1 Bakorinta 5 - Sechuana Tlhaping Moffatt Bible 1890（TSN1890）

1GO bulelecoe botle ha khokahalo e mo go lona, le khokahalo e e kalo e e sa buioeñ mo bahaiteniñ, ha moñue a ka nyala mogatsa rague.

2Mi a lo santse lo burologile? mi a ga lo hutsahale bogolu, gore a tlosioe mo go lona, eo o rihileñ tiho e?

3Gone rure leha ki sieo mo go lona ka mele, mi ki na le lona mo moeeñ, ki sekisitse gale ena eo o rihileñ tiho e yaka ekete ki le ki le gona,

4Ha lo phuthega mo ineñ ya ga Yesu Keresete, le moea oa me, le thata ea Yesu Keresete Morena oa rona,

5Go nelela Satane eo ontseñ yalo, go na tsenyo ea nama, gore moea o bulukoe mo motleñ oa ga Yesu Morena.

6Pelahalo ea lona ga ea siama. A ga lo itse ha seberisho se se botlana se berisa kholokue ea señkhue eotle?

7Ki gona tlosañ seberisho sa bogolugolu, gore lo ne kholokoe e nca, yaka lo sa berisioe: gone le eona Tlolaganyo ea rona re e tlabecoe, eboñ Keresete;

8Ki gona a re bulukeñ moriho, esiñ ka seberisho sa bogolugolu, leha e le ka seberisho sa bogale yoa cubo, le sa boleo; mi a o ne ka go bisa go berisioa ga tsiamo, le boamarure.

9Ki lo kualetse mo episetoleñ, gore lo si tlakane le bagokahari:

10Esiñ gotle le bagokahari ba lehatse yenu, khotsa le batimani, khotsa le bapatiki, khotsa le bariheri ba merimo ea liseto; ha gontse yalo lo kabo lo cuanetse go coa mo lehatsiñ.

11Mi yana ki lo kualetse gore lo si tlakane le moñue eo o birioañ mokauleñue ha e le mogokahari, khotsa motimani, khotsa moriheri oa merimo ea liseto, khotsa mokhari, khotsa motagoi, khotsa mopatiki; mi lo si ye le eo ontseñ yalo.

12Gone ki rihañ go sekisa le ba ba kua ntle, mi a ga lo sekise ba ba kua teñ?

13Mi ba ba kua ntle, ba sekisioa ki Morimo. Ki gona tlosañ mothu eo oa boleo go lona.