1 Bakorinta 14 - Sechuana Tlhaping Moffatt Bible 1890（TSN1890）

1LATELAÑ lorato, mi tloahalelañ lineo tsa moea, mi bogolu gore lo rute.

2Gone eo o buañ ka puo e sele, ga a bue le bathu, mi e le go Morimo, gone ga go ope eo o e tlaloganyañ; mi mo moeeñ o bua lilo tse ri sa itsioeñ.

3Mi eo o rutañ, o bua le bathu kagelelo, le kaelo, le khomoco.

4Eo o buañ ka puo e sele, oa ikagelela; mi eo o rutañ oa agelela ekelesia.

5Ki rata gore lotle lo bue ka puo li sele, mi bogolu gore lo rute; gone go mogolu bogolu eo o rutañ mo go eo o buañ ka puo li sele, ha a sa li phutholole, gore ekelesia e bone kagelelo.

6Mi yana bakauleñue, ha ’nka tla go lona ki bua ka lipuo li sele, ’nko ki lo rihela molemo ohe, ha ki sa bue le lona ka ponatsego, khotsa ka kico, khotsa ka go rera, khotsa ka thuto?

7E, le cona tse ri sa tseleñ, tse ri nañ le kuruane, leha e le phare, khotsa harepe, ha li sa lomologane melori, go tla itsioe yañ se se loricoeñ, khotsa se se operisicoeñ mo harepeñ?

8Gone, ha terompeta e nela molori o sele, mañ eo o tla iketleletsañ tlabano?

9Yalo le lona, ha lo sa bue ka puo mahuku a a tlaloganyetsegañ, go tla tlalogañoa yañ se se buioañ? gone lo tla na yaka ba ba buañ mo loapiñ.

10Go le, yaka go ka rihala, likoru li lintsi li sele mo lehatsiñ, mi ga go epe ea cona e e sinañ se e se kaeañ.

11Ki gona ha ki sa itse kaelo ea koru, ki tla na mobarabai go ena eo o buañ, le eo o buañ o tla na mobarabai go ’na.

12Yalo le lona, ka lo tloahaletse neo tsa moea, ki gona batlañ gore lo site go agelela ekelesia.

13Ki gona, a eo o buañ ka puo e sele, a rapele gore a phutholole.

14Gone ha ki rapela ka puo e sele, moea oa me oa rapela, mi tlaloganyo ea me ga e na louñuo.

15Ana se eñ? Ki tla rapela ka moea, mi ki tla rapela le ka tlaloganyo; ki tla opela ka moea, mi ki tla opela le ka tlaloganyo.

16Ha gontse yalo, ha u itumelela ka moea, eo o mo boemoñ yoa eo o sa rutoañ, o tla re Amena yañ mo boitumeleloñ yoa gago, ka a sa itse se u se buañ?

17Gone u itumelela rure ka tsiamo, mi eo moñue ga a ageleloe.

18Ki itumelela Morimo oa me ka ki bua ka lipuo li sele bogolu mo go lona lotle:

19Leha gontse yalo ki rata bogolu go bua mahuku a le mafaev ka tlaloganyo ea me mo ekelesieñ, gore ki rute le ba bañue, bogolu go bua mahuku a ten thousanda ka puo e sele.

20Bakauleñue, lo si ne bana mo tlaloganyoñ: mi lo ne banyana mo boshuleñ, mi lo ne banona mo tlaloganyoñ.

21Go kuariloe mo molaoñ, Ki tla bua le bathu ba ka ba lipuo li sele, le lipounama li sele: leha gontse yalo ga ba kitla ba ’nkutlua, go bua Yehova.

22Ki gona yalo lipuo li sele, e leñ cupo, esiñ go bona ba ba rumelañ, e le go ba ba sa rumeleñ; mi thuto e le cupo, esiñ go ba ba sa rumeleñ, e le go ba ba rumelañ.

23Ki gona ha ekelesia eotle e phuthegela mogo, mi botle ba bua ka puo li sele, mi go tsena ba ba sa rutoañ, khotsa ba ba sa rumeleñ, a ga ba kitla ba re, loa tsenoa?

24Mi ha botle ba ruta, mi go tsena moñue eo o sa rumeleñ, khotsa eo o sa rutoañ, eo o lemotsioa ki botle, mi o sekisioa ki botle;

25Mi yalo lilo tse ri sa itsioeñ tsa pelu ea gague li senosioe; mi yalo o tla oa ka sehatlogo sa gague, a obamela Morimo, mi a bulela ha Morimo o le mo go lona ka amarure.

26Gontse yañ, bakauleñue? ha lo tla mogo, moñue le moñue oa lona a na le pesalem, a na le thuto, a na le puo e sele, a na le ponatsego, a na le puthololo. A lilo cotle li riheloe kagelelo.

27Mi ha moñue a bua ka puo e sele, a e ne esiñ bogolu go ba tu khotsa ba teri, ka phapano; mi moñue a phutholole.

28Mi ha go si na mophutholori, a a ririmale mo ekelesieñ; a a ithee, le Morimo, a a bue le ona.

29A baperofeti ba bue ka bo‐tu, khotsa bo‐teri, mi ba bañue a ba harologanye.

30Mi ha moñue eo o rutseñ gona a bonatsegecoe ki señue, a oa ntla a ririmale.

31Gone lo ka ruta lotle, ka tatelano, gore botle ba ithute, le gore botle ba gomorioe.

32Mi meoea ea baperofeti, e utlua baperofeti.

33Gone Morimo ga si Morimo oa tlakanyo, mi e le oa kagisho, yaka mo liekelesieñ cotle tsa baitsephi.

34A basari ba lona ba ririmale mo liekelesieñ; gone ba sa leselerioe go bua; mi a ba ne mo kutloñ ea taolo yaka le ona molao o bua.

35Mi ha ba rata go ithuta señue, a ba botse banona ba bona kua gae; gone e le mashue ha basari ba bua mo ekelesieñ.

36A lehuku ya Morimo le rule mo go lona? khotsa a le tlile go lona losi?

37Ha moñue a itloma a le moperofeti, khotsa oa moea, a a ipobole ha lilo tse ki li lo kualelañ, ki litaolo tsa Morena.

38Mi ha moñue a sa itse, a a si itse.

39Ki gona, bakauleñue, tloahalañ go ruta, mi si khoreletseñ go bua ka lipuo li sele.

40A lilo cotle li rihale ka tlotlo, le thulaganyo.