Ekesodo 8 - Sechuana Tlhaping Moffatt Bible 1890（TSN1890）

KHAOLO 8.

1MI Yehova a raea Moshe, Ea go Faroe, mi u mo ree, Go bua yalo Yehova, Lesa bathu ba me ba ee, gore ba ’ntihele.

2Mi ha u gana go ba lesa go ea, bona, ki tla daea meleloane eotle ea gago ka liguagua:

3Mi noka e tla nyeula liguagua, tse ri tla coañ, li tsena mo tluñ ea gago, le mo tluñ ea gago ea borobalo, le mo bolaoñ yoa gago, le mo matluñ a batlañka benu, le ea bathu ba gago, le mo matluñ a gago a peseco, le mo megopuñ ea gago ea borubelo:

4Mi liguagua li tla tla go uena, le bathu ba gago, le batlañka ba gago botle.

5¶ Mi Yehova a bua le Moshe, Raea Arone, Otlololela atla sa gago le tsama gorimo ga likelelo, le gorimo ga melapo, le gorimo ga matsa, mi u tlatlose mo hatsiñ ya Egepeto liguagua.

6Mi Arone a otlololela atla sa gague gorimo ga linoka tsa Egepeto; mi ga coa liguagua, mi tsa harahara lehatsi ya Egepeto:

7Mi liñaka tsa riha yalo ka mereo ea cona, tsa entsetsa hatsi ya Egepeto liguagua.

8¶ Mi Faroe a bitsa Moshe le Arone, mi a re, Rapelañ Yehova go tlosa liguagua go ’na le mo bathuñ ba me, mi ki tla lesa bathu ba ea, gore ba shupele Yehova.

9Mi Moshe a raea Faroe, ’Ntaolela lobaka lo ki tla gu rapelelañ le batlañka ba gago, le bathu ba gago ka lona, go senya liguagua go uena, le mo matluñ a gago, gore li ne mo nokeñ gosi.

10Mi a re, Ka mosho. Mi a re, A go ne kaha hukuñ ya gago: gore u itse, ha go si ope eo o cuanañ le Yehova Morimo oa rona.

11Mi liguagua li tla gu tlogela, le matlu a gago, le batlañka ba gago, le bathu ha gago; li tla na mo nokeñ gosi.

12Mi Moshe le Arone ba coa go Faroe: mi Moshe a biletsa Yehova kaga liguagua, tse o la li tliseritse Faroe.

13Mi Yehova a riha kaha hukuñ ya ga Moshe; mi liguagua tsa shua, mo matluñ, le mo masimoñ le mo nageñ.

14Mi ba li kokoanya mekoä: mi lehatsi ya eñkha seboru.

15Mi erile Faroe a bona ha go le tsehumolo a ikimahatsa pelu, mi a si ka a ba retsa; yaka Yehova a la a bua.

16¶ Mi Yehova a raea Moshe, Raea Arone, Otlolola tsama ea gago, mi daea lorole loa lehatsi, gore lo ne linta mo hatsiñ yeotle ya Egepeto.

17Mi ba riha yalo; gone Arone a otlolola atla sa gague le tsama ea gague, a daea lorole loa lehatsi, mi loa na linta mo bathuñ, le mo likhomuñ; lorole lotle loa lehatsi loa na linta, mo hatsiñ yeotle ya Egepeto.

18Mi liñaka le cona tsa riha yalo ka mereo ea cona go entsa linta, mi tsa paleloa: mi yalo ga na linta mo bathuñ le mo likhomuñ.

19Ereha gona liñaka li raeañ Faroe, Mo, ki monuana oa Morimo: mi pelu ea ga Faroe ea thataharioa, mi a si ka a retsa; yaka Yehova a la a bua.

20¶ Mi Yehova a raea Moshe, U phakele go sa le mosho, mi u ikemise ha pele ga Faroe; bona, o tla coela kua nokeñ; mi u mo ree, Go bua yalo Yehova, a re, Lesa bathu ba me ba ee, gore ba ’ntihele.

21Gone ha u sa lese bathu ba me go ea, bona, ki tla gu tlisetsa metsitsi e e tlakanyeñ, le mo batlañkeñ ba gago, le mo bathuñ ba gago le mo matluñ a gago: mi matlu a Baegepeto a tla tlala metsitsi e e tlakanyeñ; le ona ombu o e mo go ona.

22Mi ki tla lomolola hatsi ya Goshena, motleñ ouo, ye bathu ba me ba nntseñ go yeona, gore go si kitla go na metsitsi e e tlakanyeñ gona: gore u itse ha e le ’na Yehova gare ga lehatsi.

23Mi ki tla baea khololo gare ga bathu ba me le bathu ba gago: cupo e, e tla rihala ka mosho.

24Mi Yehova a riha yalo; mi ga tla metsitsi e e tlakanyeñ e megolu, mo tluñ ea ga Faroe, le mo matluñ a batlañka babo, le mo hatsiñ yeotle ya Egepeto: lehatsi ya borisioa ki metsitsi e e tlakanyeñ.

25¶ Mi Faroe a bitsa Moshe le Arone, mi a re, Eañ, lo shupele Morimo oa lona mo hatsiñ yenu.

26Mi Moshe a re, Ga goa siama go riha yalo; gone re tlabo re shupela Yehova Morimo oa rona maila a Baegepeto: bona, re kabo re shupela maila a Baegepeto ha pele ga maitlo a bona, a ga ba kitla ba re khobotletsa?

27Re lese go ea etoñ loa malatsi a le teri kua bogareñganaga, gore re shupele Yehova Morimo oa rona, yaka o tla re laolela.

28Mi Faroe a re, Ki tla lo lesa go ea, gore lo shupele Yehova Morimo oa lona kua bogareñganaga; ere ha lo ea lo si ee khakala; ki gona gosi: ’Ntha-pelela.

29Mi Moshe a re, Bona, ki coa go uena, mi ki tla rapela Yehova gore metsitsi e e tlakanyeñ e tlogele Faroe, le batlañka ba gague, le bathu ba gague ka mosho: a Faroe a si tlole a riha ka tsieco, ka go bisa go lesa bathu go ea, go shupela Yehova; ki gona gosi.

30Mi Moshe a coa go Faroe, mi a rapela Yehova.

31Mi Yehova a riha yaka lehuku ya ga Moshe; mi a tlosa metsitsi e e tlakanyeñ go Faroe, le mo batlañkeñ ba gague, le mo bathuñ ba gague; go si ka ga sala epe.

32Mi Faroe a ikimahatsa pelu le ka baka senu, le gona a si ka a lesa bathu go ea.