2 Samuele 12 - Sechuana Tlhaping Moffatt Bible 1890（TSN1890）

1MI Yehova a romela Natane go Davide. Mi a hitla go ena, a mo raea, Gabo gole banona ba tu mo motseñ o le moñue; moñue a humile, mi eo moñue a humanegile.

2Eo o humileñ a na la macomane le matlape a mantsintsi:

3Mi eo o humanegileñ o la a sina sepe, ha e si kuanyana e e namagatsana e le eñue e o la a e reka a e risa: mi ea gola nae le mo baneñ ba gague; e le ea ya ga seyonyana sa gague, ea noa ga senoelo sa gague, ea robala mo hubeñ sa gague, mi ea na go ena yaka moroari e.

4Mi ga tla motsamai go mohumi, mi a rekegela go tsaea ga lecomane ya gague, le ga letlape ya gague, go bakanyetsa moeti eo o mo etetseñ; mi a tsaea kuanyana e e namagatsana ea mohumanegi, a e bakanyetsa monona eo o la a mo etetse.

5Mi bogale yoa ga Davide yoa tukela monona eo segolu; mi a raea Natane, Yaka Yehova a tserile, monona eo o rihileñ seo se o cuanetse go shua:

6Mi a a rebolele kuana e e namagatsana e ka li for, ka a rihile seo se, mi a sa rekegele.

7¶ Mi Natane a raea Davide, U monona eo. Go bua yalo Yehova Morimo oa Bayeserela, Ki le ka gu tloletsa khosi ea Bayeserela, mi ka gu golola mo atleñ sa ga Saule;

8Mi ka gu naea ba eintlu ea morena oa gago, eboñ basari ba morena oa gago mo hubeñ sa gago, mi ka gu naea ba eintlu ea Yeserele le ba eintlu ea Yude; mi ha e le le bonye, ’nko ki gu okeletsa yalo le yalo.

9U lu u nyaletsañ lehuku ya Yehova, ka go shulatsa mo maitloñ a gague? U bolaile Urie oa Moheta ka caka, mi u tseile mosari oa gague go na mosari oa gago, mi ena, u molaile ka caka ea bana ba Amone.

10Ki gona caka ga e kitla e tlogela ba eintlu ea gago ka bosakhutleñ, gone u ’nnyaritse, mi u tseile mosari oa Urie oa Moheta go na mosari oa gago.

11Go bua yalo Yehova, Bona, ki tla gu coseta boshula mo tluñ ea gago, mi ki tla tsaea basari ba gago ha pele ga maitlo a gago, ki ba naea moñ ka uena, mi o tla lala le basari ba gago ha pele ga letsatsi ye.

12Gone u rihile ka bosaitsioeñ, mi ’na ki tla riha seo se ha pele ga Bayeserela botle, le ha pele ga letsatsi.

13Mi Davide a raea Natane, Ki leohetse Yehova. Mi Natane a raea Davide, Yehova o tlositse le shona seleo sa gago; ga u kitla u shua.

14Leha gontse yalo, ka u kharise-ritse baba ba Yehova rure ka seo se, le ena mosimane eo o gu tsalecoeñ, o tla shuela rure.

15¶ Mi Natane a ea kua tluñ ea gague. Mi Yehova a daea ñuana eo mosari oa Urie o mo tsaletseñ Davide, mi a bobola segolu.

16Mi Davide a batlela ñuana eo Morimo; mi Davide a riha pisho go ya, mi a letse ha hatsi ka bosigo.

17Mi bagolu ba eintlu ea gague ba mo nanogela, go mo namolola hatsi: mi a gana, mi a si ka a ya liyo nabo.

18Mi ga rihala ka tsatsi ya bo‐seven, ñuana a shua. Mi batlañka ba Davide ba boiha go mulelela ha ñuana a shule: gone ba re, Bonañ, re le ra bua le ena ka ñuana a sa tserile, mi a si ka a retsa koru tsa rona: o tla iculatsa yañ, ha re mulelela ha ñuana a shule?

19Mi Davide a bona batlañka ba gague ba beta beta, mi Davide a lemoga ha ñuana a shule: mi Davide a raea batlañka ba gague, A ñuana o shule? Mi ba re, O shule.

20Ereha gona Davide o namologañ ha hatsi, a itlapisa, a itlotsa, a ananya aparo tsa gague, a tsena mo tluñ ea ga Yehova, a obamela: mi a ea kua tluñ ea gague; mi ka a lopa, ba maea liyo pele, mi a ya.

21Mi batlañka ba gague ba mo raea, Eñ se u se rihileñ? u lu ua riha pisho go ya ua lelela ñuana, ka a sa tserile; mi erile ñuana a sina shua, ua namologa ua ya liyo.

22Mi a re, Ki le ka riha pisho go ya ka lela ka ñuana a sa tserile: gone ka re, Go itse mañ ha Yehova a ka na boicuarelo go ’na, gore ñuana a tsele.

23Mi yana o shule, mi ki rihelañ pisho go ya? a ’nka mosa? Ki tla ea go ena, mi ga a kitla a boela go ’na.

24¶ Mi Davide a gomotsa Bata‐shebe mosari oa gague, mi a tsena mo go ena, mi a lala nae: mi a bona mosimane, mi a mo sha leina ya Solomone: mi Yehova a mo rata,

25Mi a roma ka Natane moperofeti; mi a mo sha leina ya Yedidie, ka Yehova a mo rata.

26¶ Mi Yoabe a tlabana le Raba oa bana ba Amone; mi a thopa motse oa bogosi.

27Mi Yoabe a romela baroñoi go Davide, a re, Ki tlabanye le Raba, mi ki thopile motse oa linoka.

28Mi yana phutha bathu ba ba setseñ, mi u tlaolelele motse, u o thope: gore e si be khotsa ki thopa motse, mi o birioa ka leina ya me.

29Mi Davide a phutha bathu botle, a ea Raba, a o tlasela, a o thopa.

30Mi a tsaea kerone ea khosi mo tlogoñ ea eona, bokete yoa eona e le le talenta ea gouda, le mayana a a rategañ: mi ea roesioa mo tlogoñ ea Davide. Mi a entsa thopo e kholu bogolu ea motse.

31Mi a entsa bathu ba ba go ona, a ba tsenya mo lisetloñ, le mo liphothoñ tsa tsipi, le mo lilepeñ tsa tsipi, mi a ba ralatsa mo tluñ ea peseco ea makote: mi a rihela metse eotle ea bana ba Amone yalo. Mi Davide le bathu botle ba boela kua Yerusalema.