Litiho tsa Baapostoloi 19 - Sechuana Tlhaping Moffatt Bible 1890（TSN1890）

1MI ga rihala ka Apolo a le mo Korinta, Paulo a la a raletse likhaolo tsa gorimo, a hitla go Efesia; mi a hitlela barutoa bañue gona,

2Mi a ba raea, A lo le loa cula Moea oa Boitsepho ga motla o lo loa rumela ka ona? Mi ba mo raea, Ga re e si re ke re utlue ha go le Moea oa Boitsepho.

3Mi a ba raea, Mi lo lo bapetisericoe go eñ? Mi ba re, go Papetisho ea ga Yohane.

4Mi Paulo, a re, Rure Yohane o la a bapetisa ka papetisho ea tlabologo, a raea bathu gore ba rumele mo go ena eo o tlañ morago ga gague, ki go re, mo go Keresete Yesu.

5Mi ka ba utlua yalo, ba bapetisioa mo ineñ ya ga Yesu Morena.

6Mi ka Paulo a sina baea liatla go bona, Moea oa Boitsepho oa tla go bona; mi ba bua ka puo li sele, mi ba ruta.

7Mi botle ba, e kane e le banona ba tuelev.

8Mi a tsena mo senagogeñ, mi a bua ka thanolo, a ganela, a itsise ga lilo tsa bogosi yoa Morimo, ka khueri li teri.

9Mi ka bañue ba thataharioa, ba sa rumele, ba bua boshula ga tsela e ha pele ga bontsi, a coa go bona, mi a tlaola barutoa, mi a ganela ka malatsi aotle mo sekoleñ sa moñue eo o birioañ Tirano.

10Mi tse tsa coelela ka lobaka loa nyaga li tu; ga tsamaea botle ba ba agileñ mo Asia ba utlua huku ya Yesu Morena, Bayuda le Bagerika.

11Mi Morimo oa riha likhakhamaco li sele ka atla tsa ga Paulo;

12Ga tsamaea matsela le matsela a meitlamo a tseoa mo meleñ oa gague, a isioa baboboriñ, mi lipobolo tsa ba tlogela, mi meoea e e boshula ea coa go bona.

13Mi Bayuda bañue ba ba kuirieañ, ba ba ikanelañ bademona, ba ipaea go bitsa leina ya ga Yesu Morena mo go bona ba ba nañ le meoea e e boshula, ba re, Rea gu ikanela ka Yesu, eo Paulo o rerañ ga gague.

14Mi yana gabo gole baseven, bomoroa Sekeve, Moyuda, le moperiseti eo mogolu, ba ba rihañ yalo.

15Mi moea o o boshula oa araba oa re, Yesu kia mo itse, le Paulo kia mo itse; mi lona lo bo mañ?

16Mi mothu eo moea o o boshula o leñ mo go ena a ba tlolela, mi a ba gatela, mi a ba henya, ga tsamaea ba tsaba ba coa mo tluñ e, ba sa ikatega, ba kuenesericoe.

17Mi tse tsa itsege mo Bayudiñ botle le Bagerika ba ba agileñ mo Efesia; mi poiho ea ba oela botle; mi leina ya ga Yesu Morena ya gorisioa.

18Mi bantsi ba ba ba rumelañ ba tla ba ipobola, ba bulela tiho tsa bona.

19Le bantsi ba bona ba ba rihañ tiho tsa boherehere, ba khopha libuka tsa bona, mi ba li hisa ha pele ga botle; mi ba bala theko ea cona, mi ea bonoa ha e le liselevera li faev thousanda.

20Mi lehuku ya Morena ya gola ya henya thata yalo.

21¶ Mi ka lilo tseuo li sina uerioa, Paulo a itloma mo moeeñ ha etlare a sina ralala Makedonia le Akaia, a etele Yerusalem, a re, Ki tlare ki sina na gona, Roma le ona ki cuanetse go o bona,

22Mi ka a sina romela ba tu ba ba mo rihelañ kua Makedonia, eboñ Timoteo, le Eraseto, ena a sala ka motla mo Asia ka esi.

23Mi mo motleñ ouo, ga coga khuruego e si nyenye kaga thuto ea Bakeresete.

24Gone monona moñue eo o birioañ Demeterio, mothuri oa selevera, eo o la a riha tempelana tsa Diana ka selevera; mi tiho ea cona e leretsa barihi tuelo e si nyenye.

25Ba o ba phuthileñ le barihi ba lilo tseuo, mi a re, Banona, loa itse, maruo aotle a rona, a rule mo tihoñ e.

26Mi loa bona, loa utlua, ha Paulo eo, a itsisitse a bosa bontsi yoa bathu, esiñ ba Efesia bosi, mi le gona e kane e le mo Asia yeotle, a re, Ga si merimo, e e rihiloeñ ka liatla;

27Mi ga si tiho ea rona eosi e ba batlañ go e nyeletsa, mi le eona tempela ea morimo o mogolu oa sesari, Diana, e tla nyatsega, mi le khalalelo ea ona e tla hela, o Asia yeotle le lehatse yeotle le o obamelañ.

28Mi ka ba utlua yalo ba tlala bogale, mi ba bitsa, ba re, Go mogolu Diana oa Baefesia.

29Mi motse otle oa tlala tlakanyo; mi ka ba cuere Gaiu, le Arisetareko, banona ba Makedonia, bañue ka Paulo ba loeto, ba thubegela mogo kua heloñ ga ponelo.

30Mi ka Paulo a rata go tsena mo bathuñ, barutoa ba si ka ba mo lesa.

31Mi bañue ba bagoluane ba Asia, ba e leñ tsala tsa gague, ba romela go ena, ba rapela gore a si inele mo heloñ ga ponelo.

32Eriha gona bañue ba bitsañ se, bañue se sele; gone phuthego e khuebeanye; mi bogolu yoa bona ba sa itse se ba se phuthegetseñ.

33Mi ba shuabola Alakandero mo bontsiñ, mi Bayuda ba mo khokhoetsa; mi Alekandero a goetla ka seatla, a rata go ikarabela mo bathuñ.

34Mi ka ba sina itse ha e le Moyuda, botle ba bitsa ka koru e ñue hela e kane e le lioura li tu, Go mogolu Diana oa Baefesia.

35Mi ka mokuari oa motse a sina ririmatsa bontsi, a re, Lona banona ba Efesia, go mothu ohe eo o sa itseñ ha motse oa Efesia o necoe tiheloñ ea morimo o mogolu oa sesari Diana, le oa seseto se se oleñ go Yupita?

36Mi ka e le ha lilo tse li sa kake tsa ganerioa, ki gona lo cuanetseñ go ririmala, le esiñ go riha sepe ka khakhabuelo.

37Gone lo lerile bathu ba, ba ba sa ucueñ mo matluñ a merimo, le esiñ bakhari ba morimo oa sesari oa lona.

38Ki gona yana ha Demeterio, le ba tiho e, ba ba nañ nae, ba na le señue kaga moñue, malatsi a tseko a gona, mi baatlori ba gona; a ba nane molatu.

39Mi ha lo botsa kaga lilo tse riñue, li tla atloloa mo phuthegoñ e e laocoeñ, yaka molao.

40Gone re eme mo poitsegoñ ea ge sekisioa ka ntla ea tlapeo ea gompienu; ka gone go sina kaha re ka ikarabelañ phuthego e ka gona.

41Mi ka a sina bua yalo a phatlalatsa phuthego.