1MI lehuku ya ga Yehova ya ’ntihahalela, ya re,
2Moroa mothu, raea khosana ea Tsura, Go bua yalo Yehova Morena: Ere ka pelu ea gago e ikhorisitse, mi u reile, Ki Morimo, ki rutse mo seruloñ sa Morimo, mo gareñ ga maoatle; ecua u le mothu, u si Morimo, leha u baea pelu ea gago yaka pelu ea Morimo:
3Bona, u tlalehile bogolu go Daniele; ga gona sepe se se kopelecoeñ se se gu shubegetseñ.
4U ikamogetse lohumo ka botlale yoa gago le tlaloganyo ea gago, u amo-getse gouda le selevera mo mahumoñ a gago:
5U intsiharitse mahumo a gago, ka bogolu yoa botlale yoa gago, le thekalano ea gago, mi pelu ea gago e ikhorisitse ka mahumo a gago:
6Ki gona go buañ yalo Yehova Morena: Ka u beile pelu ea gago yaka pelu ea Morimo;
7Ki gona, bona, ki tla tlisa baeñ go uena, eboñ baboitsegi ba merahe: mi ba tla shomolela boiñtle yoa botlale yoa gago caka tsa bona, mi ba tla tsepholola phatsimo ea gago.
8Ba tla gu holosetsa mo moleteñ, mi u tla shua loshu loa ba ba bolailoeñ mo gareñ ga maoatle.
9A u tla buela rure ha pele ga babolai ba gago, u re, Ki Morimo? ka u le mothu, u si Morimo mo atleñ tsa bona ba ba gu bolaeañ.
10U tla shua loshu loa ba ba sa guerisioañ ka liatla tsa baeñ: gone ki buile, go bua Yehova Morena.
11Mi lehuku ya ga Yehova ya ’ntihahalela, ya re,
12Moroa mothu, culeletsa khosi ea Tsura khutsahalelo, mi u e ree, Go bua yalo Yehova Morena: U sekanelo se se setiloeñ seiñtle, u tletse botlale, le boiñtle yo bo itekanetseñ.
13U lu u le mo Edeneñ tsimo ea Morimo; mayana a a rategañ aotle e le le sekhurumelo sa gago, eboñ saradio, le topase, le diamenta, le berulo, le shohama, le yasepera, le safira, le emeraleda, le karebuñkela, le gouda: mi tihelo ea meropa ea gago le ea basari ba gago, e le ea bakañoa nau ka tsatsi ye u lu ua bopioa ka yeona.
14Ka gu riha yaka keruba e e tloricoeñ e e khurumetsañ: u lu u le mo thabeñ ea Morimo ea boitsepho; ua sepela kua le kua mo mayeñ a molelo.
15U lu u le itekanelo mo mekhueñ ea gago le ka tsatsi ye u bopiloeñ ka yeona, ea tsamaea tsiamololo ea bonoa go uena.
16Ba tlaritse ha gare ga gago ka tsenyo ka bontsi yoa thekalano ea gago, mi u leohile: ki gona ki tla gu tsephololañ mo thabeñ ea Morimo: mi uena keruba e e khurumetsañ, ki tla gu herisa gareñ ga maye a molelo.
17Pelu ea gago e le ea ikhorisetsa boiñtle yoa gago, u borisitse botlale yoa gago ka phatsimo ea gago: ki tla gu rigela ha hatse, ki tla gu baea ha pele ga likhosi, gore li gu bone.
18U tsepholotse helo ga gago ga boitsepho ka bontsi yoa tsiamololo tsa gago, le ka tsiamololo ea thekalano ea gago; ki gona ki tla coisañ molelo go uena, o o tla gu nyeletsañ, mi ki tla gu ntsa molora mo mbuñ ha pele ga maitlo a botle ba ba gu bonañ.
19Botle ba ba gu itseñ mo bathuñ ba tla gu gakhamalela: u tla na therego e kholu, mi ga u kitla u tlola u leeo ka bosakhutleñ.
20¶ Mi lehuku ya ga Yehova ya ’ntihahalela, ya re,
21Moroa mothu, tsepegela Tsidona hatlogo sa gago, mi u o perofeseletse,
22Mi u re, Go bua yalo Yehova Morena: Bona, uena Tsidona, ki emalanye nau; mi ki tla galalerioa gare ga gago: mi ba tla itse ha ki le Yehova, mogañ ki rihañ litsekisho go ona, le go galalerioa go ona.
23Mi ki tla romela pesetelense go ona, le mari mo mebileñ ea ona: mi ba ba kuenisicoeñ ba tla oa gare ga ona, ka caka go ona tikologoñ: mi ba tla itse ha ki le Yehova.
24Mi ba ntlu ea Yeserela ga ba kitla ba na le metluana e e tlukuhatsañ, le esiñ motlua o o hutsahatsañ mo botleñ ba ba tikologoñ ea bona, ba ba ba nyaritseñ; mi ba tla itse ha ki le Yehova Morena.
25Go bua yalo Yehova Morena: Ki sina phutha ba ntlu ea Yeserela mo bathuñ ba ba halalericoeñ go bona, ereha gona ki tla tsephisioañ ki bona mo maitloñ a bahaitene, mi ba tla nna mo hatsiñ ye ki le ka le naea Yakobe motlañka oa me.
26Mi ba tla nna go yeona ka thagamo, ba aga matlu, ba tloma masimo a mevina; mi ba tla nna thagamo, ki sina rihela ba ba ba nyaritseñ tikologoñ litsekisho; mi ba tla itse ha ki le Yehova Morimo oa bona.
Who We AreWhat We EelieveWhat We Do
2025 by iamachristian.org,Inc All rights reserved.
