1MI ba isa areke ea Morimo, ba e emisa gare ga tenta e Davide o la a e tsarololetse: mi ba isetsa cupelo tsa phisho le cupelo tsa tebogo ha pele ga Morimo.
2Mi Davide a sina uetsa go hisa cupelo tsa phisho le cupelo tsa tebogo, a tsegahatsa bathu ka leina ya Yehova.
3Mi a abela moñue le moñue ca Bayeserela, le ena monona le mosari, moñue le moñue kholokue ea señkhue, le khabetlela ea nama, le moñoloi oa movina.
4¶ Mi a laolela ba Baleva go rihela ha pele ga areke ea ga Yehova, le go umaka, le go leboga, le go baka Yehova Morimo oa Bayeserela:
5Asafe e le le tlogo, le Sekarie oa bo‐tu, le Yeyele, le Shemiramote, le Yehiele, le Matitie, le Eliabe, le Benaye, le Obeda‐edome: mi Yeyele a na le lilo tsa kopelo, eboñ lisaletare le liharepe; mi Asafe a utluatsa ka lisembala;
6Le Benaye le Yahasiele baperiseti, ba na ka gale ha pele ga areke ea kholagano ea Morimo ka literompeta.
7¶ Davide a tsenya pesalema e pele ka tsatsi yeuo mo atleñ tsa Asafe le bana ba ga rague go baka Yehova.
8Bakañ Yehova, bitsañ leina ya gague, itsiseñ tiho tsa gague mo bathuñ.
9Mo opeleleñ, mo opeleleñ lipesalema, buañ ga likhakhamaco tsa gague cotle.
10Belahalelañ leina ya gague ya boitsepho: a pelu tsa ba ba batlañ Yehova ba itumele.
11Batlañ Yehova le thata ea gague, batlañ hatlogo sa gague ka gale.
12Gakologeloañ likhakhamaco tsa gague tse o li rihileñ, le licupo tsa gague, le litsiamisho tsa molomo oa gague;
13Lona losika loa Yeserele motlañka oa gague, lona bana ba Yakobe, baitseñkeroi ba gague.
14Ki ena Yehova Morimo oa rona: tsiamisho tsa gague li mo hatsiñ yeotle.
15Gakologeloañ kholagano ea gague ka gale; lehuku ye o le laoletseñ mo kokomaneñ ea bothousanda;
16 Eboñ kholagano e o la a e riha le Aberahame, le ikano ea gague go Yitsake;
17Mi a e tlomamiseritse Yakobe go na molao, le go Bayeserela go na kholagano e e sa khutleñ,
18A re, Ki tla lo naea hatsi ya Kanana, go na kabo ea boshua yoa lona;
19Ka ba le ba le banye, E, babotlana, le baeñ go yeona.
20¶ Mi ba le ba ea go moraheñ le go moraheñ o moñue, le go bogosiñ le go bathuñ ba sele.
21A si ka a leseletsa ope go ba patika; E, o la a ba buelela likhosi,
22 A re, Si ameñ motlorioi oa me, mi si shulatseñ baperofeti ba me.
23Lehatsi yeotle, opelañ Yehova; utluatsañ puluko ea gague ka tsatsi le tsatsi.
24Kakanyañ khalalelo ea gague mo baeteneñ; le likhakhamaco tsa gague mo meraheñ.
25Gone Yehova o mogolu, le go bakoa bogolu: mi o poitsego bogolu go merimo eotle.
26Gone merimo eotle ea bathu ki licuanco: mi Yehova o la a riha magorimo.
27Khalalelo le boiñtle li ha pele ga gague: thata le boitumelo li mo heloñ ga gague.
28Naeañ Yehova, lona tsika tsa bathu, naeañ Yehova khalalelo le thata.
29Naeañ Yehova khalalelo ea leina ya gague: tlisañ cupelo ea liyo, mi tlañ ha pele ga gague: obamelañ Yehova ka boiñtle yoa boitsepho.
30Lehatsi yeotle, tlaleloañ ha pele ga gague: lehatsi le yeona le tla tlomamisioa, gore le si tsikiñoe.
31¶ A magorimo a itumele, mi a lehatsi le ruruetse: mi a go tuoe mo baeteneñ, Yehova oa busa.
32A leoatle le rume, le botlalo yoa yeona: a linaga li ruruetse, le cotle tse ri go cona.
33Ereha gona litlare tsa sekhua li tla opelañ ha pele ga Yehova, gone o etla go sekisa lehatsi.
34Bakañ Yehova; gone o molemo; gone pelunomi ea gague e ka bosakhutleñ.
35Mi reñ, Morimo oa puluko ea rona re buluke, mi u re phuthe, mi re golole mo baeteneñ, gore re bake leina ya gago ya boitsepho, le go belahalela pako ea gago.
36A go bakoe Yehova Morimo oa Bayeserela ka bosakhutleñ, le bosakhutleñ. Mi bathu botle ba re, Amena, mi ba baka Yehova.
37¶ Mi a tlogela Asafe le bana ba ga rague gona ha pele ga areke ea kholagano ea ga Yehova, go rihela ha pele ga areke ka gale, señue le señue ka tsatsi ya shona,
38Le Obeda‐edome le bana ba ga rabo, ba sekeste eit; mi Obeda‐edome moroa Yedutune le Hose e le le barisi ba khoro:
39Mi Tsadoke moperiseti, le baperiseti bana ba ga rague, e le le ha pele ga taberenakela ea ga Yehova, mo heloñ ha gorimo, kua Gibeona,
40Go hisetsa Yehova cupelo tsa phisho ha aletareñ ea cupelo ea phisho ka gale, mo moshoñ le ka matsiboea, le kaha cotleñ tse ri kuariloeñ mo molaoñ oa ga Yehova o o la a o laolela Bayeserela.
41Le Hemane le Yedutune nabo, le ba ba setseñ ba ba itseñkecoeñ, ba ba birioañ ka maina, go baka Yehova, gone pelunomi ea gague e ka bosakhutleñ;
42Le Hemane le Yedutune nabo ba na le literompeta li lisembala tsa bona ba ba utluatsañ, le ka lilo tsa kopelo tsa Morimo; mi bomoroa Yedutune e le le barisi ba khoro.
43Mi moñue le moñue oa bathu botle a ea kua tluñ ea gague: mi Davide a boea go tsegahatsa ba eintlu ea gague.
Who We AreWhat We EelieveWhat We Do
2025 by iamachristian.org,Inc All rights reserved.
