo, khotsa balaori ba bagolu, khotsa lithata; lilo cotle li bopiloe ki ena, mi li rihecoe ena;

17Mo o la a le pele ga lilo cotle, mi lilo cotle li eme mogo ka ena.

18Mi ki ena tlogo ea mele, eboñ ea ekelesia. Ki ena tsimologo, motsaloi oa ntla mo bashuiñ, gore a ne mogolu bogolu mo go cotle.

19Gone gole gole monate go Rra gore botlalo yotle bo nne mo go ena;

20Mi ka o agisitse ka ena ka ntla ea mari a mokhoro oa gague, go ithuanyetsa lilo cotle; eboñ ka ena, leha e le lilo tse ri mo lehatsiñ, leha e le lilo tse ri kua magorimoñ.

21Le lona, erile pele loa bo lontse ba loshaba lo sele, le baba, ka maitlomo mo tihoñ tsa boleo, yana o lo ruantse

22Mo meleñ oa nama ea gague, ka loshu, go lo baea ha pele ga gague mo khalaleloñ, le esiñ le molatu, le go sa buelege;

23Ha lo sala mo tumeloñ, le go theoa, le mo tlomamoñ, le esiñ go shutisioa mo culuheloñ ea Evangelio e lo e utluileñ, e e rerecoeñ tse ri bopiloeñ cotle tse ri kua tlatse ga legorimo; e ’na Paulo ki rihiloeñ moriheri oa eona.

24Yana kia itumela mo pogishoñ tsa me ka ntla ea lona, go rihahatsa mo nameñ ea me tse ri setseñ tsa pogisho tsa ga Keresete, ka ntla ea mele oa gague, o e leñ ekelesia;

25E ki e rihecoeñ moriheri, kaha tlameleloñ ea Morimo e ki e lo ’nnelecoeñ, go rihahatsa lehuku ya Morimo,

26 Eboñ bosaitsioeñ yo e saleñ bo shuyoa mo metleñ eotle, le tsikeñ cotle, yo yana bo bonatsicoeñ go baitsephi ba ona;

27Ba, Morimo o ratañ go ba itsise mahumo a khalalelo a bosaitsioeñ yo mo bahaiteniñ; yo e leñ Keresete mo go lona culuhelo ea khalalelo;

28Eo, re mo rerañ, re tlagisa moñue le moñue, re ruta moñue le moñue mo botlaleñ yotle; gore re bee moñue le moñue a tlaricoe mo go Keresete Yesu;

29Mo, le ’na ki rihelañ gona, ki ganelela kaha go riheñ ga gague eo o rihañ mo go ’na ka thata.