Yeremie 20 - Sechuana Tlhaping Moffatt Bible 1890（TSN1890）

KHAOLO 20.

1MI Pashure, moperiseti, moroa Imere, a bo a le molebalebi eo mogolu mo tluñ ea ga Yehova, a utlua Yeremie a perofesa lilo tseuo.

2Mi Pashure a tlanya Yeremie moperofeti, a mo tsenya mo likhoñeñ tse ri mo khoroñ ea gorimo ea Benyamina, e e ha tluñ ea ga Yehova.

3Mi ga rihala ka mosho, Pashure a ntsa Yeremie mo likhoñeñ. Mi Yeremie a mo raea, Yehova ga a ka a bitsa leina ya gago Pashure, e le Magore‐misabibe.

4Gone go bua yalo Yehova, Bona, ki tla gu riha go ipoiha ka uesi, le poiho mo tsaleñ tsa gago cotle: mi li tla oa ka caka ea baba ba cona, mi maitlo a gago a tla go bona: mi ki tla tsenya Bayuda botle mo atleñ sa khosi ea Babelona, mi e tla ba isa bacuaroi kua Babelona, e ba khemetha ka caka.

5Gape ki tla naea nonoho eotle ea motse o, le totahalo eotle ea ona, le tse ri rategañ cotle tsa ona, le mahumo aotle a likhosi tsa Yuda, E, ki tla li tsenya mo atleñ tsa baba ba bona, mi ba tla li thopa, ba li tsaea, ba li isa kua Babelona.

6Mi uena, Pashura, le botle ba ba nntseñ mo tluñ ea gago, lo tla ea bocuaroñ: mi u tla hitla go Babelona, mi u tla shuela gona, u hitloa gona, uena, le tsala tsa gago cotle, tse u li perofeseritseñ maka.

7¶ Yehova u ’mphepisitse, mi ka hepisega: u lu u le thata go ’na, mi u ’nnonohetse: ki tsegoa ka gale, moñue le moñue oa ’ncotla.

8Gone e sale ki simolola go bua, ka khayayega, ka küa, Patiko le tsenyo; gone lehuku ya ga Yehova le ’ntihetse khobo, le cotlo, ka gale.

9Ereha gona ki reñ, Ga ’nkitla ki mo umaka, le esiñ go tlola go bua ka leina ya gague. Mi gole gole yaka molelo o o tukañ mo peluñ ea me, o o cualecoeñ mo marapoñ a me, mi ka itapisa go icoka, mi ga kia ka ka nonoha.

10Gone ka utlua tumeri ea boshula ea bontsi, le poiho tikologoñ. Ba re, Re buleleñ, mi re tla go utluatsa. Tsala tsa me cotle li tlokomela go tlotsa ga me, ba re, Ekare khotsa a hepioa, mi re tla mo nonohela, mi re tla mo ipusholosetsa.

11Mi Yehova o na le ’na yaka segañka se se boitsegañ: ki gona babogisi ba me ba khokhoetsegañ, mi ba si ka ba nonoha: ba le ba tlayoa ki litloñ segolu, gone ba si ka ba tsegohala: coshobagano ea bona e tla na ka bosakhutleñ, ga e kitla e lebaloa.

12Mi Yehova oa lintua, eo o lekañ basiami, eo o bonañ liphio le pelu, a ki bone pushulosho ea gago go bona, gone ki gu bontsitse se se ganeloañ sa me.

13¶ Opelañ Yehova, bakañ Yehova: gone o golotse botselo yoa motloki mo atleñ tsa bashulatsi.

14A go rogoe tsatsi ye ki tsecoeñ go yeona: a tsatsi ye mme o ’ntsetseñ a le si tsegoharioe.

15A go rogoe monona eo o buleletseñ rre, a re, Mosimane o gu tsalecoe; a mo itumerisa segolu.

16Mi monona eo, a a ne yaka metse e Yehova o la a e ribegetsa, a sa ikuatlaee: mi a a utlue khayayego mo moshoñ, le coshomokhosi ka motsegare;

17Ka a si ka a ’mpolaela mo sebopeloñ; ereha gona mme o kabo a le phupu ea me, le sebopelo sa gague se ithuele ka bosakhutleñ.

18Ana ki coetseñ mo sebopeloñ go bona ikhokholelo le bohutsana, le gona gore malatsi a me a nyelerioe ka litloñ?