1TLOKOMELAÑ khueri ea Abiba, mi lo rihele Yehova Morimo oa lona Tlolaganyo: gone Yehova Morimo oa lona o la a lo entsa mo Egepeto ka khueri ea Abiba ka bosigo.
2Erehe gona lo tlabelañ Yehova Morimo oa lona Tlolaganyo ga macomane le matlape, mo heloñ ha Yehova o tla go itseñkelañ go nnisa leina ya gague gona.
3Lo si ye se se berisicoeñ ka eona: lo ye se se sa berisioañ ka eona ka malatsi a seven, eboñ señkhue sa pogisho; gone lo loa coa mo hatsiñ ya Egepeto ka kakoho: gore lo gakologeloe tsatsi ye lo loa coa mo hatsiñ ya Egepeto ka yeona, metleñ ea tselo yoa lona eotle.
4Mi a go si bonoe go lona seberisho mo meleloaneñ ea lona eotle ka malatsi a seven; le gona a go si salele bosigo le go ea moshoñ nama epe, e lo loa e tlaba ka matsiboea a tsatsi ya eintla.
5Ga lo kake loa tlabela Tlolaganyo mo go eñue ea khoro tsa lona, tse Yehova Morimo oa lona o li lo naeañ:
6Mi helo ha Yehova Morimo oa lona, o tla go itseñkelañ, go nnisa leina ya gague gona, lo tlabele Tlolaganyo gona ka matsiboea, ka go phirima ga letsatsi, ka motla ouo lo loa coa Egepeto ka ona.
7Mi lo e apee, lo e yele heloñ ha Yehova Morimo oa lona o tla go itseñkelañ: mi lo menoge mo moshoñ, lo ee tenteñ tsa lona.
8Lo ye se se sa berisioañ ka malatsi a sekes: mi tsatsi ya ithibo go Yehova Morimo oa lona le ka tsatsi ya seven: si riheñ tiho epe.
9¶ Ipaleleñ liueke li seven: go simolola go bala liueke li seven ka motla o lo tsenyañ sekele mo mabeleñ.
10Erehe gona lo rihelañ Yehova Morimo oa lona moletlo oa liueke ka lekhetho ya cupelo ea peleego mo atleñ tsa lona, e lo tla e naean, kaha Yehova Morimo oa lona o lo tsegaharitseñ ka gona:
11Mi lo itumele ha pele ga Yehova Morimo oa lona, lona, le bomoroa lona, le bomoroaria lona, le batlañka ba lona, le malata a lona, le Baleva ba ba mo khoroñ tsa lona, le baeñ, le likhutsana, le batlolagari, ba ba mo go lona, heloñ ha Yehova Morimo oa lona o tla go itseñkelañ go nnisa leina ya gague gona.
12Mi lo gakologeloe lo lo le batlañka mo Egepeto: mi lo tlokomele go riha taeo tse.
13¶ Lo tsegetse moletlo oa liobo ka malatsi a seven, lo sina kokoanya ga libupi tsa lona le ga lirebeleco tsa lona:
14Mi lo itumele mo moletloñ oa lona, lona, le bomoroa lona, le bomoroaria lona, le batlañka ba lona, le malata a lona, le Baleva, le baeñ, le likhutsana, le batlolagari, ba ba mo khoroñ tsa lona.
15Lo tsegeletse Yehova Morimo oa lona moletlo ka malatsi a seven mo heloñ ha Yehova o tla go itseñkelañ: gone Yehova Morimo oa lona, o tla lo tsegahatsa mo totahaloñ ea lona eotle, le mo tihoñ tsa atla tsa lona cotle, ki gona lo itumelelañ rure.
16¶ Botle ba senona ba lona, a ba bonale ha pele ga Yehova Morimo oa lona ga teri, ka ñuaga o le moñue, heloñ ha o tla go itseñkelañ: ka moletlo oa se se sa berisioañ, le ka moletlo oa liueke, le ka moletlo oa liobo: mi a ba si bonale ha pele ga Yehova ba iphotlere:
17Moñue le moñue kaha nonohoñ ea atla sa gague, kaha tsegahacoñ ea ga Yehova Morimo oa lona, e o e lo neileñ.
18¶ Lo itaolele basiamisi le likala mo khoroñ tsa lona cotle, tse Yehova Morimo oa lona o li lo naeañ mo licoñ tsa lona: mi a ba siamise bathu ka tsiamisho e e siameñ.
19Si haposeñ tsiamisho; mi lo si gobele bathu, le esiñ go cula theleseco: gone theleseco e hohubatsa maitlo a matlale, mi e shokamisa mahuku a basiami.
20Tsiamo, tsiamo, lo e khukhele, gore lo tsele, lu rue lehatsi, ye Yehova Morimo oa lona o le lo naeañ.
21¶ Lo si tlome sekhuana sa litlare liñue ha aletareñ ea ga Yehova Morimo oa lona, e lo tla e itihelañ.
22Le gona lo si ikemisetse secuanco sa thokhamo; se Yehova Morimo oa lona o se ilañ.
Who We AreWhat We EelieveWhat We Do
2025 by iamachristian.org,Inc All rights reserved.
