1BOGAREGANAGA le sekaka li tla itumelela lilo tse; le poa e tla ruruetsa, e thunya yaka ceshe.
2E tla thunya segolu, e tlapeloa, E, e tla tlapeloa, e opela: e tla neoa khalalelo ea Lebanona, le boiñtle yoa Karemela la Sharona, ba tla bona khalalelo ea ga Yehova, le boiñtle yoa Morimo oa rona.
3¶ Nonotsañ liatla tse li repileñ; mi lomaganyañ mañole a a khuetlañ.
4Raeañ ba pelu tsa kiribalo, Thatahalañ, si boiheñ: bonañ, Morimo oa lona o tla tla ka pushulosho, ka khopololo ea Morimo: o tla tla, o lo buluka.
5Eriha gona maitlo a lihohu a tla buruloloañ, le tsebe tsa boshushu li tla kabololoa.
6Eriha gona motlotsi o tla tlolañ yaka kukama, le loleme loa semumu lo tla opela: gone metse a tla phanyega mo gareñganaga, le likelelo mo poeñ.
7Meenene e tla na letsa, le mbu oa nyorego o tla na mecoeri ea metse: go tla na boyañ le lotlaka le mekhasi mo mannoñ a liphiri, kua li lalañ gona.
8Tsela ea mheru e tla na gona, le tsela; mi e tla birioa tsela ea boitsepho; eo o sa itsekañ ga a kitla a eta ka eona; mi e tla na ea bale; leha baeti ba le masilo, ga ba kitla ba timela.
9Tau ga e kitla e na gona, le esiñ sebatana sepe se tla tlatlogelañ go eona, ga se kitla se bonoa gona; mi barekolori ba tla sepela gona.
10Mi ba ba golocoeñ ki Yehova ba tla boea, ba tla Tsiona ka kopelo; boitumelo yo bosakhutleñ bo tla roesa tlogo tsa bona; ba tla neoa letlapelo le boitumelo; mi bohutsana le liphegelo li tla hohela koñ.
Who We AreWhat We EelieveWhat We Do
2025 by iamachristian.org,Inc All rights reserved.
